Opnun Gervigreindarseturs Háskóla Íslands

Gervigreindarsetur Háskóla Íslands verður opnað formlega með viðburði í fyrirlestrasal Eddu fimmtudaginn 11. desember kl. 14-16. Boðið verður upp á spennandi fyrirlestra um nýtingu gervigreindar innan ólíkra fræðigreina og pallborð um hlutverk háskóla í þróun og nýtingu gervigreindar.

Gervigreindarsetri HÍ er í senn ætlað að vera vettvangur fyrir samstarf í rannsóknum og þróun á sviðum gervigreindar og gagnavísinda þvert á fræðigreinar og farvegur fyrir miðlun þekkingar út í samfélagið. Setrinu er einnig ætlað hvetja til umræðu um ábyrga nýtingu þessarar nýju tækni. 

Streymt verður frá viðburðinum.

Dagskrá

Inngangsorð Silja Bára Ómarsdóttir, rektor HÍ. 

Fyrirlestrar um gervigreind

• Iris Edda Nowenstein, lektor við Hugvísindasvið HÍ.
• Guðbjörg Linda Rafnsdóttir, prófessor við Félagsvísindasvið HÍ.
• Morris Riedel, prófessor við Verkfræði- og náttúruvísindasvið HÍ.
• Bjarnheiður Kristinsdóttir, lektor við Menntavísindasvið HÍ.

Pallborð: Hlutverk háskóla í þróun og nýtingu gervigreindar

Viðmælendur:

• Magnús Karl Magnússon, prófessor  við Heilbrigðisvísindasvið HÍ.
• Sigurður Hannesson, framkvæmdastjóri Samtaka iðnaðarins.
• Lilja Dögg Jónsdóttir, framkvæmdastjóri Almannaróms.
• Oddur Þorri Viðarsson, dómari við Héraðsdóm Vestfjarða.

Vinsamlegast skráið þátttöku.