Firring skjásamfélagsins – félagsfræðileg ljósmyndasýning á Menningarnótt í HÍ

Að öllum líkindum ertu að lesa þetta af skjá. Þótt einmitt það geti verið þægilegt þá geta uppsöfnuð áhrif almennrar skjánotkunar haft ýmisleg óæskileg áhrif á líf fólks.

Firring skjásamfélagsins er nýstárleg félagsfræðileg ljósmyndasýning sem beinir gagnrýnum sjónum að ótilætluðum áhrifum víðtækrar skjánotkunar á samskipti og samfélag. Sýningin, sem er á neðstu hæð Háskólatorgs Háskóla Íslands, er byggð á nýrri bók Viðars Halldórssonar, prófessors í félagsfræði, sem ber heitið Sjáum samfélagið. Sýningin verður opin frá kl.13.30 til 15.30 á Menningarnótt laugardaginn 24. ágúst og verður höfundur að sjálfsögðu á staðnum.