Umsókn og fylgigögn fyrir framhaldsnám

Umsóknarfrestur í meistaranám til að hefja nám á haustmisseri er til 15. apríl. Þessi umsóknarfrestur gildir fyrir íslenska umsækjendur og umsækjendur frá Norðurlöndunum. Fyrir aðra erlenda umsækjendur er einn umsóknarfrestur, 1. febrúar.
Umsóknarfrestur til að hefja nám á vormisseri er 15. október. 

Undanþágur frá umsóknarfresti eru ekki veittar. Ef einhver gögn vantar telst umsókn ekki vera fullnægjandi og er sjálfkrafa hafnað. Athugið að nemendur sem ljúka BS-námi frá Verkfræði- og náttúruvísindasviði HÍ þurfa einnig að sækja um í framhaldsnám.

Sótt er um nám við Háskóla Íslands í gegnum samskiptagátt skólans. Þar getur þú fylgst með stöðu umsóknar. 

Eftirfarandi upplýsingar þarf að gefa upp á rafræna umsóknareyðublaðinu:

• Val á námsleið
• Persónuupplýsingar
• Upplýsingar um fyrra nám: Prófgráður, námsgreinar og lokaár. 
• Umsagnir/meðmæli:  Í rafrænni umsókn þarf að tilgreina nöfn, símanúmer og netföng umsagnaraðila. Umsagnaraðilar þurfa að skila skriflegum umsóknum beint til Háskóla Íslands, nema að annað sé tekið fram.

Vinsamlegast gætið þess að öll umbeðin fylgigögn berist sem fyrst. Upplýsingar um námið, aðgangskröfur o.fl. er að finna í kennsluskrá.

Eftir að umsókn er samþykkt er hægt að ganga frá greiðslu skrásetningargjaldsins. Í samskiptagátt Háskólans er nú hægt að greiða gjaldið með greiðslukorti í einu lagi eða með kortaláni.  

Athugið að þegar sótt er um meistaranám í líffræði og um meistaranám í Raunvísindadeild fæst umsókn ekki samþykkt nema fyrir liggi hver verður leiðbeinandi. Nemendum er bent á að hafa samband við kennara á því sviði sem þeir hafa hug á í sínu framhaldsnámi. Vinsamlegast tilgreinið nafn og netfang leiðbeinanda í greinargerð.

• Ferilskrá (CV) 
• Greinargerð 
• Skannað afrit af prófskírteini og námsferli, einnig þarf að skila inn staðfestu afriti á pappír.
• Liggi fyrir drög að umsókn um fjárstuðning til sjóða skulu þau fylgja.
• Hyggist umsækjandi vinna rannsóknarverkefni utan deildar eða stofnana hennar skal fylgja með yfirlýsing og staðfesting á þátttöku þeirrar stofnunar eða fyrirtækis sem umsækjandi hyggst vinna verkefnið með.

Persónulegar upplýsingar, menntun (skarast að nokkru leyti við rafræna umsóknareyðublaðið), starfsreynsla, áhugamál, tölvu- og tungumálakunnátta, önnur kunnátta t.d. reynsla af kennslu, þátttaka í ráðstefnum, ritaskrá og viðurkenningar. 

Vinsamlegast notið PDF-form og hengið við rafræna umsókn.  Setjið nafn og lýsingu á viðkomandi skjali í titil þess, til dæmis: Gudrun_Jonsdottir_Ferilskra.pdf

Greinargerð (hámark 1 A4 blaðsíða) um markmið þín og væntingar þínar til námsins þar sem m.a. kemur fram hvers vegna þú velur framhaldsnám hjá viðkomandi deild og hvernig þú hefur hugsað þér að nýta þér það. Vinsamlegast tilgreinið nafn og netfang leiðbeinanda ef það liggur fyrir þar sem í einstaka námsleiðum þarf nemandi frá upphafi náms að vera með samþykkt um leiðbeiningu úr hópi fastra kennara við deild háskólans.

Vinsamlegast notið PDF-form og hengið við rafræna umsókn.  Setjið nafn og lýsingu á viðkomandi skjali í titil þess, til dæmis: Gudrun_Jonsdottir_Greinargerd.pdf

Prófskírteini, námsferill og skírteinisviðauki, hengd við rafræna umsókn OG frumriti eða staðfestu afriti skilað á pappír ( þarf ekki hjá umsækjendum sem hafa lokið fyrra námi sínu hjá Háskóla Íslands eftir 1981).
Skila þarf námsferli með lista allra lokinna námskeiða þar sem fram koma einingar og einkunnir hvers námskeiðs. Frumrit eða staðfest afrit á pappír þarf að vera gefið út af viðkomandi skóla og með bæði undirskrift og stimpli. 

Skila þarf prófskírteini og námsferli á eftirfarandi hátt: 

• Skannað afrit, læsilegt, svarthvítt eða í lit, skal hengja við rafræna umsókn. Setjið nafn og lýsingu á viðkomandi skjali í titil þess, til dæmis: Gudrun_Jonsdottir_Profskirteini.pdf
• Frumrit eða staðfest afrit á pappír skal senda á neðangreint heimilisfang:

Háskóli Íslands
Nemendaskrá 
Sæmundargata 4
102 Reykjavík

Með umsókn í framhaldsnám þarf að skila staðfestum afritum af öllum prófskírteinum á pappír til Háskóla Íslands eigi síðar en tveimur vikum eftir að umsóknarfresti lýkur.

Í rafrænni umsókn þarf að tilgreina nöfn, símanúmer og netföng tveggja umsagnaraðila. Umsagnaraðilar þurfa að skila skriflegum umsögnum beint til Háskóla Íslands, nema að annað sé tekið fram. Gott er að umsagnaraðilar séu t.d. háskólakennarar eða aðrir sem geta dæmt um námsgetu þína. Umsagnaraðilar skulu skrifa stutta greinargerð og senda beint til Háskóla Íslands, en hún á ekki að fylgja gögnum umsækjanda. Umsagnir er hægt að senda annað hvort: 

• Í tölvupósti (PDF-skjal í viðhengi) á umsokn@hi.is merkt í efni pósts: Meistaranám í þeirri deild sem sótt er um ásamt nafni umsækjanda. Verður að vera sent úr netfangi umsagnaraðila.
• Í pósti á neðangreint heimilisfang:

Háskóli Íslands
Nemendaskrá
Sæmundargata 4
102 Reykjavík 

Umsækjendur sem hafa lokið grunnnámi sínu á Verkfræði- og náttúruvísindasviði þurfa ekki að skila skriflegum umsögnum/meðmælabréfum þegar sótt er um meistaranám á sviðinu heldur einungis tilgreina nöfn meðmælenda.

Nemendur sem skráðu sig ekki í nám árið sem þeir voru samþykktir og ákváðu að fresta námi um eitt misseri verða að endurnýja umsókn sína áður en umsóknarfrestur rennur út. Fylla þarf úr rafræna umsókn en ekki þarf þó að skila fylgigögnum inn að nýju. Taka skal fram í umsóknarferli að viðkomandi hafi frestað upphafi náms.

Nemendur, sem eru í námshléi, verða að hafa samband í tölvupósti við formann námsbrautar hjá viðkomandi deild, hyggist þeir taka upp þráðinn að nýju. Mikilvægt er að senda afrit á tölvupósti til verkefnisstjóra framhaldsnáms.  

Hyggist nemandi sækja um mat á námskeiði/um, framlengingu á námstíma eða annað slíkt sendir hann inn skriflegt erindi í tölvupósti til formanns námsbrautar hjá viðkomandi deild með afriti á verkefnastjóra. 

Nánari upplýsingar veitir:
Ragna Þyri Ragnarsdóttir, verkefnisstjóri
Netfang:mssens@hi.is