LED Nordic: Ráðstefna um hönnun námsumhverfis á Norðurlöndum

LED Nordic: A Hybrid Seminar on Nordic Learning Environment Design 

Morgunráðstefna ætluð öllum áhugasömum um hönnun skólabygginga. Hádegisverður í Sögu og skoðunarferð einnig í boði.

Skráning: Til föstudags 10. apríl 2026, sjá hér: REGISTRATION FORM

Við bjóðum ykkur hjartanlega velkomin á fæti eða neti á ráðstefnu ætlaða öllum sem láta sig hönnun og rannsóknir á námsumhverfi í skólabyggingum varða, þar á meðal rannsakendum, fulltrúum ríkis og sveitarfélaga, stjórnendum í menntakerfi og skólum, kennurum, arkitektum og hönnuðum. 

Ráðstefnan er liður í norræna rannsóknar- og þróunarverkefninu LED Nordic um áhrif hönnunar á námsumhverfi á kennslu, nám og velferð frá norrænu sjónarhorni eða LED Nordic - Impact of Learning Environment Design on Teaching, Learning, and Wellbeing: A Nordic Perspective, Nordplus Horizontal-verkefni 2024 til 2026 byggt á þátttöku rannsakenda, sveitarfélaga og framleiðenda frá Norðurlöndunum fimm.

Markmið með ráðstefnunni er styrkja þverfagleg tengsl fagfólks og sérfræðinga í hönnun og rannsóknum á umhverfi skólastarfs. 

Helstu þættir dagskrár:

• Kynningar gestgjafa við Háskóla Íslands og hjá Reykjavíkurborg á nýstárlegu og breytilegu umhverfi náms og kennslu í nýlegum byggingum íslenskra grunnskóla.

• Yfirlit norrænna rannsakenda um athyglisverðustu þætti samvinnuverkefnisins LED Nordic 2024 til 2026. Sagt verður frá samantekt á rannsóknum á námsumhverfi norrænna skólabygginga, fjallað um inngildingu við hönnun skóla og sýndar myndir frá heimsóknum rannsóknarhópsins í nýstárlegar skólabyggingar á Norðurlöndum.

• Erindi gestafyrirlesarans Jennifer Charteris frá New England-háskóla í Ástralíu um endurskipan rýma í skólum, endurhönnun og ferska hugsun í skólastarfi ásamt umfjöllun skólastjóra af innlendum vettvangi um reynsluna af nýju umhverfi.

Hádegisverður og skoðunarferðir:

Hádegisverður án endurgjalds og stutt skoðunarferð um nýuppgerð húsakynni Menntavísindasviðs Háskóla Íslands í Sögu verða í boði eftir að dagskrá í Eddu lýkur. Einnig verður mögulegt að taka þátt í skoðunarferð um grunnskólabyggingu með nýju sniði á höfðuborgarsvæðinu síðar sama dag (mögulega þarf að takmarka fjölda og láta röð skráninga ráða þátttöku).

Dagsetning: Miðvikudag 15. apríl 2026 kl. 9:00 til 12:00

Skráning: Til föstudags 10. apríl 2026, sjá hér: REGISTRATION FORM

Tungumál: Enska

Aðgengi: Aðgengi fyrir öll í húsakynnum Eddu og Sögu

Staðsetning: Fyrirlestrarsalur í Eddu – Húsi íslenskunnar, Arngrímsgötu 5, Reykjavik

Vefslóð til þátttöku á neti: Verður dreift í kjölfar skráningar

Skipulag: Háskóli Íslands, Menntavísindasvið og Reykjavíkurborg í samvinnu við LED Nordic undir forystu Háskólans í Jyväskylä. Skólastjórafélag Íslands á einnig aðild að viðburðinum.

Gjald: Ráðstefnan, veitingar og skoðunarferðir eru án endurgjalds

Frekari upplýsingar:

Umsjón á Íslandi:
Torfi Hjartarson dósent
torfi@hi.is
Menntavísindasvið
Háskóli Íslands

Umsjón með LED Nordic-verkefni:
Dr. Tiina Mäkelä
tiina.m.makela@jyu.fi
Finnish Institute for Educational Research
University of Jyväskylä