Ert þú með góða hugmynd sem bætir samfélagið? Kynningarfundur Snjallræðis

Ert þú með góða hugmynd sem bætir samfélagið?Þá er Snjallræði eitthvað fyrir þig!

Öll velkomin á kynningarfund um vaxtarýmið Snjallræði í Grósku hugmyndahúsi, þriðjudaginn 15. ágúst frá kl. 12:00 – 13:00. 

Á fundinum mun Svafa Grönfeldt kynna MIT DesignX og samstarfið við Snjallræði. Alma Dóra Ríkarðsdóttir, stofnandi og framkvæmdastjóri Heima og Sigurþóra Bergsdóttir, framkvæmdastjóri Bergsins headspace, munu segja frá reynslu sinni af þátttöku í Snjallræði. Þá mun Bergur Ebbi ræða mikilvægi nýsköpunar fyrir framtíðina.

Opnað hefur verið fyrir umsóknir í Snjallræði! Umsóknarfrestur um þátttöku í Snjallræði haustið 2023 er til 20. ágúst næstkomandi.

Snjallræði var stofnað af Höfða friðarsetri árið 2018. Markmið verkefnisins hefur frá upphafi verið að ýta undir samfélagslega nýsköpun. Í því felst að styðja við teymi sem vilja takast á við samfélagslegar áskoranir og byggja upp kerfi og lausnir sem fela í sér ávinning fyrir fólk og umhverfi og þar af leiðandi fyrir samfélagið í heild.

Skráning á kynningarfundinn fer fram hér!

Nánari upplýsingar um Snjallræði og umsóknarform á heimasíðu okkar