Samsýning framhaldsskólanna
Saga v. Hagatorg
Samsýning framhaldsskólanna 2025 opnar föstudaginn 28. nóvember á Sögu.
Samsýning framhaldsskólanna 2025 verður haldin dagana 28. nóvember til 4. desember á Sögu, nýju húsnæði Menntavísindasviðs Háskóla Íslands, við Hagatorg.
Föstudaginn 28. nóvember verður formleg opnun Samsýningar framhaldsskólanna kl. 13 - 14 í Sögu
- Stutt ávarp: Kolbrún Þorbjörg Pálsdóttir forseti fræðasviðs, Menntavísindasviðs bíður gesti velkomna í húsið.
- Tónlistaratriði: Þorsteinn Logi flytur sitt fyrsta frumsamda lag, spilar og syngur á gítar. Lagið er um náttúru og ást, innblástur frá Bubba og Magga Eiríks. Nemandi í Menntaskóla Borgarfjarðar
- Stutt ávarp: Rögnvaldur Jóhann Sæmundsson, aðstoðarrektor vísinda og þverfræðileika.
- Tónlistaratriði: Þórdís Emilía Aronsdóttir og Björney Aronsdóttir flytja verkið Por una Cabeza eftir Carlos Gardel fyrir tvær fiðlur. Nemendur í Menntaskóli í Tónlist.
- Stutt ávarp: Sigrún Baldursdóttir verkefnastjóri Samsýningar framhaldsskólanna ræðir um praktísk atriði eins og opnunartímann, bíður gesti velkomna að fá sér léttar veitingar.
- Tónlistaratriði: Sigríður Theodóra Sæmundsdóttir flytur tvö frumsamin lög, nemandi við Menntaskóli í tónlist.
Á Samsýningunni gefst nemendum tækifæri til að sýna almenningi hugmyndir sínar og sköpun af hvaða tagi sem er - og efla tengslanet sitt til framtíðar.
Tæplega 140 nemendur úr tíu framhaldsskólum víðsvegar af landinu taka þátt í sýningunni í ár og um 100 verkefni af öllu tagi verða til sýnis.
Markmið sýningarinnar er að sýna fram á mikilvægi þess að styðja við og efla STEAM samþættingu í íslensku samfélagi og menntun á sviði sjálfbærni og nýsköpunar- og frumkvöðlastarfs.Samsýningin gefur jafnframt nemendum og kennurum tækifæri á að kynnast starfsemi annarra framhaldsskóla og efla tengsl sín á milli.
Sýning verður opin daglega 28. nóv. - 4. des.
Opið kl. 10:00 - 18:00 virka daga
Opið kl. 10:00 - 17:00 helgina 29. - 30. nóv.
Eftirfarandi skólar taka þátt:
- Fjölbrautaskólinn í Breiðholti
- Fjölbrautaskóli Snæfellinga
- Fjölbrautaskóli Suðurlands
- Fjölbrautaskóli Vesturlands
- Fjölbrautaskólinn við Ármúla
- Menntaskóli Borgarfjarðar
- Menntaskóli í tónlist
- Myndlistaskólinn í Reykjavík
- Tækniskólinn
- Verzlunarskóli Íslands
Verið öll hjartanlega velkomin!
Samsýning framhaldsskólanna, NýMennt, Mennta- og barnamálaráðuneytið, Menningar-, nýsköpunar og háskólaráðuneytið
Tæplega 140 nemendur úr tíu framhaldsskólum víðsvegar af landinu taka þátt í Samsýningu framhaldsskólanna í ár og um 100 verkefni af öllu tagi verða til sýnis. Markmið sýningarinnar er að sýna fram á mikilvægi þess að styðja við og efla STEAM samþættingu í íslensku samfélagi og menntun á sviði sjálfbærni og nýsköpunar- og frumkvöðlastarfs. Samsýningin gefur jafnframt nemendum og kennurum tækifæri á að kynnast starfsemi annarra framhaldsskóla og efla tengsl sín á milli.
