Reglur nr. 290-2016

[Reglur um nám til lokaprófs á meistarastigi við Hjúkrunar- og ljósmóðurfræðideild Háskóla Íslands,]¹ nr. 290/2016.

með síðari breytingum

_{¹Breytt með 1. gr. reglna nr. 197/2025.}

1. gr. [Markmið náms til lokaprófs á meistarastigi.]¹

[Hjúkrunar- og ljósmóðurfræðideild]¹ veitir menntun til [lokaprófs]¹ á meistarastigi á þeim sviðum þar sem aðstaða og sérþekking er fyrir hendi. Markmið [námsins]¹ er að gefa hjúkrunarfræðingum á Íslandi kost á að auka þekkingu sína og færni á ýmsum sérsviðum [hjúkrunar- og ljósmóðurfræða.]¹
_{¹Breytt með 1. gr. rgl. nr. 290/2016.}

2. gr. Umsóknarfrestur.

Umsóknarfrestur er að jafnaði til 15. apríl fyrir innritun á haustmisseri og til 15. október fyrir innritun á vormisseri. Deildarráði er einnig heimilt að leyfa innritun á öðrum tímum að undangenginni auglýsingu.

3. gr. Meðferð umsókna.

Sótt er um rafrænt á vef háskólans. Umsóknum skal skilað til nemendaskrár Háskóla Íslands á sérstöku rafrænu eyðublaði sem er aðgengilegt á vef skólans. Rannsóknanámsnefnd ásamt námsnefndum [náms til lokaprófs á meistarastigi]² leggur mat á umsóknir og sendir deildarráði tillögur sínar til afgreiðslu.

[Hjúkrunar- og ljósmóðurfræðideild]¹ er heimilt, með samþykki háskólaráðs, að takmarka þann fjölda sem tekinn er inn í námið.

[Hjúkrunar- og ljósmóðurfræðideild]¹ er heimilt að fella niður áður auglýst [nám til lokaprófs á meistarastigi]² náist ekki lágmarksþátttaka til að tryggja fjármögnun þess.
_{¹Breytt með 2. gr. reglna nr. 517/2022.
²Breytt með 3 gr. reglna nr. 197/2025.}

4. gr. Inntökuskilyrði.

Til að innritast í [nám til lokaprófs á meistarastigi]² við [Hjúkrunar- og ljósmóðurfræðideild]¹ þarf stúdent að hafa lokið BS-prófi í hjúkrunarfræði eða öðru samsvarandi prófi og vera handhafi hjúkrunarleyfis á Íslandi. Miðað er við að nemandi hafi að lágmarki 6,5 í aðaleinkunn úr BS-prófi eða samsvarandi námi. Jafnframt þarf nemandi að búa yfir góðri enskukunnáttu. Heimilt er að gera forkröfu um að umsækjandi hafi allt að tveggja ára starfsreynslu í hjúkrun. [Hjúkrunar- og ljósmóðurfræðideild]¹ er heimilt að víkja frá reglunni um BS-próf hafi umsækjandi aflað sér sérstakra starfsréttinda eða lokið ákveðnu formlegu námi á því sviði, sem tilgreint er í auglýsingu um viðkomandi [nám til lokaprófs á meistarastigi.]²

Við inntöku er tekið mið af: a) einkunnum, b) starfsreynslu og c) meðmælum, auk d) viðtala í því [nám til lokaprófs á meistarastigi]² þar sem takmarkanir eru á fjölda nemenda.
_{¹Breytt með 3. gr. rgl. nr. 517/2022.
²Breytt með 4. gr. rgl. nr. 197/2025.}

5. gr. Einingafjöldi og tímalengd náms.

[Nám til lokaprófs á meistarastigi]¹ í hjúkrunarfræði er að jafnaði [60-89]¹ einingar (ECTS). [...]¹ [Miðað skal við að lengd námsins sé fullt nám í tvö misseri, eða hlutanám í fjögur misseri. Hámarksnámstími er sex misseri frá því að nemandi var skrásettur í námið.]¹ Námshraði nemenda skal vera í samræmi við auglýsta námskrá og framboð námskeiða. [Þrátt fyrir ákvæði 1. málsliðar skulu nemendur sem þegar stunda 30 eininga viðbótarnám á meistarastigi eiga þess kost að ljúka náminu samkvæmt því námsskipulagi sem í gildi var þegar þeir hófu nám.]¹
_{¹Breytt með 5. gr. rgl. nr. 197/2025.}

6. gr. Samsetning náms.

Námskrá skal að jafnaði skipulögð þannig að hægt sé að taka námið sem hluta af formlegu meistaranámi eða sem afmarkað nám sem lýkur með [lokaprófi á meistarastigi.]¹ Námskrá skal á hverjum tíma vinna í náinni samvinnu við fagdeildir Félags íslenskra hjúkrunarfræðinga, sérfræðinga og/eða stofnanir á viðkomandi sérsviði. Lögð er áhersla á að [nám til lokaprófs á meistarastigi]¹ geti orðið áfangi í námi til meistaraprófs.

Hjúkrunarfræðingur sem lokið hefur [námi til lokaprófs á meistarastigi]¹ að viðbættri klínískri þjálfun á að standast alþjóðlegar viðmiðanir til starfsréttinda á því sérsviði.

Að öðru leyti miðar samsetning námsins að því að nemandi hafi að því loknu öðlast góða starfsleikni, fagþekkingu og tileinkað sér fagleg viðhorf á tilteknu sérsviði.
_{¹Breytt með 6. gr. rgl. nr. 197/2025.}

7. gr. [Námskeið í námi til lokaprófs á meistarastigi sem hluti af meistaranámi.]²

[Nemendur sem ljúka [lokaprófi á meistarastigi]² geta fengið hluta þess náms metinn inn í nám til meistaraprófs [eða meistaragráðu,]² samkvæmt samþykkt deildar.]¹

¹_{Breytt með 1. gr. rgl. nr. 838/2019.
²Breytt með 7. gr. rgl. nr. 197/2025.}

8. gr. Námsnefndir [...]³

[Þegar deildin hefur samþykkt [nám til lokaprófs á meistarastigi]³ á ákveðnu sérsviði skipar deildarráð námsnefnd.]² Í námsnefnd eru forstöðumaður/forstöðumenn viðkomandi fræðasviðs/fræðasviða innan [Hjúkrunar- og ljósmóðurfræðideildar]² ásamt öðrum sérfræðingum á viðkomandi sviði. Formaður nefndarinnar skal vera fastráðinn kennari við deildina.

Námsnefnd [náms til lokaprófs á meistarastigi]³ tilnefnir umsjónarkennara hvers námskeiðs, yfirfer námskeiðslýsingar, gerir kostnaðaráætlun um námið og sendir rannsóknanámsnefnd til umsagnar. Erindi um nýtt [nám til lokaprófs á meistarastigi]³ þarf að berast rannsóknanámsnefnd fyrir 1. október ári áður en nám hefst. Erindi um endurtekið [nám til lokaprófs á meistarastigi]³ þarf að berast fyrir 15. október ári áður. Rannsóknanámsnefnd getur óskað eftir umsögn og samráði við fleiri námsnefndir en eina um tiltekið námskeið.

_{¹Breytt með 2. gr. rgl. nr. 838/2019.
²Breytt með 8. gr. rgl. nr. 517/2022.}

9. gr. Kröfur til umsjónarkennara námskeiða.

Umsjónarkennari skal að jafnaði vera fastráðinn kennari (lektor, dósent eða prófessor) í viðkomandi grein. Ef umsjónarkennari er ekki fastráðinn kennari eða sérfræðingur við deildina skal hann a.m.k. hafa lokið meistaraprófi, vera sérfræðingur á sérsviði námsins eða tengdu sviði og auk þess hafa starfað við það um árabil og stundað rannsóknir því tengdar.

10. gr. Námsmat.

Námskeið í [námi til lokaprófs á meistarastigi]¹ skulu vera á meistarastigi og standast kröfur þar um. [Námi]¹ lýkur með veitingu prófskírteinis, sem staðfestir að nemandi hafi lokið [námi]¹ á viðkomandi sviði og reiknast meðaleinkunn nemandans vera vegið meðaltal eininga úr þeim námskeiðum sem nám hans samanstendur af. Lágmarkseinkunn í námskeiðum í [námi til lokaprófs á meistarastigi]¹ skal vera 6,0.
_{¹Breytt með 9. gr. rgl. nr. 197/2025.}

11. gr. Tengsl við aðra háskóla.

Hægt er að skipuleggja hluta [námsins]¹ í samvinnu við aðra háskóla og/eða heilbrigðisstofnanir innan- eða utanlands.
_{¹Breytt með 10. gr. rgl. nr. 197/2025.}

12. gr. Prófskírteini, diplóma.

Er nemandi hefur staðist námskröfur sem tilgreindar eru í námskrá fyrir [nám til lokaprófs á meistarastigi]¹ telst hann hafa lokið [námi]¹ á sérsviði. Veitt er sérstakt prófskírteini [...]¹ þessu til staðfestingar.
_{¹Breytt með 11. gr. rgl. nr. 197/2025.}

13. gr. Gildistaka o.fl.

Reglur þessar eru settar af háskólaráði með heimild í 1. mgr. 22. gr. laga nr. 85/2008 um opinbera háskóla, sbr. 8. mgr. 97. gr. reglna fyrir Háskóla Íslands nr. 569/2009. Reglurnar hafa verið samþykktar af Hjúkrunarfræðideild og stjórn Heilbrigðisvísindasviðs, auk Miðstöðvar framhaldsnáms, sbr. 66. gr. reglna fyrir Háskóla Íslands nr. 569/2009. Reglurnar öðlast þegar gildi. Jafnframt falla úr gildi reglur nr. 240/2004 um diplómanám á meistarastigi við Hjúkrunarfræðideild Háskóla Íslands.

Auk birtingar í Stjórnartíðindum skal birta reglur þessar í kafla [Hjúkrunar- ljósmóðurfræðideildar]¹ í kennsluskrá og á heimasíðu deildarinnar.
¹Breytt með 5. gr. rgl. nr. 517/2022.

_{Háskóla Íslands, 18. mars 2016.}