Sigurður Reynir Gíslason, vísindamaður hjá Raunvísindastofnun HÍ
Alþjóðlegt samstarf um eyðingu útblásturs gróðurhúsalofttegunda. Vísindamenn fullyrða að gróðurhúsaáhrif séu einn alvarlegasti umhverfisvandi sem að mannkyni steðjar og menn keppast við að vinna gegn þessari þróun. 70% af orkunotkun Íslendinga byggist á innlendum sjálfbærum orkulindum. Vísindamenn okkar eru í lykilstöðu til að rannsaka hvernig draga megi úr útblæstri gróðurhúsalofttegunda.
Sigurður Reynir Gíslason
Háskóli Íslands gegnir stóru hlutverki í alþjóðlegri rannsókn á því að binda koltvísýring sem steintegund neðanjarðar. Sigurður Reynir Gíslason, vísindamaður við Jarðvísindastofnun Háskólans, leiðir hóp vísindamanna sem rannsakar þennan möguleika og nefnist verkefnið Carbfix.
Háskóli Íslands gegnir stóru hlutverki í alþjóðlegri rannsókn á því að binda koltvísýring sem steintegund neðanjarðar. Sigurður Reynir Gíslason, vísindamaður við Jarðvísindastofnun Háskólans, leiðir hóp vísindamanna sem rannsakar þennan möguleika og nefnist verkefnið Carbfix. Að samstarfinu koma, auk Háskóla Íslands, Orkuveita Reykjavíkur, Columbia háskóli í Bandaríkjunum og Rannsóknarráð Frakklands. Fjöldi vísindamanna koma því að verkefninu, auk íslenskra og erlendra doktorsnema.
Háskóli Íslands gegnir hér lykilhlutverki. Aðkoma hans byggist á áratugauppbyggingu þekkingar á orku-, jarð og umhverfisvísindum og markvissu alþjóðlegu rannsóknarsamstarfi. Í verkefninu felast tækifæri til að kljást við áhrif gróðurhúsalofttegunda og hlýnandi loftslags og hefur verkefnið vakið athygli víða um heim. Koltvísýringi verður dælt ofan í basaltjarðlög og vonast er til að þannig megi binda koltvísýringinn í árhundruð og jafnvel árþúsundir.