Opin vörn meistararitgerðar í lögfræði

Opin vörn meistararitgerðar Finns Marteins Sigurðssonar í lögfræði.

Titill ritgerðar: Oft var þörf en er nauðsyn? Skylduaðild að félögum á sviði eignaréttar í ljósi fyrirmæla 2. málsl. 2. mgr. 74. gr. og 1. mgr. 72. gr. stjórnarskrár.

Skoðað verður hvernig löggjöf um fjögur nánar tilgreind skylduaðildarfélög á sviði eignaréttar, þ.e. húsfélög, veiðifélög, félög í frístundabyggð og svonefnd jarðarfélög samkvæmt II. kafla A jarðalaga, samrýmist skilyrðum 2. málsl. 2. mgr. 74.gr. stjórnarskrár um leyfilegar takmarkanir á neikvæðu félagafrelsi og ákvæðis 2. mgr. 11. gr. mannréttindasáttmála Evrópu. Í þessu sambandi verður jafnframt gerð grein fyrir samspili 2. mgr. 74. gr. og 1. mgr. 72. mgr. stjórnarskrár um vernd eignarréttinda, auk þess sem stuttlega verður vikið að þýðingu eignarréttarákvæðis 1. gr. 1. viðauka mannréttindasáttmála Evrópu.

Að loknu erindi verður boðið upp á fyrirspurnir og umræður.

Leiðbeinandi: Karl Axelsson, prófessor.

Prófdómari: Þorgeir Örlygsson, fyrrverandi hæstaréttardómari.