Vatnsdæluhátíð: Fræðumst um fortíðina með fornleifafræðingum

Laugardaginn 17. ágúst 2024 milli kl. 13-16

Örfyrirlestrar og leiðsögn um uppgraftarsvæðið á Þingeyrum

Fornleifafræðingar taka á móti gestum á Þingeyrum milli kl. 13:00-16:00  en þar hefur uppgröftur verið í gangi undanfarin sumur. Gestir fá leiðsögn og fræðslu á uppgraftarsvæðinu sjálfu, auk þess sem boðið verður uppá örfyrirlestra í kirkjunni. Eins verður hægt að skoða áhugaverða gripi sem fundist hafa frá tímum klaustursins sem starfrækt var á staðnum á miðöldum.

Fornleifaskóli barnanna

Krakkar fá tækifæri á að kynnast störfum fornleifafræðinga og grafa eftir gripum.

Viðburðurinn er hluti af dagskrá Vatnsdæluhátíðar sem Húnabyggð stendur fyrir helgina 16.-18. ágúst. Nánari upplýsingar um aðra dagskráliði á hátíðinni má finna á www.hunabyggd.is/is/vatsndaeluhatid-2024/

Þingeyraklaustur

Munkaklaustrið á Þingeyrum var stofnað árið 1133. Það var fyrsta klaustrið sem náði að festa sig í sessi á Íslandi. Það var starfrækt til ársins 1551 þegar það var lagt af í kjölfar siðaskiptanna. Þingeyraklaustur varð eitt það auðugasta hér á landi, var rekið lengst  en það gegndi ekki síst  mikilvægu hlutverki í ritmenningu Íslendinga á miðöldum.

Staðsetning

Mæting við Þingeyrakirkju. Næg bílastæði. Verið öll velkomin!

Nánari upplýsingar

bmn.hi.is og facebook.com/benedictinesiniceland