Prófessorsfyrirlestur - Lárus S. Guðmundsson

Lárus S. Guðmundsson hlaut framgang í starf prófessors við Lyfjafræðideild Heilbrigðisvísindasviðs HÍ í lok júní 2024. í tilefni af tímamótunum heldur Lárus prófessorsfyrirlestur í Læknagarði (stofa 201) fimmtudaginn 28. nóvember milli kl. 15 og 16. Fyrirlesturinn, sem ber yfirskriftina Mígreni, svefnlyf og ópíóíðar, er öllum opinn.

Lárus stundaði doktorsnám við Læknadeild HÍ á árunum 2006-2010 og útskrifaðist með doktorspróf í líf- og læknavísindum. Verkefnið fjallaði um samband mígrenis, blóðþrýstings og bólgusvars við hjarta- og æðasjúkdóma. Lárus tók þátt í stofnun FEDON, Félag doktorsnema og Nýdoktora við Háskóla Íslands og sat í stjórn félagsins. Að loknu doktorsnámi fór Lárus til Bethesda í Maryland í Bandaríkjunum og vann við rannsóknir við National Institute on Aging / National Institutes of Health og Uniformed Services University of the Health Sciences. Þar rannsakaði hann höfuðáverka en einnig samband mígrenis, þunglyndis og heilastærðar.