FLL tækni- og hönnunarkeppnin

First Lego League, eða FLL-keppnin, er hönnunar- og forritunarkeppni fyrir grunnskólanema.

Keppnin hefur verið haldin af Háskóla Íslands síðan árið 2005.

Í keppninni reynir á margskonar færni nemenda, samstarf, nýsköpun, lausnamiðaða hugsun og vísindalega aðferðarfræði.

Nánari upplýsingar eru á vef keppninnar.

Tilgangur og markmið

Tilgangur keppninnar er að blása ungu fólki í brjóst löngun til að láta að sér kveða á sviði tækni og vísinda.

Markmiðið er að byggja upp lífsleiknihæfileika eins og sjálfstraust, samskiptahæfni og forystuhæfileika.

Hverjir geta tekið þátt?

Krakkar á aldrinum 10-16 ára geta tekið þátt með sínu liði. Í hverju liði eru hámark 10 börn og að minnsta kosti einn fullorðinn leiðbeinandi.

Öll lið fá senda þrautabraut í upphafi skólaárs til að undirbúa sig þar sem unnið er með nýtt viðfangsefni á hverju ári.

Í hverju er keppt?

Keppt er í:

forritun
rannsóknarvinnu
kynningu
vélmennakappleik

Í undirbúningi keppninnar læra nemendur að beita stærðfræði og vísindum til að leysa raunveruleg verkefni og temja sér öguð vinnubrögð við öflun heimilda, úrvinnslu gagna og skýrslugerð.

Einnig læra nemendur að vinna sem liðsheild og að kynna verkefni fyrir áhorfendum.

Tengt efni

Nýsköpunarkeppni grunnskólanna

Háskóli unga fólksins

Ungir vísindamenn