Laus störf

Starfssvið

Doktorsneminn mun stunda rannsóknir við forspárkerfi fyrir jarðskjálftavirkni á brotabelti Suðurlands og Reykjaness sem tengist bæði tektónískum jarðskjálftum og jarðskjálftum tengdum eldvirkni. Verkefnið mun leitast við að ákvarða aukningu í jarðskjálftavirkni síðastliðinna ára sem tengist eldvirkni og samspili hennar við tektóníska jarðskjálftavirkni, en tugir þúsunda jarðskjálfta hafa orðið á Reykjanesi síðan 2019 í aðdraganda og kjölfar kvikuinnskota sem sum hafa leitt til eldgosa. 

Doktorsneminn mun leggja áherslu á:

• Þróun Bayesísks tölfræðilíkans af hrinukenndri jarðskjálftavirkni í kjölfar meginatburðar s.s. jarðskjálfta eða kvikuinnskots. Það mun fela í sér beitingu þróaðra tölfræðilíkana og kvörðun eðlisfræðilegra líkana til að kvarða jarðskjálftavirkni tengda tektóník og eldvirkni við kvikuhreyfingar og spennubreytingar í jarðskorpunni. 
• Þróa, kvarða og gera rauntímamat á skjálftavárlíkindum til skamms tíma vegna völdum hrinukenndrar jarðskjálftavirkni, ásamt kvörðun líkana af yfirborðshreyfingum í jarðskjálftum.
• Vinna að samræmdri jarðskjálftaskrá fyrir suðvesturhorn Íslands 
• Beita mismunandi CSEP (Collaboratory for the Study of Earthquake Predictability) tölfræðilíkönum til þess að meta áreiðanleika forspárlíkana hrinukenndrar jarðskjálftavirkni.

Vinna doktorsnema við verkefnið verður uppistaða doktorsritgerðarinnar. Niðurstöðurnar munu nýtast við uppbyggingu og rauntímakeyrslu forspárkerfis fyrir jarðskjálftahrinur á Suðvesturlandi, sem munu einnig hafa gildi fyrir jarðskjálftavirkni annars staðar á landinu. Doktorsneminn mun vinna í alþjóðlegu teymi doktorsnema, nýdoktora og sérfræðinga við Háskóla Íslands sem er afar virkt í innlendu og alþjóðlegu samstarfi þ.m.t. H2020 Evrópuverkefnum. Helstu samstarfsstofnanir þessa verkefnis eru Veðurstofa Íslands, University College í London, Bretlandi, GFZ Jarðvísindastofnunin í Potsdam, Þýskalandi, Háskólinn í Napólí Federico II á Ítalíu, og ETH í Zurich í Sviss.

Hæfniskröfur

• Meistaragráða í jarðeðlisfræði, eðlisfræði, tölfræði, jarðskjálftafræði, tæknilegrar jarðskjálftafræði eða verkfræði. 
• Reynsla af forspárlíkönum fyrir jarðskjálftavirkni (ETAS, epidemic-type aftershock sequence), greiningu á skjálftavárlíkindum, gerð tölfræðilíkana, og gervigreind er æskileg.
• Góð almenn hæfni í forritun (t.d. Python), forritun í tölfræðiútreikningum, og tímaraðagreiningu.
• Góð enskukunnátta í bæði töluðu og rituðu máli.
• Góð hæfni í mannlegum samskiptum og geta til að vinna bæði sjálfstætt og í teymi.

Umsóknarferli

Gögn sem fylgja skulu umsókn

• Kynningarbréf (allt að 2 bls.) þar sem fram kemur hvað vekur áhuga umsækjanda á verkefninu og hvað viðkomandi telur sig hafa fram að færa.
• Ferilskrá.
• Afrit af prófskírteinum (grunnnám og meistaranám), eða staðfesting á áætlaðri útskrift með meistaragráðu ásamt staðfestu afriti af námsárangri í námskeiðum.
• Afrit af meistaraprófsritgerð og/eða öðrum skyldum birtingum.
• Nöfn á tveimur umsagnaraðilum og upplýsingar um hvernig má hafa samband við þá.
• Niðurstöður úr TOEFL/IELTS eða sambærilegum prófum.

Ráðning er háð því að umsækjandi sæki formlega um doktorsnám við Umhverfis- og byggingarverkfræðideild Háskóla Íslands og að umsóknin sé samþykkt af deild,

Verkefnisstjóri og aðalleiðbeinandi er Dr. Atefe Darzi, sérfræðingur við umhverfis- og byggingarverkfræðideild Háskóla Íslands. Umsjónarkennari verður Dr. Benedikt Halldórsson, rannsóknarprófessor við umhverfis- og byggingarverkfræðideild Háskóla Íslands, og fagstjóri jarðskjálftavár við Veðurstofu Íslands.

Starfið hefst 1. september 2025, eða eftir samkomulagi. 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í allt að sex mánuði frá lokum umsóknarfrests. 

Við ráðningar í störf við Háskóla Íslands er tekið mið af jafnréttisáætlun skólans. 

Vakin er athygli á málstefnu Háskóla Íslands. 

Háskóli Íslands er gróskumikið þekkingarsamfélag og fjölbreyttur og lifandi vinnustaður. Akademískt frelsi, fagmennska og jafnrétti eru gildi háskólans og er mikið lagt upp úr sveigjanleika og þátttöku starfsfólks í uppbyggingu náms og rannsókna. Á Verkfræði- og náttúruvísindasviði starfa um 390 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt, þar sem fjórðungur bæði starfsfólks og framhaldsnema við sviðið eru erlendir, og það hlutfall er sífellt að aukast. Á sviðinu eru um 2000 nemendur, þar af um fjórðungurinn framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi.

Umsóknarfrestur

Umsóknarfrestur er til og með 22.05.2025

Nánari upplýsingar veitir

Benedikt Halldórsson

skykkur@hi.is

Atefe Darzi

atefe@hi.is

Sækja um

Starfssvið

Íslenska hálendið er í dag að mestu eyðimörk sem er meðal þeirra stærstu í Evrópu. Landvistkerfi hálendisins eru afar virk og næm fyrir ytri áhrifaþáttum og almennt er talið að þau hafi verið betur gróin á fyrri árþúsundum, en að kólnandi loftslag og landnotkun hafi grafið undan stöðugleika þeirra og leitt til hinna hnignuðu vistkerfa samtímans. Veigamikill þáttur í umræðu um loftslagsbreytingar dagsins í dag er hugsanleg truflun og veiking á veltihringrás Atlantshafsins sem getur leitt til kólnunar á Norður Atlantshafssvæðinu. Verkefninu ætlað að draga fram eðli og áhrif fyrri tímabila kólnunar á nútíma og hversu næm íslensk landvistkerfi eru fyrir slíkum atburðum og tímabilum. Til að takast á við verkefnið er nemandanum ætlað að byggja upp og túlka gögn sem draga fram ferla gróðurbreytinga, (ó)stöðugleika lands og loftslags á fyrri árþúsundum, með áherslu á tímabil kólnunar. Nemandinn mun njóta stuðnings af innlendu og erlendu rannsóknasamtarfi, m.a. við Globe stofnunina við Kaupmannahafnarháskóla.    

Verkefnið felur í sér (ekki tæmandi): 

• Vettvangsvinnu til að afla nauðsynlegra gagna/sýna til að byggja upp fornvistfræðileg gagnasöfn. 
• Myndun tímaraða fyrir vatnasetskjarna og/eða jarðvegssnið með gjóskulögum, geislakolsgreiningum og öðrum geislunarmælingum. 
• Uppbyggingu fornvistfræðilegra gagnasafna í hárri tímaupplausn, unnum úr vatnaseti, jarðvegi eða mójörð sem lesa má úr breytingar á yfirborði lands, auk gagnavinnslu og túlkunar slíkra gagna. 
• Birtingu og kynningu á niðurstöðum verkefnisins í ritrýndum, alþjóðlegum tímaritum, á ráðstefnum og málstofum hérlendis og erlendis. 
• Samantekt á niðurstöðum verkefnisins í doktorsritgerð undir lok doktorsnáms. 

Verkefnið nýtur rannsóknaaðstöðu við Líf- og umhverfisvísindadeild Háskóla Íslands. Leiðbeinandi er Egill Erlendsson, prófessor.

Hæfniskröfur

• Meistaragráða í landfræði, jarðvísindum, vistfræði, grasafræði eða öðrum greinum náttúruvísinda
• Hæfni til að vinna sjálfstætt og í teymi
• Góð enskukunnátta í töluðu og rituðu máli
• Góð íslenskukunnátta er kostur
• Reynsla af fornvistfræðilegum aðferðum/nálgunum í rannsóknavinnu er kostur
• Reynsla í að kynna niðurstöður verkefnisins í ritrýndum vísindagreinum og á ráðstefnum innanlands og erlendis

Ráðning er háð því að umsækjandi sæki formlega um doktorsnám við Líf- og umhverfisvísindadeild Háskóla Íslands og að umsóknin sé samþykkt af deild, stundi umsækjandi ekki doktorsnám þar nú þegar. 

Umsóknarferli

Starfið hefst í september 2025.

Umsóknir skulu innihalda:

• Ferilskrá 
• Kynningabréf þar sem fram kemur hvað vekur áhuga umsækjanda á verkefninu og hvað hann hefur fram að færa við mótun og framkvæmd þess og væntingar til námsins (hámark ein blaðsíða)
• Afrit af prófskírteinum (grunnnám og meistaranám)
• Tvö umsagnarbréf og upplýsingar um hvort og hvernig má hafa samband við umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í allt að sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands

Háskóli Íslands er gróskumikið þekkingarsamfélag og fjölbreyttur og lifandi vinnustaður. Akademískt frelsi, fagmennska og jafnrétti eru gildi háskólans og er mikið lagt upp úr sveigjanleika og þátttöku starfsfólks í uppbyggingu náms og rannsókna. Á Verkfræði- og náttúruvísindasviði starfa um 390 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt, þar sem fjórðungur bæði starfsfólks og framhaldsnema við sviðið eru erlendir, og það hlutfall er sífellt að aukast. Á sviðinu eru um 2000 nemendur, þar af um fjórðungurinn framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi.

Umsóknarfrestur

Umsóknarfrestur er til og með 05.05.2025

Nánari upplýsingar veitir

Egill Erlendsson

egille@hi.is

Sækja um

Starfssvið

Skammtatækni (e. Quantum technologies) nær yfir ýmis svið eins og skammtafjarskipti (e. quantum communications), skammtaskynjun (e. quantum sensing) og skammtaútreikninga (e. quantum computing). Þó að hagnýting þessara sviða sé enn á frumstigi felast gríðarlegir möguleikar í þeim. Rannsóknir hafa sýnt að skammtatölvur geta tekist á við flókin vandamál eins og að þátta stórar tölur og afkóða dulkóðuð skilaboð miklu hraðar en hefðbundnar tölvur. Þetta verkefni sameinar klassískar tölvuaðferðir og skammtaaðferðir til að  leysa verkefni í jarðvísindum og fjarkönnun (e. geosciences and remote sensing) sem krefjast mikilla útreikninga. Slík gögn samanstanda af myndum og mælingum sem safnað er með gervihnöttum og öðrum skynjurum og nýtast til þess að fylgjast með umhverfinu.

Verkefnið mun þróa blöndu skammtafræði og klassískra (e. hybrid quantum-classical) aðferða sem nýtir ofurtölvu (e. High Performance Computing HPC) til að greina mikið magn af fjarkönnunargögnum. Með því að samþætta klassíska ofurtölvu (e. supercomputer) og skammtatútreikninga tekst verkefnið á við núverandi skammtatölvuáskoranir, svo sem takmarkaða qubita (e. qubits) (grunneiningar skammtatölvunar) og skammtasuð. Þetta blendingslíkan miðar að því að bæta skilvirkni, nákvæmni og sveigjanleika við úrvinnslu fjarkönnunargagna.

Megin áherslur:

• Framkvæma ítarlegar greiningar á fjarkönnunaraðferðum og bera kennsl á nauðsynlegar vélbúnaðarkröfur fyrir skammta-klassískar tölvuaðferðir (e. hybrid quantum-classical computing approaches).
• Þróa og útfæra skammta-klassiskar tölvuaðferðir á ofurtölvur og takast á við núverandi takmarkanir skammtaaðferða.
• Aðlaga ofangreindar aðferðir að sérstökum fjarkönnunar notkunartilvikum sem verða notuð til þess að meta gæði aðferða.
• Að taka þátt í og leggja sitt af mörkum til fræðsluviðburða eins og námskeiða og hackathons sem miða að notendum með þverfaglegan rannsóknarbakgrunn.
• Taka þátt í að setja saman ítarlegar og reglulegar skýrslur um framvindu verkefnisins.
• Kynna rannsóknarniðurstöður fyrir hagsmunaaðila og víðara rannsóknarsamfélag á fundum, ráðstefnum og í rannsóknartímaritum.

Hæfniskröfur

• MSc gráða í skammtaeðlisfræði, tölvunarfræði, rafmagnsverkfræði, stærðfræði eða tengdum sviðum.
• Reynsla af forritun í Python.
• Reynsla af skammtatölvuforritun í gegnum námskeið eða persónuleg verkefni.
• Þekking á helstu aðferðum vélræns náms er kostur.
• Gott vald á talaðri og ritaðri ensku.
• Góð samskiptahæfni.

Ráðning í starfið er háð því að umsækjandi sæki formlega um að hefja doktorsnám við Háskóla Íslands í viðeigandi deild og að umsóknin sé samþykkt af deildinni.

Umsóknarferli

Doktorsnemastarfið hefst vorið 2025 en möguleiki er á að hefja störf fyrr.

Umsókn skal innihalda: 

• Kynningarbréf
• Ferilskrá (starfsreynsla, forritunarhæfni, ritskrá ef einhver er)
• Afrit af prófskírteinum (BS og MS)
• Eina blaðsíðu um áhuga á rannsóknum
• Upplýsingar um tvo umsagnaraðila, tengsl þeirra við umsækjanda og hvernig má hafa samband við þá
• TOEFL/IELTS eða samsvarandi niðurstöður úr prófunum

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans. Lesa má um jafnréttisáætlun skólans á vef HÍ.

Vakin er athygli á málstefnu Háskóla Íslands. Hægt er að finna frekari upplýsingar um málstefnu HÍ á vef HÍ.

Háskóli Íslands er stærsta kennslu-, rannsókna- og vísindastofnun. Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann.

Á Verkfræði- og náttúruvísindasviði starfa um 400 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Á sviðinu eru um 2000 nemendur, þar af um fjórðungurinn framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi.

Umsóknarfrestur

Umsóknarfrestur er til og með 30.04.2025

Nánari upplýsingar veitir

Gabriele Cavallaro

gcavallaro@hi.is

Sækja um

Starfssvið

Neminn mun rannsaka stjórnun umritunar við frumusérhæfingu, með það að markmiði að varpa ljósi á sameindaferla þá sem stjórna frumusérhæfingu á frumfóstursskeiði með áherslu á ákvörðun frumkímfruma. Rannsóknarnálgunin mun felast í sérhæfingu frumkímfruma úr stofnfrumum úr fósturvísum músa auk nýjustu aðferða við að meta bindingu umritunarþátta við litni á heilerfðamengisskala, eins og CUT&RUN, sem og RNA raðgreiningu á stökum frumum (scRNAseq). Auk þess verður notast við hefðbundnari sameindalíffræðilegar-, lífefnafræðilegar- og frumulíffræðilegar aðferðir auk CRISPR-Cas9 erfðabreytingartækninnar. 

Hæfniskröfur

• Meistarapróf í lífefnafræði, sameindalífvísindum eða skyldum greinum.
• Góð reynsla af sjálfstæðum vísindastörfum á rannsóknastofu með lífefnafræði-, sameindalíffræði- og frumulíffræðilegum aðferðum.
• Reynsla af vinnu við frumuræktir spendýrafruma.
• Góð tölvufærni æskileg.
• Góð enskukunnátta, bæði í töluðu og rituðu máli.
• Sjálfstæð vinnubrögð og góða samskiptafærni.

Þeir sem sækja um doktorsstöður verða að uppfylla lágmarkskröfur sem gerðar eru til doktorsnema við Heilbrigðisvísindasvið HÍ. 

Umsóknarferli

Áætlað er að verkefnið hefjist í eigi síðar en í september 2025. 

Vinsamlega skilið eftirfarandi gögnum með umsókninni:

• Stuttu bréfi (ekki meira en 2 bls.) þar sem umsækjandi lýsir því hvernig hann uppfyllir skilyrði auglýsingarinnar. Auk þess skal lýst áhuga viðkomandi fyrir verkefninu og hvað hann getur lagt af mörkum til þess.
• Ferilskrá.
• Staðfest afrit af prófskírteinum (grunn- og meistaranám) og einkunnadreifing.
• Nöfn, sími og tölvupóstfang tveggja meðmælanda (og lýsing á tengslum þeirra við umsækjandann).
• Yfirlit yfir birtingar.
• Umsækjendum er einnig boðið að senda PDF útgáfu af meistararitgerð sinni (á hvaða tungumáli sem er), sem og aðrar birtingar sem við eiga (hámark 5 skjöl).

Aðeins fullkláraðar umsóknir munu koma til greina.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin.

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Heilrigðisvísindasvið Háskóla Íslands er í fararbroddi á sviði heilbrigðismála á Íslandi og gegnir lykilhlutverki í uppbyggingu íslenska heilbrigðiskerfisins með menntun heilbrigðisstarfsmanna. Helstu sérfræðingar þjóðarinnar í heilbrigðisvísindum koma að kennslu og rannsóknum á sviðinu.

Umsóknarfrestur

Umsóknarfrestur er til og með 30.04.2025

Nánari upplýsingar veitir

Erna Magnúsdóttir

erna@hi.is

Sækja um

Starfssvið

Aflrafeindatæknin, í dag, byggir að miklu leyti á rafsviðssmárum (á ensku MOSFET) sem gerðir eru í hálfleiðaranum kísli (Si). Á síðustu árum hafa hins vegar komið fram á sjónarsviðið nýir smárar sem gerðir eru í hálfleiðaranum kísilkarbíð (SiC) sem hafa betri nýtni. Fram að þessu er þó einungis unnt að nota SiC smárana við mjög háar spennur (> 650 V) og er helsta notkunin í dag í rafbílum. Megnið af þeim rásum sem notaðar eru í aflrafeindatækni vinna hins vegar með spennur á bilinu 300-600 V og þar eru SiC smárarnir ekki samkeppnishæfir. Ástæðan er tengd því hvernig samskeyti SiC myndar við einangrandi efnið kísildíoxið (SiO2) sem nauðsynlegt er til stýra smáranum. Í þessu doktorsverkefni er unnið markvisst að því að leysa þetta vandamál með því að besta samskeytin á milli kísilkarbíðsins og einangrarans. Doktorsneminn mun vinna í hreinherbergi við ræktun þunnra einangrandi húða og mynstrun þeirra, auk  greiningar á rafeiginleikum sýnanna. Vinnan mun fara fram bæði hérlendis sem og við alþjóðlegar rannsóknastofnanir. Ætlast er til að doktorsneminn kynni niðurstöður sínar í ræðu og riti á alþjóðlegum vísindaráðstefnum og með greinum í vísindatímaritum. 

Leiðbeinendur verða Einar Örn Sveinbjörnsson, prófessor í eðlisfræði og Arnar Már Viðarsson nýdoktor. Rannsóknahópurinn hefur aðstöðu í Örtæknikjarna Háskóla Íslands og doktorsverkefnið er unnið í samstarfi við nokkra rannsóknarhópa erlendis. 

Hæfniskröfur

• Meistaragráða í eðlisfræði, verkfræðilegri eðlisfræði, efnisfræði, rafmagnsverkfræði eða skyldum greinum
• Þekking á sviði hálfleiðara og einhver reynsla af störfum í hreinherbergi er æskileg
• Hæfni til að vinna bæði sjálfstætt og í teymi 
• Góð enskukunnátta, bæði í rituðu og töluðu máli

Ráðning í starfið er háð því að umsækjandi sæki formlega um að hefja doktorsnám við Háskóla Íslands í viðeigandi deild og að umsóknin sé samþykkt af deildinni

Umsóknarferli

Umsóknum skal skila inn rafrænt í gegnum samskiptagátt Háskóla Íslands. Umsókninni skal fylgja: 

• Kynningarbréf þar sem fram kemur hvað vekur áhuga umsækjanda á verkefninu og ástæður þess að viðkomandi vill vinna að doktorsverkefni (hámark ein blaðsíða)
• Ferilskrá (hámark þrjár blaðsíður)
• Afrit af prófskírteinum (grunnnám og meistaranám)
• Upplýsingar um tvo meðmælendur og hvernig má hafa samband við þá 

Upphafsdagur verkefnisins er umsemjanlegur en æskilegt væri að hefja störf 1. september 2024.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/ jafnrettisaaetlun#markmid2.

 Vakin er athygli á málstefnu Háskóla Íslands, sjá hér: https://www.hi.is/haskolinn/ malstefna_haskola_islands. 

Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann. Á Verkfræði- og náttúruvísindasviði starfa um 390 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Á sviðinu eru um 2000 nemendur og fjölmargir framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi.

Umsóknarfrestur

Umsóknarfrestur er til og með 28.04.2025

Nánari upplýsingar veitir

Einar Örn Sveinbjörnsson

einars@hi.is

Sækja um

Starfssvið

Þéttefnisrafhlöður (solid-state batteries) bjóða upp á aukna orkugeymd, styttri hleðslutíma, lengri endingartíma og aukið öryggi þar sem notast er við fast efni sem jónaleiðara í stað eldfims vökva í hefðbundnum rafhlöðum. Verkefnið einblínir á LLZO þunnhúðir en kristallað LLZO hefur háa jónaleiðni og góðanrafefnafræðilegan stöðugleika en er framleitt við hátt hitastig sem hindrar samþættingu þess inn í rafhlöður. Í þessu verkefni þróum við nýja tegund myndlauss LLZO jónaleiðara sem hugsanlega lausn við þessum áskorunum og leggjum grunn að sjálfbærum, háafkasta þéttefnisrafhlöðum sem er hægt að framleiða við lægra hitastig. Verkefnið sameinar tilrauna- og reiknifræðilegar aðferðir til að rannsaka og fínstilla staðbundinn strúktúr myndlauss LLZO í átt að praktískri jónaleiðni. Doktorsneminn mun kynnast ræktun þunnra húða sem verða greindar með ýmsum aðferðum, þar á meðal með tvinnviðnámsmælingum (EIS), rafeindasmásjá (SEM), röntgengreiningu (XRD) sem og ýmsum litrófsmælingum. Auk þess mun doktorsneminn þróa nýja aðferð til mælinga á jónaleiðni með rafefnasmásjá (SECM) sem getur almennt flýtt fyrir þróun þéttefnisrafhlaða.

Leiðbeinendur verða Dr. Anna B Gunnarsdóttir, nýdoktor við Raunvísindastofnun Háskóla Íslands, og Dr. Friðrik Magnus, vísindamaður við Raunvísindastofnun Háskóla Íslands. Vinnan er hluti af verkefninu Staðbundin bygging og jónaleiðni í myndlausum garnet-efnum fyrir þéttefnisrafhlöður. Verkefnið fjármagnar að auki starf doktorsnema við fræðilega reikninga í samstarfi við rannsóknahóp Dr. Hannesar Jónssonar, prófessors í eðlisefnafæði. Rannsóknahópurinn hefur aðstöðu í Örtæknikjarna Háskóla Íslands. Valdir umsækjendur munu vinna í lifandi og fjölbreyttu rannsóknarumhverfi með víðtæku alþjóðlegu samstarfi við bæði tilrauna- og fræðilega hópa. Einstaklingar af öllum bakgrunni eru hvattir til að sækja um. Stefnt er að því að byggja upp fjölbreyttan hóp þar sem öll fái notið sín. Ef þú hefur áhuga á sjálfbærri efnafræði og þróun nýrrar rafhlöðutækni, gæti þetta tækifæri verið fyrir þig.

Hæfniskröfur

• MSc gráða í efnafræði, eðlisfræði, efnisfræði eða skyldum greinum.
• Sjálfstæð vinnubrögð og færni í mannlegum samskiptum.
• Góð enskukunnátta, bæði í rituðu og töluðu máli.

Ráðning er háð því að umsækjandi sæki formlega um doktorsnám við deildina og að umsóknin sé samþykkt af deild, stundi umsækjandi ekki doktorsnám þar nú þegar.

Umsóknarferli

Æskilegt er að viðkomandi geti hafið störf 1. september eða samkvæmt nánara samkomulagi.

Umsókn skal innihalda:

• Kynningarbréf (hámark ein blaðsíða) þar sem kemur fram hvað vekur áhuga umsækjanda á verkefninu, vísindalegur bakgrunnur og ástæður þess að viðkomandi vill vinna að doktorsverkefni.
• Afrit af prófskírteinum (grunnnám og meistaranám).
• Ferilskrá (hámark þrjár blaðsíður).
• Upplýsingar um tvo meðmælendur, tengsl þeirra við umsækjanda og hvernig má hafa samband við þá.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í allt að sex mánuði frá lokum umsóknarfrests. 

Við ráðningar í störf við Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Háskóli Íslands er stærsta kennslu-, rannsókna- og vísindastofnun. Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann.

Á Verkfræði- og náttúruvísindasviði starfa um 400 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Á sviðinu eru um 2000 nemendur, þar af um fjórðungurinn framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi.

Umsóknarfrestur

Umsóknarfrestur er til og með 30.04.2025

Nánari upplýsingar veitir

Anna Bergljót Gunnarsdóttir

annabg@hi.is

Friðrik Magnus

fridrikm@hi.is

Sækja um

Starfssvið

Starf nýdoktors er tímabundið starf við rannsóknir sem er ætlað að veita frekari þjálfun og reynslu að loknu doktorsnámi, sem undirbýr viðkomandi undir akademískan starfsferil.

Hæfniskröfur

• Doktorspróf

Umsóknarferli

Umsókninni skal fylgja 

1. Ferilskrá og kynningarbréf, 
2. Greinargerð um rannsóknarverkefni. Í greinargerð skal meðal annars fjalla um vísindalegt nýmæli, gildi og markmið rannsóknar auk almennrar lýsingar á verkefninu sem birta má opinberlega. Greinargerðin fyrir utan almennu lýsinguna er trúnaðarmál. 
3. Ritaskrá,
4. Afrit af doktorsprófsskírteini eða staðfesting frá viðkomandi háskóla (frá leiðbeinanda og/eða viðeigandi háskóladeild) um að umsækjandi verji doktorsritgerð fyrir 1. október 2025, 
5. Staðfesting frá fræðasviði, deild eða stofnun við Háskóla Íslands um að umsækjandi muni njóta fullnægjandi aðstöðu og hafa aðgang að búnaði til að stunda fyrirhugaðar rannsóknir eftir því sem við á (sjá sniðmát). 

Öll innsend fylgigögn skulu vera í PDF formi.

Einnig er óskað eftir því að umsækjendur fái tvo fagaðila til þess að senda inn umsögn um gæði rannsókna umsækjenda og getu viðkomandi til að sinna fyrirhugaðri rannsókn. Æskilegt er að annar umsagnaraðilinn hafi tengst doktorsverkefni umsækjanda. Umsagnir berist í PDF formi á tölvupóstfangið rannsoknasjodir@hi.is áður en umsóknarfrestur rennur út.

Miðað er við að styrkþegar hefji störf eigi síðar en í desember 2025.

Öllum umsækjendum verður svarað og þeim tilkynnt um ráðstöfun starfanna þegar ákvörðun hefur verið tekin. Umsóknir gilda í sex mánuði frá lokum umsóknarfrests.

Við ráðningar í störf við Háskóla Íslands er tekið mið af jafnréttisáætlun háskólans.

Vakin er athygli á málstefnu Háskóla Íslands.

Nánari upplýsingar, þ.á.m. um ofangreinda staðfestingu á aðstöðu, veitir Vísinda- og nýsköpunarsviði (rannsoknasjodir@hi.is). 

Umsóknum skal skilað rafrænt, umsóknareyðublað ásamt leiðbeiningum má nálgast hér.  

Auglýsing byggir á verklagsreglum um Nýdoktorasjóð Íslands. 

VINSAMLEGA ATHUGIÐ AÐ SÆKJA ÞARF UM NÝDOKTORASTYRKI Í GEGNUM EFTIRFARANDI SLÓÐ EN EKKI Í GEGNUM STARFATORG: NÝDOKTORASTYRKUR 2025

Umsóknarfrestur

Umsóknarfrestur er til og með 08.05.2025

Nánari upplýsingar veitir

Maya Staub

maya@hi.is

Sækja um

Starfssvið

Verkefnið snýr að þróun sjálfvirkra myndvinnsluaðferða til greiningar og rannsókna á heilahrörnun í sjúklingum með Parkinson plús sjúkdóma. Doktorsneminn mun þróa myndvinnsluaðferð, sem merkir þau heilasvæði sem tengjast þessum sjúkdómum út frá segulómmyndum og í framhaldi, þróa flokkara fyrir lífmerki tengd Parkinson plús sjúkdómum í von um að geta greint sjúkdómana fyrr en mögulegt er í dag. Aðferðirnar verða prófaðar á stórum gagnasöfnum segulómmynda frá Evrópu og Bandaríkjunum.

Hæfniskröfur

• MS gráða á tengdum sviðum læknisfræðilegrar myndgreiningar, til dæmis rafmagns- og tölvuverkfræði, heilbrigðisverkfræði, tölvunarfræði, hagnýtri stærðfræði eða eðlisfræði.
• Þekking á gervigreind, djúpum tauganetum og vélrænum lærdómi (e. machine learning) er kostur.
• Sjálfstæð vinnubrögð og færni í mannlegum samskiptum.
• Góð enskukunnátta í ræðu og riti.

Ráðning er háð því að umsækjandi sæki formlega um doktorsnám við deildina og að umsóknin sé samþykkt af deild, stundi umsækjandi ekki doktorsnám þar nú þegar.

Umsóknarferli

Doktorsnemastarfið hefst haustið 2025 en möguleiki er á að hefja störf fyrr.

Umsókn skal innihalda:

• Umsóknarbréf
• Ferilskrá (starfsreynsla, forritunarhæfni, ritskrá ef einhver er)
• Afrit af prófskírteinum (BS og MS)
• Ein blaðsíða um áhuga á rannsóknum
• Upplýsingar um tvo meðmælendur, tengsl þeirra við umsækjanda og hvernig má hafa samband við þá.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í allt að sex mánuði frá lokum umsóknarfrests. 

Við ráðningar í störf við Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Háskóli Íslands er stærsta kennslu-, rannsókna- og vísindastofnun. Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann.

Á Verkfræði- og náttúruvísindasviði starfa um 400 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Á sviðinu eru um 2000 nemendur, þar af um fjórðungurinn framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi.

Umsóknarfrestur

Umsóknarfrestur er til og með 02.05.2025

Nánari upplýsingar veitir

Lotta María Ellingsen

lotta@hi.is

Sækja um

Starfssvið

Þéttefnisrafhlöður (solid-state batteries) bjóða upp á aukna orkugeymd, styttri hleðslutíma, lengri endingartíma og aukið öryggi þar sem notast er við fast efni sem jónaleiðara í stað eldfims vökva í hefðbundnum rafhlöðum. Verkefnið einblínir á LLZO þunnhúðir, en kristallað LLZO hefur háa jónaleiðni og góðan rafefnafræðilegan stöðugleika en er framleitt við hátt hitastig sem hindrar samþættingu þess inn í rafhlöður. Í þessu verkefni þróum við nýja tegund myndlauss LLZO jónaleiðara sem hugsanlega lausn við þessum áskorunum og leggjum grunn að sjálfbærum, háafkasta þéttefnisrafhlöðum sem hægt er að framleiða við lægra hitastig. Með því að sameina tilraunaaðferðir og reiknilíkön verður staðbundin bygging og jónaleiðni myndlauss LLZO rannsökuð með það að markmiði að hámarka jónaleiðni. Þéttnifellafræði (DFT) reikningar og hreyfihermanir (e. molecular dynamics) ásamt Monte Carlo aðferðum verða notaðir til að herma myndun og byggingu myndlausra LLZO jónaleiðara. Háþróuð hermunartól og hugbúnaðarpakkar eins og EON verða notaðir ásamt vélrænu námi (e. machine learning) til að búa til nákvæm mættisföll. Verkefnið verður unnið í nánu samstarfi við tilraunarannsóknir sem fela í sér myndun og efnagreiningu þunnra LLZO húða, rafefnafræðimælinga og ýmissa greiningaraðferða.

Leiðbeinendur verða Dr. Anna B Gunnarsdóttir, nýdoktor við Raunvísindastofnun Háskóla Íslands, og Dr. Hannes Jónsson, prófessor í eðlisefnafræði við Háskóla Íslands. Vinnan er hluti af verkefninu Staðbundin bygging og jónaleiðni í myndlausum garnet-efnum fyrir þéttefnisrafhlöður. Verkefnið fjármagnar að auki starf doktorsnema sem framkvæmir tilraunir í samstarfi við rannsóknahóp Dr. Friðriks Magnus, vísindamanns við Raunvísindastofnun. Valdir umsækjendur munu vinna í lifandi og fjölbreyttu rannsóknaumhverfi með víðtæku alþjóðlegu samstarfi við bæði tilrauna- og fræðilega hópa. Einstaklingar af öllum bakgrunni eru hvattir til að sækja um. Stefnt er að því að byggja upp fjölbreyttan hóp þar sem öll fái notið sín. Ef þú hefur áhuga á sjálfbærri efnafræði og þróun nýrrar rafhlöðutækni, gæti þetta tækifæri verið fyrir þig.

Hæfniskröfur

• MSc gráða í efnafræði, eðlisfræði, efnisfræði eða skyldum greinum.
• Sjálfstæð vinnubrögð og færni í mannlegum samskiptum.
• Góð enskukunnátta, bæði í rituðu og töluðu máli.

Ráðning er háð því að umsækjandi sæki formlega um doktorsnám við deildina og að umsóknin sé samþykkt af deild, stundi umsækjandi ekki doktorsnám þar nú þegar.

Umsóknarferli

Æskilegt er að viðkomandi geti hafið störf 1. september eða samkvæmt nánara samkomulagi.

Umsókn skal innihalda:

• Kynningarbréf (hámark ein blaðsíða) þar sem kemur fram hvað vekur áhuga umsækjanda á verkefninu, vísindalegur bakgrunnur og ástæður þess að viðkomandi vill vinna að doktorsverkefni.
• Afrit af prófskírteinum (grunnnám og meistaranám).
• Ferilskrá (hámark þrjár blaðsíður).
• Upplýsingar um tvo meðmælendur, tengsl þeirra við umsækjanda og hvernig má hafa samband við þá.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í allt að sex mánuði frá lokum umsóknarfrests. 

Við ráðningar í störf við Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Háskóli Íslands er stærsta kennslu-, rannsókna- og vísindastofnun. Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann.

Á Verkfræði- og náttúruvísindasviði starfa um 400 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Á sviðinu eru um 2000 nemendur, þar af um fjórðungurinn framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi.

Umsóknarfrestur

Umsóknarfrestur er til og með 30.04.2025

Nánari upplýsingar veitir

Anna Bergljót Gunnarsdóttir

annabg@hi.is

Hannes Jónsson

hj@hi.is

Sækja um

Starfssvið

• Kennsla á fræðasviðinu, þ.m.t. klínísk kennsla á Landspítala.
• Skipulag námskeiðs læknanema í húð- og kynsjúkdómalækningum.
• Gegnir starfi forstöðumanns fræðasviðs húð- og kynsjúkdómalæknisfræði innan Læknadeildar samkvæmt skipan deildarráðs.
• Uppbygging og þróun húð- og kynsjúkdómalækninga við Landspítala með áherslu á kennslu, rannsóknir og þróun klínískrar þjónustu í samráði við aðra yfirlækna, framkvæmdastjóra sviðsins og framkvæmdastjóra lækninga.
• Þverfagleg samvinna og uppbygging vísinda- og rannsóknarstarfs í samstarfi við önnur fræðasvið en læknisfræði.
• Stuðlar að því að greining og meðferð sjúkdóma taki mið af gagnreyndri læknisfræði og hagkvæmni í rekstri.
• Ábyrgð á mannauðmálum og daglegri stjórnun starfsfólks í samráði við framkvæmdastjóra bráða-, lyflækninga- og endurhæfingarþjónustu.
• Úrbætur í öryggismenningu og gæðastarfi á Landspítala.
• Klínísk störf á sviði húðlækninga.
• Stjórnunarstörf, s.s. nefndastörf, seta í ráðum og leiðtogahlutverk í rannsóknarhópum.

Hæfniskröfur

• Doktorspróf eða próf sem jafnað verður til doktorsprófs, eða jafngild hæfni að mati dómnefndar. 
• Íslenskt sérfræðileyfi í húð- og kynsjúkdómalækningum.
• Rannsóknavirkni á fræðasviðinu, sjálfstæði og frumkvæði í rannsóknum, sem og reynsla af öflun rannsóknastyrkja.
• Reynsla af háskólakennslu, fræðilegri og klínískri og leiðbeiningu til æðri háskólagráðu.
• Reynsla af stjórnun. 
• Jákvætt viðmót og góð hæfni í mannlegum samskiptum.

Umsóknarferli

Sú/sá sem ráðin/n verður er sameiginlegur starfsmaður Háskóla Íslands og Landspítala í fullu starfi en hefur ráðningarsamning við hvora stofnun fyrir sig þar sem nánar er fjallað um starfsskyldur og verkefni í samræmi við samstarfssamning Háskóla Íslands og Landspítala frá 13. desember 2018. Ráðið verður í starf prófessors til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009, en ráðning í starf yfirlæknis er samkvæmt 5. mgr. 9. gr. laga nr. 40/2007 og stefnu Landspítala í ráðningum stjórnenda. Í báðum ráðningarsamningum er tekið fram að forsenda ráðningar í hvort starf um sig sé ráðning í samhliða starf á hinni stofnuninni. 

Laun í starfi prófessors eru samkvæmt kjarasamningi fjármálaráðherra f.h. ríkissjóðs við Félag prófessora en laun í starfi yfirlæknis eru samkvæmt kjarasamningi fjármálaráðherra f.h. ríkissjóðs og Læknafélags Íslands.

Við ráðningu verður miðað við, að sá er þessi samhliða störf hlýtur falli sem best að aðstæðum og þörfum Læknadeildar og bráða-, lyflækninga- og endurhæfingarþjónustu Landspítala.

Um meðferð umsókna, mat á hæfi umsækjenda og ráðningu í störfin er farið eftir ákvæðum laga nr. 85/2008 um opinbera háskóla, reglna um Háskóla Íslands nr. 569/2009 og ákvæðum laga um heilbrigðisþjónustu nr. 40/2007, eftir því sem við á í hvoru starfi fyrir sig.

Gert er ráð fyrir að ofangreind samhliða störf verði veitt frá 1. júlí 2025, enda verði þá lokið störfum þeirra nefnda sem um málið fjalla. 

Umsækjendur skulu láta eftirfarandi gögn fylgja umsókn sinni.  

1. Kynningarbréf þar sem m.a. kemur fram hvernig umsækjandi uppfyllir hæfniskröfur 
2. Prófskírteini eða eftir atvikum vottorð um námsferil 
3. Akademíska ferilskrá (Curriculum Vitae) 
4. Ritaskrá  
5. Skýrslu um vísindastörf og önnur störf sem þeir hafa unnið
6. Greinargerð um rannsóknar- og kennsluáform ef til ráðningar kemur
7. Upplýsingar um mögulega umsagnaraðila sem hafa má samband við

Í umsókn er óskað eftir að umsækjandi fjalli um framtíðasýn í málaflokknum sem er í samræmi við markmið stofnanna tveggja. Þá skal umsækjandi láta koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík.

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Reglur um ráðningar og málefni starfsmanna sem hafa starfsskyldur hjá Háskóla Íslands og Landspítala eru aðgengilegar á vefnum, sjá hér.

Við ráðningu í störf í Háskóla Íslands er tekið mið af jafnréttisáætlun skólans, sjá hér, og við ráðningu í störf á Landspítala er tekið mið af jafnréttisáætlun spítalans, sjá hér.

Vakin er athygli á málstefnu Háskóla Íslands, sjá hér.

Nánari upplýsingar um starfið veita:

• Þórarinn Guðjónsson, forseti Læknadeildar Háskóla Íslands (tgudjons@hi.is / 525 4827)
• Rafn Benediktsson, forstöðulæknir á Landspítala (rafnbe@landspitali.is / 543 1000) 
• Már Kristjánsson, framkvæmdastjóri á Landspíatala (markrist@landspitali.is / 543 1000)

Landspítali og Háskóli Íslands eru stærstu vinnustaðir landsins sem í sameiningu gegna því lykilhlutverki að mennta heilbrigðisstarfsfólk og byggja upp framúrskarandi heilbrigðisþjónusta á grunni vísinda, fagmennsku og umhyggju.

Umsóknarfrestur

Umsóknarfrestur er til og með 05.05.2025

Nánari upplýsingar veitir

Þórarinn Guðjónsson

tgudjons@hi.is

5254827

Rafn Benediktsson

rafnbe@landspitali.is

5431000

Sækja um

Starfssvið

• Þátttaka og umsjón með nýsköpunarviðburðum og nýsköpunarverkefnum 
• Umsjón með auglýsingu og úthlutun starfsaðstöðu sviðsins fyrir frumkvöðla
• Umsjón með auglýsingum um starfsnám 
• Aðstoð við rekstur á nýsköpunarhröðlunum Kveikju og AWE hraðalsins
• Aðstoð við skipulag hugverkafræðslu
• Aðstoð við nýsköpunarfræðslu, sýnileika og eflingu samfélagslegra áhrifa rannsókna við HÍ

Hæfniskröfur

• Háskólapróf sem nýtist í starfi t.d. á sviði viðskiptafræði, lögfræði eða raunvísindagreinum
• Reynsla af sambærilegum verkefnum er kostur
• Góð íslensku- og enskukunnátta
• Samstarfshæfni, frumkvæði og lipurð í samskiptum
• Góð almenn tölvukunnátta

Umsóknarferli

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

• Ferilskrá
• Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
• Staðfest afrit af prófskírteinum
• Upplýsingar um umsagnaraðila

Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Vísinda- og nýsköpunarsvið er eitt af þjónustu- og stoðsviðum sameiginlegrar stjórnsýslu Háskóla Íslands. Meginmarkmið vísinda- og nýsköpunarsviðs er að efla rannsóknir við Háskóla Íslands með almennum stuðningi við rannsóknir, nýsköpun, hagnýtingu, erlent samstarf og vísindastarf skólans.

Umsóknarfrestur

Umsóknarfrestur er til og með 08.05.2025

Nánari upplýsingar veitir

Oddur Sturluson

oddstu@hi.is

Sækja um

Starfssvið

Markmið doktorsverkefnisins er að meta vatnsbúskap og kolefnisbindingu tveggja nýbyggðra regnbeða sem taka við afrennsli af þaki kennslubyggingar á lóð Háskóla Íslands.

Starfið felst í því að fínstilla tilraunaaðstöðuna utandyra og safna heildstæðum gögnum yfir 2.5 ára tímabil í öllum veðuraðstæðum. Það felur m.a. í sér að mæla handvirkt kolefnisflutninga á yfirborði í tveimur regnbeðum, nærliggjandi grasflöt og gróðurþökum í hverri viku, og að starfrækja síritandi mælibúnað sem metur rennsli inn og út úr regnbeðunum, jarðvegseiginleika og veðurfar. Doktorsneminn þarf að hafa áhuga á að framkvæma felt rannsóknir utandyra í köldu loftslagi sem hluti af  þverfaglegu rannsóknateymi. Doktorsneminn mun greina gögnin með tölfræðilegum aðferðum, skrifa niðurstöðurnar í formi þriggja vísindaritgerða á ensku sem birtar verða í virtum alþjóðlegum tímaritum. Þar að auki mun doktorsneminn skrifa skýrslu/leiðbeiningar um hönnun og reynslu af rekstri af regnbeðum fyrir íslenskt fagfólk og kynna niðurstöður á innlendum og erlendum ráðstefnum. Þá mun nemandinn leggja sitt af mörkum til stærra, þverfaglegs rannsóknarteymis, sem samanstendur af meistara- og doktorsnemum.

Starfsaðstaða verður í Umhverfis og byggingarverkfræðideild Háskóla Íslands. Rannsóknavinnan verður unnin í samstarfi við Landbúnaðarháskóla Íslands og Landgræðslu Íslands.

Hæfniskröfur

• Meistaragráða í umhverfisverkfræði, byggingarverkfræði eða umhverfisvísindum.
• Góð undirstaða í vatnafræðilegum ferlum, jarðvegseiginleikum og/eða vatnafræðilegum aðferðum við að greina gögn er æskileg.
• Góð færni í notkun tölvuforrita (t.d. Excel, Matlab, R).
• Áreiðanleiki, frumkvæði, nákvæmni og sjálfstæði í vinnubrögðum, ásamt góðri samskipta- og samstarfshæfni.
• Þjálfun í efnagreiningum á tilraunastofu (örugg meðhöndlun efna, s.s. sýrur) er kostur.
• Góð færni í ensku, bæði talaðri og skrifaðri.

Ráðning doktorsnema er háð því að nemandinn sæki formlega um doktorsnám við deildina og verði samþykktur inn í námið.

Umsóknarferli

Upphafsdagur er 1. september 2025.

Umsókn skal innihalda eftirfarandi þætti:

• Tveggja síðu greinargerð um áhugasvið í rannsóknum og hvernig umsækjandi getur lagt af mörkum við rannsóknina.
• Ferilskrá, sem tilgreinir fyrri starfsreynslu, reynslu af efnafræðilegum greiningum, hugbúnaði og forritun, og skrá um birt efni og kynningar ef við á.
• Prófskírteini úr háskólanámi (BS og MS) með lista yfir námskeið sem tekin hafa verið og upplýsingar um einkunnir (á íslensku eða ensku). Sé MS námi ekki enn lokið skal skila bréfi frá leiðbeinanda þar sem fram kemur hvenær ætlað er að ljúka MS prófi.
• Upplýsingar um tvo umsagnaraðila (nafn, vinnustaður, tölvupóstfang) ásamt upplýsingum um tengsl þeirra við umsækjanda.

Öllum umsóknum verður svarað og umsækjendum verður tilkynnt um ráðstöfun starfsins þegar ákvörðun hefur verið tekin. Umsóknir geta gilt innan Háskólans í sex mánuði frá lokum umsóknarfrests.

Við ráðningar í störf við Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann. Á Verkfræði- og náttúruvísindasviði starfa um 390 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Á sviðinu eru um 2000 nemendur og fjölmargir framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi.

Umhverfis- og byggingarverkfræðideild Háskóla Íslands stundar fjölbreyttar rannsóknir sem tengjast Sjálfbærnimarkmiðum Sameinuðu Þjóðanna, s.s. 6 - hreint vatn og hreinlæti, 7 - endurnýjanleg vatnsafls- og vind orka, og 11 - sjálfbærar borgir. Deildin hefur sérfræðiþekkingu í vatnafræði, umhverfistækni, umhverfisfótspori, auk samgöngu-, jarðtækni- og burðarþolsverkfræði. Nánari upplýsingar um deildina má finna hér. 

Umsóknarfrestur

Umsóknarfrestur er til og með 15.05.2025

Nánari upplýsingar veitir

Hrund Ólöf Andradóttir

hrund@hi.is

Sækja um

Starfssvið

• Mat á erlendum prófskírteinum og afgreiðsla mála 
• Afgreiðsla umsókna um viðurkenningu á menntun og starfsreynslu iðnaðarmanna
• Miðlun upplýsinga til innlendra og erlendra stofnana, háskóla og einstaklinga um mat á erlendu námi
• Upplýsingagjöf til erlendra aðila um íslenska menntakerfið og íslensk próf
• Þátttaka í uppbyggingu á verkferlum fyrir matsskrifstofu og þróun á heimasíðu og umsóknarkerfi skrifstofunnar
• Þátttaka í samnorrænum vinnuhópum með samstarfsskrifstofum á Norðurlöndunum

Hæfniskröfur

• Meistarapróf sem nýtist í starfi
• Þekking af háskólaumhverfi og erlendum menntakerfum er kostur
• Reynsla af alþjóðlegum samskiptum er kostur
• Góð kunnátta í íslensku og ensku, önnur tungumálaþekking er kostur
• Góð samskipta- og greiningahæfni, ásamt nákvæmni og sjálfstæði í vinnubrögðum

Umsóknarferli

Æskilegt er að viðkomandi geti hafið störf sem fyrst eða eftir nánara samkomulagi.

Eftirfarandi gögn skulu fylgja umsókn:

• Ferilskrá
• Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
• Staðfest afrit af prófskírteinum
• Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér.

Vakin er athygli á málstefnu Háskóla Íslands, sjá hér.

Umsóknarfrestur

Umsóknarfrestur er til og með 02.05.2025

Nánari upplýsingar veitir

Ína Dögg Eyþórsdóttir

ina@hi.is

5255452

Sækja um