Laus störf
Lektor á sviði félags- og/eða heilbrigðisþjónustu
Laust er til umsóknar 50% starf lektors á sviði félags- og/eða heilbrigðisþjónustu við Félagsráðgjafardeild Háskóla Íslands. Lögð er áhersla á að viðkomandi búi yfir víðtækri þekkingu á velferðarmálum og hafi áhuga á akademísku starfi, kennslu og rannsóknum á sviði félagsráðgjafar.
Forstöðumaður og rannsóknalektor við Rannsóknasetur Háskóla Íslands á Eskifirði
Laust er til umsóknar fullt starf forstöðumanns, sem jafnframt er rannsóknalektor, við nýtt Rannsóknasetur Háskóla Íslands á Eskifirði. Rannsóknasetur Háskóla Íslands á Eskifirði verður þrettánda setrið undir Stofnun rannsóknasetra HÍ og jafnframt það fyrsta sem starfar á sviði menntavísinda. Setrið verður til húsa í nýuppgerðum gamla barnaskólanum á Eskifirði. Forstöðumaðurinn verður starfsmaður Háskóla Íslands og mun hafa starfsstöð og gegna starfi sínu frá Rannsóknasetri Háskóla Íslands á Eskifirði. Markmið Stofnunar rannsóknasetra er m.a. að skapa aðstöðu til rannsókna á landsbyggðinni og vera vettvangur samstarfsverkefna háskólans við sveitarfélög, stofnanir, fyrirtæki, félagasamtök og einstaklinga á landsbyggðinni. Rannsóknir eru meginviðfangsefni rannsóknasetranna og eru viðfangsefnin fjölbreytt og tengjast nærumhverfi setranna með einhverjum hætti. Lögð er rík áhersla á árangur í starfi, áhrif og gæði rannsókna og hagnýtingu rannsóknaniðurstaðna.
Forstöðumaður Tilraunastöðvar Háskóla Íslands í meinafræði að Keldum
Laust er til umsóknar fullt starf forstöðumanns Tilraunastöðvar Háskóla Íslands í meinafræði að Keldum (Keldur), sem jafnframt er prófessor við Læknadeild innan Heilbrigðisvísindasviðs Háskóla Íslands með takmarkaða kennsluskyldu samkvæmt nánari ákvörðun háskólaráðs. Um er að ræða samsetta stöðu samkvæmt lögum nr. 67/1990, sem einnig byggir á samstarfi Háskóla Íslands og Keldna samkvæmt samstarfssamningi stofnananna. Ráðið verður í starfið til fimm ára.Leitað er að öflugum og framsýnum leiðtoga til að veita Keldum faglega forystu og stýra mikilvægu rannsóknar- og þjónustuhlutverki stofnunarinnar á sviði dýraheilbrigðis og dýravelferðar. Þá hefur forstöðumaður forystu um rannsóknir á sviði dýraheilbrigðisvísinda og sinnir víðtæku samstarfi við innlenda og erlenda hagaðila.
Verkefnastjóri rannsóknarinnar Forspá um fylgjuþurrð
Laust er til umsóknar fullt starf verkefnastjóra við Rannsóknastofu Landspítala og Háskóla Íslands í fæðinga-, kvenna-, barna- og fjölskyldufræðum (RKB). Verkefnastjórinn mun stýra söfnun gagna og sýna fyrir rannsóknina Forspá um fylgjuþurrð sem hlaut styrk úr Rannsóknasjóði Rannís fyrr á þessu ári. Rannsóknin er samstarfsverkefni Háskóla Íslands, Landspítala, Sjúkrahússins á Akureyri, Háskólans á Akureyri og Heilsugæslu höfuðborgarsvæðisins. Ráðið verður í starfið til eins árs. Um er að ræða fullt starf en til greina kemur að ráða í lægra starfshlutfall.
Lektor í hagfræði
Laust er til umsóknar fullt starf lektors við Hagfræðideild við Félagsvísindasvið Háskóla Íslands. Samkvæmt reglum Háskóla Íslands skiptast starfsskyldur kennara í þrjá meginþætti: rannsóknir, kennslu og stjórnun.
Doktorsnemi í jarðeðlisfræði
Laust er til umsóknar fullt starf doktorsnema í jarðeðlisfræði við Jarðvísindastofnun Háskóla Íslands. Verkefnið gengur út á rannsóknir á ferlum sem stýra landrisi og landsigi í eldstöðvarkerfi Krýsuvíkur og tengjast kvikuhreyfingum og breytingum í jarðhitakerfinu. Tilvonandi doktorsnemi mun rannsaka fjölbreytt jarðskorpuhreyfingaferli með mismunandi aðferðum, t.d. reiknilíkönum með bútaaðferð og bayesískri bestun, sem er oft notuð í vöktun eldstöðva. Starfið er hluti af verkefni sem heitir TRACE: Sviðsmyndir eldfjallavár tengdar jarðskorpuhreyfingum við Krýsuvík, styrkt af Markáætlun Rannís um Náttúruvá. Markmiðið er að greina ástand Krýsuvíkurkerfisins út frá fyrri og núverandi jarðskorpuhreyfingum og herma sviðsmyndir af endurvirkjun misgengja í tengslum við hugsanleg innskot kvikuganga í sprungusveiminn. Tilvonandi doktorsnemi mun fá gott tækifæri til að vinna í grundrannsóknum með tengingu við náttúruvárvöktun og iðnað. Verkefnisstjóri og aðalleiðbeinandi doktorsverkefnis er Dr. Sonja H. M. Greiner. Einnig verða í doktorsnefnd Dr. Samuel W. Scott (Háskóli Íslands), Dr. Michelle M. Parks (Veðurstofa Íslands) og Dr. Halldór Geirsson við Háskóla Íslands, sem verður einnig tengiliður við deild.
Doktorsnemi í byggingarverkfræði
Laust er til umsóknar fullt starf doktorsnema í byggingarverkfræði við Umhverfis- og byggingarverkfræðideild Háskóla Íslands. Verkefnið er á sviði jarðtæknilegrar jarðskjálftaverkfræði (e. geotechnical earthquake engineering) og miðar að því að auka skilning á ysjunar- og sveiflufræðilegum eiginleikum íslenskra jarðefna. Verkefnið er styrkt til þriggja ára af Doktorsstyrkjasjóði HÍ.Jarðtæknilegar aðstæður á Íslandi eru um margt sérstakar og því illmögulegt að heimfæra niðurstöður rannsókna á erlendum jarðefnum upp á aðstæður hérlendis. Ysjunar- og sveiflufræðilegir eiginleikar íslenskra jarðefna hafa lítið verið rannsakaðir. Það sama gildir um áhrif sveifluvíxlverkunar (e. soil-structure interaction) á milli undirstaðna og jarðvegsins í jarðskjálftum. Verkefninu er ætlað að auka skilning á þessum þáttum.Doktorsneminn mun vinna að því að afla upplýsinga um og greina sveiflufræðilega hegðun íslenskra sendinna/syltríkra jarðefna, þar með talið mótstöðu efnisins gegn ysjun í jarðskjálftum og víxlverkunum jarðefnanna við undirstöður mannvirkja. Niðurstöður tilraunastofu- og feltprófana verða nýttar til að sannreyna efnislíkön sem lýsa spennu-streitu sambandi jarðvegs og sveifluvíxlverkun, með það að markmiði að aðlaga þau að sérstökum eiginleikum íslenskra jarðefna. Þá verður töluleg greining nýtt til þess að meta sveiflumögnun lausra jarðlaga við aðstæður hérlendis og jarðskjálftasvörun undirstaðna sem grundaðar eru í lausum jarðvegi sem viðkvæmur er fyrir ysjun.Leiðbeinendur eru Elín Ásta Ólafsdóttir, lektor, og Sigurður Erlingsson, prófessor.
Doktorsnemar í lýðheilsuvísindum
Laus eru til umsóknar tvö full störf fyrir doktorsnema í lýðheilsuvísindum við Miðstöð í lýðheilsuvísindum, Háskóla Íslands. Stöðurnar eru styrktar af Rannís til þriggja ára og eru verkefnin unnin í samstarfi við Sálfræðideild Háskólans í Reykjavík.Doktorsverkefnin eru hluti af stóru rannsóknarverkefni, unnin í samvinnu við alþjóðlegt teymi vísindafólks, sem snýr að heilsu þeirra íbúa sem bjuggu við síendurteknar jarðhræringar og ógn af eldgosavirkni í Grindavík og þeim áhættu- og verndandi þáttum sem tengjast andlegri og líkamlegri heilsu þeirra. Annað doktorsverkefnið mun beinast að börnum og hitt að fullorðnum.
Doktorsnemi í hagfræði
Laust er til umsóknar fullt starf doktorsnema við Hagfræðideild, tímabundið til tveggja ára. Starfið er styrkt af Rannsóknasjóði Háskóla Íslands og er unnið innan rannsóknarteymis um tekjuuppbót (ConCIV, Consortium on Compensating Income Variation). Verkefnið liggur á mörkum vinnumarkaðshagfræði og velferðarhagfræði og notar aðferð tekjuuppbótar (compensating income variation, CIV) til að meta hagrænt virði menntunar og starfsloka út frá áhrifum þeirra á huglæga velferð einstaklinga og fjölskyldumeðlima þeirra. Doktorsneminn mun vinna með langsniðsgögn úr áströlsku HILDA-rannsókninni og nýta náttúrulegar tilraunir, meðal annars breytingar á skólaskyldu og lífeyrisaldri, til að greina orsakasambönd. Verkefnið byggir á fyrri vinnu ConCIV-hópsins við peningalegt mat á ómarkaðslegum gæðum og tengist alþjóðlegu rannsóknarsamstarfi hópsins. Rannsókninni verður stýrt af aðalleiðbeinanda doktorsnemans, dr. Tinnu Laufeyju Ásgeirsdóttur, prófessor í hagfræði, en doktorsneminn verður hluti af stærra rannsóknarteymi innlendra og erlendra sérfræðinga.
Doktorsnemi við Rafmagns- og tölvuverkfræðideild
Laust er til umsóknar 77% starf doktorsnema við Rafmagns- og tölvuverkfræðideild Háskóla Íslands með sérhæfingu í læknisfræðilegri myndgreiningu. Starfið er styrkt til þriggja ára af Doktorsstyrkjasjóði Háskóla Íslands.Verkefnið miðar að því að nota ómun með skuggaefni (contrast enhanced ultrasound) og nýlega aðferð sem nýtir skuggaefnið til að meta þrýsting (subharmonic aided pressure estimation: SHAPE) til að meta og kortleggja þrýsting í líkamanum og auðvelda þannig greiningu og mat á árangri meðferðar.Leiðbeinandi er Dr. Valgerður G. Halldórsdóttir, lektor við Rafmagns- og tölvuverkfræðideild. Rannsóknarhópurinn sérhæfir sig í klínískri ómun og starfar náið með rannsóknarhópum í Bandaríkjunum að þróun SHAPE aðferðarinnar og hefur beitt henni á mismunandi svæði líkamans.
Nýdoktor við rannsókn á erfðaóstöðugleika og myndun krabbameina
Laust er til umsóknar fullt starf nýdoktors til rannsókna á hlutverki MITF í að viðhalda stöðugleika erfðaefnis, með áherslu á DNA-eftirmyndun og DNA-viðgerð. Verkefnið er styrkt til þriggja ára af Rannsóknasjóði Vísinda- og tækniráðs (Rannís) og verður unnið við Lífvísindasetur innan Læknadeildar Háskóla Íslands. Verkefnið byggir á notkun fjölbreyttra nútímalegra aðferða, þar á meðal frumurækt krabbameinsfruma, erfðabreytingum með CRISPR-Cas9, mælingum á DNA-skemmdum og eftirmyndunarálagi (t.d. DNA fiber assays og 53BP1 foci), prótein- og DNA-bindingargreiningum (t.d. CUT&RUN), auk annarra sameindalíffræðilegra, lífefnafræðilegra og frumulíffræðilegra aðferða. Stefán Sigurðsson, prófessor við Læknadeild Háskóla Íslands verður leiðbeinandi í verkefninu.
Verkefnisstjóri fjármála við Menntavísindasvið Háskóla Íslands
Laust er til umsóknar fullt starf verkefnisstjóra fjármála hjá Menntavísindasviði Háskóla Íslands. Verkefnisstjórinn hefur það megin hlutverk að hafa umsjón með og yfirlit yfir fjármál og bókhald Menntavísindasviðs. Starfið heyrir undir rekstrarstjóra Menntavísindasviðs.
Doktorsnemi í eðlisefnafræði
Laust er til umsóknar fullt starf doktorsnema í eðlisefnafræði við Verkfræði- og náttúruvísindasvið Háskóla Íslands. Starfið er styrkt til þriggja ára af Doktorsstyrkjasjóði Háskóla Íslands og tengist rannsóknaverkefninu Advancing Electrolyte Chemistry for Rechargeable Calcium Batteries sem er á sviði næstu kynslóðar rafhlaðana (e. next-generation batteries) og beinist að þróun raflausna fyrir endurhlaðanlegar kalsíumrafhlöður.Endurhlaðanlegar kalsíumrafhlöður (e. calcium metal batteries) eru meðal efnilegustu næstu kynslóðar rafhlaðna sem nú eru í þróun. Kalsíum er eitt algengasta frumefni jarðskorpunnar og getur boðið upp á háa orkuþéttni. Þrátt fyrir miklar framfarir á undanförnum árum skortir enn grundvallarskilning á því hvernig hanna megi raflausnir og yfirborðslög (e. solid electrolyte interphase, SEI) sem gera kleift að hlaða og afhlaða kalsíumrafhlöður á skilvirkan og áreiðanlegan hátt. Verkefnið mun leiða til nýrrar grunnþekkingar á fjölgildum rafhlöðukerfum og leggja grunn að þróun sjálfbærra orkugeymslulausna sem draga úr háði á litíum og öðrum takmörkuðum hráefnum.Leiðbeinandi verkefnisins er Dr. Anna B. Gunnarsdóttir, lektor í eðlisefnafræði við Háskóla Íslands. Rannsóknarhópur verkefnisins hefur aðstöðu við Raunvísindastofnun Háskóla Íslands og mun doktorsneminn starfa í öflugu, alþjóðlegu og þverfaglegu rannsóknarumhverfi ásamt öðrum doktorsnemum, nýdoktorum og erlendum samstarfsaðilum. Verkefnið felur í sér tækifæri til þátttöku í alþjóðlegum ráðstefnum og samstarfs við fremstu sérfræðinga á sviði rafhlöðurannsókna.
Lektor í kennslufræði læsis með áherslu á lestur, ritun og bókmenntir þvert á skólastig
Laust er til umsóknar fullt starf lektors í kennslufræði læsis með áherslu á lestur, ritun og bókmenntir þvert á skólastig. Þetta er sameiginleg staða við Deild kennslu- og menntunarfræði og Deild faggreinakennslu á Menntavísindasviði Háskóla Íslands.
Náms- og starfsráðgjafi
Laust er til umsóknar fullt starf náms- og starfsráðgjafa við Nemendaráðgjöf Háskóla Íslands vegna stækkunar á deild.Við Nemendaráðgjöf HÍ starfa náms- og starfsráðgjafar, sálfræðingar, félagsráðgjafi og verkefnastjórar. Fagfólk vinnur saman í teymum með velferð nemenda, og þeirra sem til Nemendaráðgjafar leita, að leiðarljósi. Nemendaráðgjöf heyrir undir Kennslusvið Háskóla Íslands.