DÖGUN VETNISALDAR - Heiðursmálþing Háskóla Íslands í minningu dr. Þorsteins I. Sigfússonar
Aðalbygging
Hátíðasalur HÍ
Háskóli Íslands stendur fyrir heiðursmálþingi í minningu dr. Þorsteins I. Sigfússonar, fyrrverandi prófessors við Háskóla Íslands og forstjóra Nýsköpunarmiðstöðvar Íslands, undir yfirskriftinni Dögun vetnisaldar. Málþingið verður í Hátíðasal HÍ 4. júní kl. 10-12.30. Við sama tilefni verður veitt viðurkenning úr Nýsköpunarsjóði dr. Þorsteins Inga.
Boðið verður upp á fyrirlestra og pallborðsumræður um þróun vetnhagskerfis með þátttöku sérfræðinga frá Háskóla Íslands og orkufyrirtækjum. Guðlaugur Þór Þórðarson umhverfis-, orku- og loftslagsráðherra opnar málþingið.
Fundarstjóri: Guðrún Pétursdóttir
Dagskrá:
- Ávarp rektors
- Jón Atli Benediktsson rektor
- Opnun málþings
- Guðlaugur Þór Þórðarson, umhverfis- orku- og loftlagsráðherra
- Fyrirlestrar
- Rúnar Unnþórsson: Endurkoma vetnisins – Háskóli Íslands
- Egill Tómasson: Vegvísir og vetnisdalir – dögun vetnishagkerfis á Íslandi – Landsvirkjun
- Davíð Þór Þorsteinsson: Án viðnáms
- Pallborðsumræður
- Stjórnandi: Þóra Arnórsdóttir – Landsvirkjun
- Daði Þ. Sveinbjörnsson - Landsvirkjun
- Rúnar Unnþórsson – Háskóli Íslands
- Margrét Lilja Hrafnkelsdóttir – Orka náttúrunnar
- Tryggvi Þór Herbertsson – QAIR
- Viðurkenning Nýsköpunarsjóðs dr. Þorsteins Inga Sigfússonar
- Jón Atli Benediktsson rektor afhendir viðurkenninguna
- Fundarslit og léttar veitingar
Þorsteinn Ingi Sigfússon lauk doktorsnámi í eðlisfræði frá Cambridge-háskóla í Englandi árið 1983. Hann hóf störf sem fræðimaður við Raunvísindastofnun Háskóla Íslands árið 1982 og síðar sem prófessor í eðlisfræði við háskólann. Þorsteinn Ingi vann ötullega að tengingu háskóla og atvinnulífs og kom að stofnun og stjórnarmennsku sprotafyrirtækja á mörgum sviðum.
