Eldur og ís – náttúruöflin, nám og upplifun

Kjarni námskeiðsins er ferðalag í fjóra daga í þriðju viku júní. Farið verður í rútu, gist á farfuglaheimilum og ferðast gangandi um náttúru Íslands. Þátttakendur sjá að hluta til um að elda sjálfir sameiginlegan mat og þurfa að vera búnir til útivistar. Unnið er á ígrundandi hátt með skynjun og upplifanir, auk þess að njóta þess að ferðast um með hæglátum hætti um náttúruna. Undirbúningsfundur er síðdegir í lok maí.

Nemendur við Háskóla Íslands skrá sig á námskeiðið í Uglu eða með því að senda tölvupóst á Nemendaskrá nemskra[hjá]hi.is. Ef það er fullt á námskeiðið er hægt senda tölvupóst á mvs[hjá]hi.is og skrá sig á biðlista og geta þess hvaða námskeið þeir ætla að skrá sig á.

Fagfólk á vettvangi getur kynnt sér Opin námskeið fyrir fagfólk á vettvangi á síðu Starfsþróunar hjá Menntavísindastofnun HÍ og þar er umsóknarsíða. 

Nánari upplýsingar um námskeiðið og skráningu veitir Jakob F. Þorsteinsson jakobf[hjá]hi.is 

Þverfræðilegur hópur sérfræðinga og kennara  koma að námskeiðinu og áhersla lögð á að fá til liðs við okkur fagfólk af svæðunum þar sem markviss innlegg, samtali, skynjun og ígrundun þátttakenda er í fókus. Lært er frá morgni til kvölds og unnið með óljós skil á milli þess sem er að kenna og læra, milli þess að læra af umhverfinu, öðru fólki og ferðalaginu sjálfu.

Megin þættir námskeiðsins tengjast náttúru, menntun og ferðamennsku og þessa þætti er nálgast með ábyrgum og öruggan hætti. Viðfangsefni námskeiðsins verða skoðuð út frá hugtökunum kvika (dýnamík), fjölbreytni (e. diversity), gagnvirkni (e. interactivity) og, síðast en ekki síst, ferlar (e. processes) – og hvernig reynsla og ígrundun fléttar þessa þætti saman.

Námskeiðið er þróunarverkefni þeirra aðila sem að því koma sem eru meðal annars Menntavísindasvið Háskóla Íslands, Rannsóknasetur HÍ á Hornafirði og Framhaldsskólans í Austur-Skaftafellssýslu. 

Í námsmati er rík áhersla lögð á að nemendur ígrundi upplifanir sínar og setji þær í samhengi við fræðileg viðfangsefni námskeiðsins og fyrri reynslu. Einnig muni nemendur vinna verkefni þar sem tengja á viðgangsefni námskeiðsins, eigin reynslu og þekkingu við starf á vettvangi. Sá vettvangur getur t.d. verið innan, skóla- og frístundastarfs, félagsmála, ferðaþjónustu eða rannsókna. 

Þverfræðilegur hópur sérfræðinga og kennara  koma að námskeiðinu og áhersla lögð á að fá til liðs við okkur fagfólk af svæðunum þar sem markviss innlegg, samtali, skynjun og ígrundun þátttakenda er í fókus.

Jakob Frímann Þorsteinsson, Háskóli Íslands

Þorvarður Árnason, Rannsóknasetur Háskóla Íslands á Hornafirði 

Kolbrún Þorbjörg Pálsdóttir, Háskóli Íslands

og ýmsir sérfræðingar meðal annars leiðsögumenn úr Fjallamennskunámi FAS