Maurar á Íslandi
Perlan, 2. hæð
Það kemur mörgum á óvart að maurar finnist í Reykjavík og víðar á Íslandi. Á spennandi viðburði á 2. hæð Perlunnar sunnudaginn 5. maí kl. 14-16 gefst fólki tækifæri til að kynnast þessum forvitnilegu dýrum, stöðu þeirra í vistkerfinu og hvað það þýðir fyrir lífríki Íslands að þeir finnist nú hér. Viðburðurinn er haldinn á vegum Náttúruminjasafns Íslands í samstarfi við Háskóla Íslands og Marco Mancini líffræðing en hann hefur stundað rannsóknir á maurum á Íslandi undanfarin ár.
Viðburðurinn er liður í Spennandi sunnudögum, viðburðaröð fyrir alla fjölskylduna sem Náttúruminjasafn Íslands býður upp á á sýningu safnsins, Vatnið í náttúru Íslands, í Perlunni. Þar gefst kjörið tækifæri fyrir fjölskyldur til að skemmta sér og tengjast náttúrunni á óvenjulegan og skemmtilegan hátt.
Aðgangur er ókeypis.
Það kemur mörgum á óvart að maurar finnist í Reykjavík og víðar á Íslandi. Á spennandi viðburði á 2. hæð Perlunnar sunnudaginn 5. maí kl. 14-16 gefst fólki tækifæri til að kynnast þessum forvitnilegu dýrum, stöðu þeirra í vistkerfinu og hvað það þýðir fyrir lífríki Íslands að þeir finnist nú hér.
