Dagur stjórnmálafræðinnar þann 18. júní

Félag stjórnmálafræðinga stendur, í samstarfi við Stofnun stjórnsýslufræða og stjórnmála, fyrir Degi stjórnmálafræðinnar ásamt verðlaunaafhendingu fyrir framúrskarandi ritgerðir í stjórnmálafræði þriðjudaginn 18. júní kl.14:00-16:30, í Odda-101 í HÍ. Boðið verður upp á léttar veitingar að dagskrá lokinni.

Þema dagsins er um ungt fólk og lýðræði. Hvernig hugsar ungt fólk um lýðræði, hvernig taka þau þátt, hvaða málefni eru það sem skipta ungt fólk máli, hvaða miðlar ná til þeirra og hvernig valdeflist ungt fólk til áhrifa? Þetta eru dæmi um spurningar sem verður velt upp.

Tinna Isebarn, Hulda Þórisdóttir og Ragný Þóra Guðjohnsen flytja stutt erindi um sínar rannsóknir, reynslu og framtíðarsýn um ungt fólk til áhrifa. Í kjölfarið verða pallborðsumræður þar sem taka þátt ungir sem aldnir sem láta sig þessi mál varða.

Í pallborðinu verða þau:

• Jörundur Orrason, dagskrárgerðarmaður þáttarins Kjóstu betur sem var sýndur á Rúv.is
• Andrés Ingi Jónsson, þingmaður Pírata
• Eyþór Wöhler, sem tók þátt í kosningaherferð Höllu T.
• Sylvía Martinsdóttir, forseti LUF
• Sigurlaug Anna Jóhannsdóttir, stjórnmálafræðingur og verkefnisstjóri lýðræðismála hjá Reykjavíkurborg

Í lok dags verða svo veitt verðlaun fyrir framúrskarandi lokaritgerðir í stjórnmálafræði sem var skilað árið 2023.

Dagskrá:

14:00-15:00:

• Hulda Þórisdóttir, prófessor í stjórnmálasálfræði  – Er lýðræðið brothætt í höndum ungra kjósenda?
• Ragný Þóra Guðjohnsen, lektor á menntavísindasviði  – Hvernig virkjum við borgaralegan kraft unga fólksins á tímum stórra áskorana?
• Tinna Isebarn, framkvæmdarstjóri LUF  – Ungmennafélög sem lykildrifkraftar lýðræðisumbóta: Um framfarir og vannýtt tækifæri

15:15 – 16:00

• Pallborðsumræður – hvað skiptir ungt fólk máli, hvaða miðla nota þau, og er hlustað og brugðist við þeirra óskum, hvernig geta þau haft áhrif?

16:00-16:30:

Verðlaunaafhending fyrir framúrskarandi lokaritgerðir í stjórnmálafræði sem var skilað árið 2023. G.Rósa Eyvindardóttir, leiðtogi dómnefnda mun veita verðlaunin fyrir hönd Félags stjórnmálafræðinga.

Fundarstjóri verður Eva H. Önnudóttir, prófessor og stjórnarkona í Félag stjórnmálafræðinga.

Í framhaldi verður boðið upp á léttar veitingar á kaffistofunni á annarri hæð í Odda.

Sjá viðburð á Fésbók hér.

Öll velkomin. Viðburðurinn fer fram á íslensku. Aðgangur ókeypis.

Félag stjórnmálafræðinga og Stofnun stjórnsýslufræða og stjórnmála.