Húsnæðismál á Íslandi - vefsíða

Næstkomandi fimmtudag, 28. nóvember, milli kl. 12-13 mun Már Wolfgang Mixa dósent við Viðskiptafræðideild Háskóla Íslands og sérfræðingur á sviði húsnæðismála halda fund í hádeginu í stofu HT-101 þar sem hann kynnir nýja vefsíðu varðandi húsnæðismál. Fundurinn fer fram á íslensku og er opinn öllum.

Fulltrúar stjórnmálaflokkanna munu einnig koma og svara spurningum um stefnur sínar í húsnæðismálum.

Markmið vefsíðunnar er að auðvelda fólki að nálgast upplýsingar varðandi þætti í tengslum við stærstu fjárfestingu flestra, húsnæði. Þar verða dregin saman helstu gögn sem tengjast húsnæðismálum svo sem kynningarefni um kosti og galla verðtryggðra og óverðtryggðra lána. Hún dregur saman fræðilegar greinar (ritrýndar greinar, ritgerðir háskólanema, og greinar birtar á almennum vettvangi), talnaefni, lög og reglugerðir, og önnur gögn er tengjast húsnæðismálum. Með þessu getur almenningur betur nálgast upplýsingar varðandi húsnæðismál og rannsakendur fundið gögn og heimildir við rannsóknir þeirra.

Fundurinn fer fram á íslensku og er opinn öllum.