Skip to main content
Forsíða
Forsíða

Laus störf

Doktorsnemi í Marie Sklodowska-Curie Actions verkefni við að þróa aðferðir fyrir vistferilsáhrifamat tengt vatnsnotkun

Laust er til umsóknar fullt starf doktorsnema við Matvæla- og næringarfræðideild Háskóla Íslands. Starfið er til þriggja ára og er hluti af þverfaglegu verkefni, FrameBio, þar sem doktorsneminn mun læra og þróa aðferðir fyrir vistferilsáhrifamat (Life Cycle Impact Assessment, LCIA) tengt vatnsnotkun. Verkefnið er styrkt af Marie Sklodowska-Curie Doctoral Network FrameBio, evrópsku þjálfunarneti sem hefur það markmið að þróa fjölþátta ramma fyrir einfrumupróteinlausnir (SCP) sem eru umhverfisvænni en núverandi próteinframleiðslukerfi.Doktorsneminn mun vinna náið með öðrum doktorsnemum í FrameBio-verkefninu, m.a. doktorsnemum við HÍ, DTU og SSSA, sem vinna að fjölbreyttum verkefnum, allt frá vöruþróun til framfara í aðferðum við sjálfbærnimat, þar á meðal forspár-LCA til að greina umhverfisleg heit svæði og möguleg tækifæri til umbóta. Hluti starfsins er unninn í allt að sex mánuði við Háskólann í Padova á Ítalíu

Doktorsnemi í Marie Sklodowska-Curie Actions verkefni - Vistferlisgreiningar og landupplýsingakerfi

Laust er til umsóknar fullt starf doktorsnema við Matvæla- og næringarfræðideild Háskóla Íslands. Starfið er til þriggja ára og er hluti af þverfaglegu verkefni, FrameBio, þar sem doktorsneminn mun læra og þróa færni í vistferilsgreiningum (Life Cycle Assessments, LCA) og landupplýsingakerfum (Geographic Information Systems, GIS). Verkefnið er styrkt af Marie Sklodowska-Curie Doctoral Network FrameBio, evrópsku þjálfunarneti sem hefur það markmið að þróa fjölþátta ramma fyrir einfrumupróteinlausnir (SCP) sem eru umhverfisvænni en núverandi próteinframleiðslukerfi.Doktorsneminn mun vinna náið með öðrum doktorsnemum í FrameBio-verkefninu, m.a. doktorsnemum við HÍ, DTU og SSSA, sem vinna að fjölbreyttum verkefnum, allt frá vöruþróun til framfara í aðferðum við sjálfbærnimat, þar á meðal forspár-LCA til að greina umhverfisáhrif við breytingar á framleiðsluferlum og möguleg tækifæri til umbóta. Hluti starfsins er unninn í allt að sex mánuði í Brasilíu. 

Lektor í fötlunarfræði

Laust er til umsóknar fullt starf lektors í fötlunarfræði við Deild menntunar og margbreytileika á Menntavísindasviði Háskóla Íslands. Lögð er áhersla á að lektorinn búi yfir víðtækri þekkingu og rannsóknarreynslu á sviði fötlunarfræði og sé reiðubúinn til þverfaglegrar samvinnu innan deildar, sviðs og háskólans í heild.

Lektor í taugasjúkdómafræði

Laust er til umsóknar 50% starf lektors í taugasjúkdómafræðum á fræðasviði taugasjúkdóma við Læknadeild Háskóla Íslands. 

Lektor í stafrænum kennsluháttum

Laust er til umsóknar fullt starf lektors í stafrænum kennsluháttum við Deild faggreinakennslu á Menntavísindasviði Háskóla Íslands. Starfssvið lektorsins felur í sér rannsóknir og kennslu um áhrif tækni á uppeldi, menntun og skólastarf. Meðal umfjöllunarefna eru tækninotkun og tæknin sem viðfang í námi og kennslu, stafrænt nám, fjarkennsla, blandað nám, stafræn miðlun og samskipti, gagnaukinn veruleiki og sýndarveruleiki, gervigreind og nýsköpun. Lögð er áhersla á áskoranir og tækifæri tengd tækniþróun og gert ráð fyrir þverfaglegu samstarfi innan deildar, sviðs og háskólans í heild. 

Forseti Menntavísindasviðs

Laust er til umsóknar starf forseta Menntavísindasviðs Háskóla Íslands. Menntavísindasvið er eitt af fimm fræðasviðum háskólans og starfar forseti þess í umboði rektors. Forseti fræðasviðs er yfirmaður sviðsins, stýrir daglegri starfsemi og er akademískur leiðtogi þess og talsmaður innan háskólans og utan.Á Menntavísindasviði starfa um 160 manns við kennslu og rannsóknir þar sem lögð er áhersla á fjölbreytta miðlun þekkingar, öflugar samræður við íslenskt samfélag og alþjóðlegt fræðasamfélag. Auk þess starfa 49 manns við stjórnsýslu og stoðþjónustu sviðsins.

Forseti Hugvísindasviðs

Laust er til umsóknar starf forseta Hugvísindasviðs Háskóla Íslands. Hugvísindasvið er eitt af fimm fræðasviðum háskólans og starfar forseti þess í umboði rektors. Forseti fræðasviðs er yfirmaður sviðsins, stýrir daglegri starfsemi og er akademískur leiðtogi þess og talsmaður innan háskólans og utan. Á Hugvísindasviði starfa um 200 manns við kennslu og rannsóknir þar sem lögð er áhersla á fjölbreytta miðlun þekkingar, öflugar samræður við íslenskt samfélag og alþjóðlegt fræðasamfélag. Auk þess starfa 15 manns við stjórnsýslu og stoðþjónustu sviðsins.

Doktorsnemi - Stafræn tækni í lífi barna: Sýn barna og kennara

Laust er til umsóknar fullt starf doktorsnema á sviði menntunar- og kennslufræði ungra barna. Starfið er til tveggja ára, styrkt af Menntarannsóknasjóði og tengist rannsókninni Stafræn tækni í lífi barna: Sýn barna og kennara. Tilgangur rannsóknarinnar er að öðlast skilning á því hvernig börn á aldrinum 4¿9 ára upplifa og nota stafræna tækni og snjallforrit (þar á meðal gervigreind) í leik og námi, og hvernig kennarar sjá og móta þetta umhverfi í skólastarfi. Doktorsneminn mun vinna undir leiðsögn dr. Söru Margrétar Ólafsdóttur og dr. Svövu Pétursdóttur dósenta við Deild kennslu- og menntunarfræða á Menntavísindasviði Háskóla Íslands.Rannsóknarverkefnið býður upp á sveigjanleika og frekari afmörkun doktorsnemans á rannsóknarspurningum.  

Lektor í kennslufræði læsis og lestrarkennslu

Laust er til umsóknar fullt starf lektors í kennslufræði læsis með áherslu á lestrarkennslu við Deild kennslu- og menntunarfræði á Menntavísindasviði Háskóla Íslands. Meðal viðfangsefna lektorsins verða kennsla og rannsóknir á einhverjum af eftirtöldum sviðum kennslufræði: Læsis- og lestrarþróun, læsis- og lestrarkennsla á yngsta stigi, og að vinna með lestur í margbreytilegum nemendahópi. Lögð er áhersla á þverfaglega samvinnu innan deildar, sviðs og háskólans í heild.  

Aðjúnkt í tómstunda- og félagsmálafræði

Laust er til umsóknar fullt starf aðjúnkts í tómstunda- og félagsmálafræði við Menntavísindasvið Háskóla Íslands.Í starfinu felst kennsla, rannsóknir og þátttaka í áframhaldandi mótun náms í tómstunda- og félagsmálafræði. Sérstaklega er leitað eftir fólki með menntun, reynslu og sérþekkingu á einu eða fleirum af eftirfarandi sviðum: Tómstundir barna og unglinga, inngildandi starfshættir og leiðtogafærni, einelti, forvarnir og inngrip, jafnréttismál, félagslegt réttlæti og jaðarsettir hópar.

Sálfræðingur

Laust er til umsóknar 50% starf sálfræðings í Nemendaráðgjöf Háskóla Íslands (NHÍ). Nemendaráðgjöf heyrir undir Kennslusvið Háskóla Íslands og veitir háskólanemendum margþætta þjónustu en þar starfa nú 17 manns. Starf sálfræðings við NHÍ er fjölbreytt, viðfangsefnin áhugaverð og starfsumhverfið gott.