Robert Z. Aliber fjallar um erlendar fjárfestingar lífeyrissjóða
![Robert Z. Aliber fjallar um erlendar fjárfestingar lífeyrissjóða - á vefsíðu Háskóla Íslands](https://www.hi.is/sites/default/files/styles/efsta_mynd___vi_bur_um/public/stjori/bakgrunnsmyndir2/1920_KRI_menntavisindasvid_200904_003.jpg?itok=TvLwKOYU)
Oddi
Stofa 101
Bandaríski hagfræðingurinn Robert Z. Aliber fjallar um erlendar fjárfestingar lífeyrissjóða í fyrirlestri þann 7. júní, kl. 12.00 - 13.30 í Odda, stofu 101.
Í fyrirlestri sínum mun Aliber fjalla um tengsl erlendra fjárfestingalífeyrissjóða og mynsturs viðskiptahalla og viðskiptaafgangs í heiminum og hvernig afgangur á viðskiptum eins lands skapar halla í viðskiptum annarra landa. Hann mun leitast við að svara þeirri spurningu hvort þjóðir Vesturlanda, sem horfa fram á fjölgun fólks á lífeyrisaldri, geti fjármagnað fyrirséða aukningu lífeyrisgreiðslna með erlendum fjárfestingum og hvaða erfiðleika slíkar fjárfestingar geta skapað í alþjóðahagkerfinu. Fyrirlesturinn fer fram á ensku.
Umræður í lokin
Að loknum fyrirlestri Alibers munu Már Guðmundsson, fyrrverandi seðlabankastjóri og Lúðvík Elíasson, yfirmaður rannsókna- og spádeildar Seðlabanka Íslands, ræða um efni fyrirlestursins.
Fundurinn er öllum opinn.
Robert Z. Aliber, prófessor emeritus, University of Chicago
![Robert Z. Aliber fjallar um erlendar fjárfestingar lífeyrissjóða](https://www.hi.is/sites/default/files/styles/mynd___kassa_fyrir_fr_ttir_/public/vidburdir/j3r6k.jpg?itok=XClkI3l1)