Alþjóðlegir nýnemar boðnir velkomnir

Á dagskrá kynningardaga fyrir alþjóðlega nýnema eru kynningar og námskeið sem auðvelda nemendum að taka fyrstu skrefin í HÍ og njóta námsdvalarinnar sem best. Auk þess verður boðið upp á örnámskeið í íslensku, móttöku með lifandi tónlist og grilluðum pylsum, mentor-mingle og fleiri spennandi viðburði.

Markmið daganna er að bjóða alþjóðanema velkomna, kynna þjónustu Háskólans, styðja nemendur í að aðlagast nýrri menningu og kynnast öðrum nemendum. 

Dagskráin er sérstaklega ætluð skiptinemum en öllum alþjóðlegum nýnemum er velkomið að taka þátt í móttökunni á Háskólatorgi og viðburðum í Stúdentakjallaranum á fimmtudeginum og föstudeginum. Nemendum sem eru að hefja fullt nám við HÍ verður einnig boðið á kynningarfundi hjá sínum fræðasviðum.

Nánari upplýsingar um kynningardagana