Þýðingar á tímum gervigreindar

Dr. Rubén González Vallejo frá Universidad de Malaga heldur opinn fyrirlestur á vegum námsgreinar í spænsku við Mála- og menningardeildar Háskóla Íslands. Fyrirlesturinn nefndist Þýðingar á tímum gervigreindar og fer fram á spænsku.

Haldið í stofu 103 í Veröld – húsi Vigdísar, fimmtudaginn 9. janúar kl 15:00-16:00. Verið öll velkomin.

Í fyrirlestri sínum beinir dr. González sjónum að því hvernig þýðingarforrit starfa og hvernig nota má þau og nýta við þýðingar ólíkra texta og við yfirferð þýðinga. Hann mun að auki skoða með viðstöddum hvort og hvernig þýðingarforrit tala saman á spjallþráðum (e. chatbots). Því næst tekur hann dæmi um ýmis aðgengileg og ókeypis forrit sem þýðendum standa til boða, svo sem OmegaT og fleiri.