Lýsingar og frásagnir af ofbeldi og stríði í Palestínu: Einu ári síðar

Palestínuverkefnið við Háskóla Íslands og Námsgrein í Mið-Austurlandafræði efna til opins fundar um þær áframhaldandi hörmungar sem ríða yfir Gaza og nágrenni. Fundurinn er endurtekning á fyrsta viðburðinum sem Palestínuverkefnið við HÍ stóð fyrir í nóvember á síðasta ári, með sömu þátttakendum, þeim Giti Chandra, Guðrúnu Margréti Guðmundsdóttur, og Viðari Þorsteinssyni.

Markmið fundarins er að endurskoða sumt að því sem fjallað var um fyrir ári síðan og gera tilraun til að greina hvort eitthvað hafi breyst í umfjöllun um viðhorf og viðbrögð við hörmungunum, hugtakanotkun, stöðu stofnana og samtaka, bæði á Íslandi og erlendis, og tilgang mótmæla.

Fundurinn verður haldinn Auðarsal í Veröld - húsi Vigdísar, mánudaginn 11. nóvember og hefst kl. 16:30. Fundurinn fer fram á ensku.

Dagskrá:

• Kynning: Þórir Jónsson Hraundal, lektor í Mið-Austurlandafræði við Mála- og menningardeild Háskóla Íslands.
• Giti Chandra, sérfræðingur hjá RIKK (Institute for Gender, Equality and Difference)
• Viðar Þorsteinsson, heimspekingur og fræðslustjóri Eflingar 
• Guðrún Margrét Guðmundsdóttir, sérfræðingur hjá ASÍ.

Nikkita Hamar Patterson, doktorsnemi og stundakennari við Háskóla Íslands og Þórir Jónsson Hraundal stýra fundinum.

Viðburðurinn er öllum opinn og aðgangur er ókeypis.