Uppskeruhátíð Römpum upp Ísland - streymi

Háskóli Íslands býður til uppskeruhátíðar verkefnisins Römpum upp Ísland (RUÍ) föstudaginn 14. mars í Hátíðasal Aðalbyggingar Háskóla Íslands (HÍ).

Streymt verður frá viðburðinum.

Síðustu mánuði hefur verið unnið hörðum höndum að því að ná því lokatakmarki verkefnisins að byggja 1.500 rampa um allt land og bæta aðgengi hreyfihamlaðra.

Af þessu tilefni bjóða RUÍ og HÍ til veislu þar sem haldið verður upp á þennan merka áfanga.Þar er á ferðinni sannkölluð veisla þar sem bakhjarlar, velvildarfólk og aðrir stuðningsaðilar verkefnisins geta glaðst saman við ljúfa tóna og skemmtiatriði.

Ávörp og hugvekjur flytja:
- Jón Atli Benediktsson, rektor Háskóla Íslands
- Guðni Th. Jóhannesson, fyrrverandi forseti Íslands
- Eyjólfur Ármannsson samgöngu- og sveitarstjórnarráðherra
- Dagur B. Eggertsson, fyrrverandi borgarstjóri
- Bryndís Thors grunnskólanemi
- Katrín Jakobsdóttir, fyrrverandi forsætisráðherra
- Haraldur Ingi Þorleifsson, stofnandi RUÍ

Kristján Kristjánsson, KK, börn úr leikskólanum Bakkaborg og félagar úr Lúðrasveit Reykjavíkur flytja tónlist.

Hátíðinni stýrir Gunnar Hansson, leikari og útvarpsmaður.