Er í lagi með börnin okkar? Hvernig getum við hjálpað?

Er í lagi með börnin okkar? Hvernig getum hjálpað þeim að feta sig í gegnum áskoranir uppvaxtaráranna í skólanum og á heimilinu?

Jeffrey D.Wilhelm er margverðlaunaður prófessor í ensku og menntunarfræðum í Boise University í Idaho í Bandaríkjunum og stofnandi Boise State Writing Project. Hann hefur skrifað 42 bækur um þroska og nám ungmenna, þar á meðal bókina FIGHTING FAKE NEWS (Corwin, 2023) um að lesa sig í gegnum falsfréttir. Í þessum fyrirlestri mun Jeffrey fjalla um tvær langtíma rannsóknir um líðan drengja í skóla og utan hans, auk nýlegra rannsókna um andlega heilsu ungmenna. Meðal annars verður farið yfir tengsl vanvirkni, áhugaleysis, þunglyndis, kvíða og hefðbundinna hugmynda um nám og kennslu, tengsl við notkun á samfélagsmiðlum og skorti á áreiðanlegum upplýsingum. Leiðir til að virkja og styðja drengi og stúlkur verða kynnntar, þar á meðal leiðir til að mynda hópa sem rækta gagnkvæma virðingu og heilbrigðar samræður um álitamál. Þannig byggjum við seiglu og samfélag sem ýtir undir skilning og virðingu fyrir því hvernig þekking er byggð upp og sannreynd í greinum eins og blaðamennsku, vísindum og félagsgreinum.

Fyrir foreldra, kennara og aðra áhugasama. Flutt á ensku.

Miðasala er á Tix.