Staðkennsla fellur niður í HÍ fimmtudaginn 6. febrúar milli kl. 8 og 13

Jón Atli Benediktsson, rektor Háskóla Íslands, sendi eftirfarandi tilkynningu til starfsfólks og nemenda skólans í kvöld:

„Kæru nemendur og samstarfsfólk.

Það stefnir í vonskuveður á morgun, fimmtudag. Gefin hefur verið út rauð veðurviðvörun fyrir höfuðborgarsvæðið og nær landið allt. Mun öll staðkennsla á vegum Háskóla Íslands því falla niður á morgun frá klukkan 8-13. Ég hvet öll til að fara varlega og fylgjast með tilkynningum Veðurstofu Íslands og lögreglu. Starfsfólk er hvatt til að vinna að heiman þar sem því verður við komið.

Jón Atli Benediktsson, rektor"