Klínísk starfsþjálfun í svæfingahjúkrun I (HJÚ170F)

Klínísk starfsþjálfun í svæfingahjúkrun fer fram samhliða fræðilegu námi í svæfingahjúkrun og veitir þjálfun í klínískum vinnubrögðum og vinnuferlum í svæfingahjúkrun. Klínísk starfsþjálfun í svæfingahjúkrun er metin til 30 eininga sem fer fram á svæfingadeildum Landspítala - háskólasjúkrahúss, í hermi (simulator) og í verklegum æfingum í vinnubúðum.

Í klínískri starfsþjálfun er notuð verknámsbók þar sem m.a. koma fram námsmarkmið, hvaða kröfur nemar þurfa að uppfylla, upplýsingar um námsmat, gerð svæfingaáætlana, skráningu færnikorta og verknámsskráa.

Gerð er krafa um 100% ástundun í klínískri starfsþjálfun. Markmið starfsþjálfunar í svæfingahjúkrun er að þjálfa nemendur í að samþætta klíníska- og fræðilega þekkingu, veita þjálfun í klínískum vinnubrögðum og vinnuferlum og kynna sem flest svið svæfingahjúkunar.

Eðlis- og efnafræði svæfinga (HJÚ218F)

Kennd eru helstu uppgufunar- , þrýstings- og flæðilögmál lofttegunda og vökva. Þekking á þessu sviði er nauðsynlegur undirbúningur til skilnings á verkun gasa þ.e svæfingagasa súrefnis, glaðslofts og lofts sem og til skilnings á starfsemi lungna og blóðrásar í heilbrigðu og sjúku ástandi. Enn fremur verður fjallað um eðlisfræðilögmál þeirra tækja sem notuð eru við svæfingar, s.s. virkni gasara gasgreina, súrefnismettunarmæla, ífarandi þrýstingsmælinga o.fl.

Þekkingarþróun í hjúkrunarfræði (HJÚ143F)

Í námskeiðinu verður rætt um hugmyndir og hugtök sem hafa mótað skilning ólíkra samfélaga á heilbrigðisþjónustu og hjúkrun. Áhrifamiklar hugmyndir í hjúkrunarfræði verða kynntar og ræddar og leitast verður við að varpa ljósi á það hvernig skilningur á eðli hjúkrunar mótaðist og breyttist á tuttugustu öldinni. Einnig verður fjallað um þekkingu í hjúkrun og þróun hennar. Stefnur í þekkingarþróun verða kynntar og leitast verður við að benda á styrkleika og veikleika þeirra. Farið verður yfir aðferðir við að greina og meta fræðilegan texta og nemendur fá tækifæri til að beita þeim í umfjöllun um rannsóknir. Sérstök áhersla verður lögð á að greina hugtök og kenningar sem höfundar byggja á í rannsóknum sínum og hið fræðilega samhengi sem mótar þau verður skoðað.

Lágmarksfjöldi nemenda: 15.

Fyrirkomulag kennslu
Kennt verður aðra hverja viku – í sex vikur samtals. Í hverri lotu fara fram fyrirlestrar, hópvinna og kynningar á hóp- og einstaklingsverkefnum.

Lyfjafræði svæfingalyfja (HJÚ151F)

Fjallað er um lyfhrifafræði (pharmacodynamics) og lyfhvarfafræði (pharmacokinetics) algengustu lyfja sem notuð eru við svæfingar og deyfingar. Rætt er um svæfingalyf, verkjalyf, vöðvaslakandi lyf, deyfingalyf og ógleðistillandi lyf.  Skoðað verður hlutverk ósjálfráða ósjálfráða taugakerfisins við samhæfingu og stjórnun líkamsstarfseminnar og rætt um lyfjafræði mikilvægra lyfja með áhrif þar á. Jafnframt verður fjallað um lyf sem notuð eru til meðhöndlunar á algengum sjúkdómum og lyf sem hafa milliverkan við önnur lyf í svæfingu eða deyfingu.

Svæfingahjúkrun I (HJÚ152F)

Lögð er áhersla á undirstöðuatriði svæfinga og deyfinga og áhrif svæfinga á lífeðlisfræðilega starfsemi sjúklings. Fjallað verður um mismunandi aðferðir við svæfingar og deyfingar og nauðsynlegur tækjabúnaður kynntur. 

Fjallað verður um umgengnisreglur á skurðstofum, hitatap sjúklings, fyrirbyggingu þess og hagræðingu sjúklinga í réttar legustellingar á skurðarborðum. Lögð er áhersla á hæfni nemenda til kerfisbundis heilsufarsmats og gerð einstaklingsmiðaðra svæfingaáætlana útfrá eðli aðgerðar og þörfum sjúklings í gegnum aðgerðarferlið. Samhliða námskeiðinu byrja nemendur að yfirfæra fræðilegu þekkinguna á klíníska verkþjálfun á svæfingadeildum.

Svæfingahjúkrun II (HJÚ219F)

Haldið verður áfram að fjalla um undirstöðuatriði svæfinga og deyfinga og áhrif þeirra á lífeðlisfræðilega starfsemi sjúklings. Rætt verður um mismunandi aðgerðir og aðferðir sem notaðar eru við svæfingar og deyfingar viðkomandi sjúklingaflokka. Fjallað verður um  einstaka sjúklingahópa auk undirliggjandi sjúkdóma sem taka verður mið af í aðgerðarferlinu (fyrir aðgerð, í aðgerð og eftir aðgerð) og mun nemandinn öðlast þjálfun í að beita fræðilegri þekkingu við svæfingaáætlun og úrlausn klínískra viðfangsefna. 

Hagnýting megindlegrar aðferðafræði (HJÚ252F)

Námskeiðinu er ætlað að dýpka þekkingu nemenda í hagnýtingu megindlegrar aðferðarfræði.

Í námskeiðinu verða vísindaleg vinnubrögð kynnt þar sem sérstök áhersla er lögð á kerfisbundna fræðilega samantekt sem er hornsteinn gagnreyndra vinnubragða. Auk þess verða megin rannsóknarsniðin sem stuðst er við í klínískum rannsóknum í heilbrigðisvísindum rædd og greind.

Í kerfisbundnu fræðilegu samantektinni fá nemendur þjálfun í að setja fram skýra rannsóknarspurningu eða rannsóknaspurningar og að styðjast við PICO viðmiðið til að setja saman leit með leitarorðum úr rannsóknarspurningunni/-unum. Auk þess verður lögð áhersla á styðjast við PRISMA yfirlýsinguna um það hvernig setja eigi fram niðurstöður úr kerfisbundinni fræðilegri samantekt til að auðkenna, velja og gagnrýna viðeigandi rannsóknir sem og til að safna og greina rannsóknirnar sem mæta inntökuskilyrðum fræðilegu samantektarinnar.

Nemendur fá þjálfun í að meta gæði rannsókna m.a. út frá Joanna Briggs Institute handbókinni.

Í námskeiðinu verður lögð sérstök áhersla á að kynna nemendum þversniðsrannsóknir, langtíma rannsóknir og þróun hálf- staðlaðra og staðlaðra tilraunarannsókna. 

Í meðferðarrannsóknum verður m.a. fjallað um samhæfingu rannsóknarviðfangsefna út frá rannsóknaspurningum og tilgátum við þá aðferðafræði sem stuðst er við, þ.e., við úrtaksstærð, snið, mælingar, úrvinnslu gagna og hrifstærð (effect size).

Lögð verður sérstök áhersla á að nemendur öðlist innsæi í kröfur um birtingar rannsóknarniðurstaðna í alþjóðlegum tímaritum og um hagnýtingu þeirra innan hjúkrunar- og ljósmóðurfræðinnar. 

Fyrirkomulag kennslu:
Námskeiðið er kennt í lotu þar sem mæting er í sjö skipti.  Kennslan verður með þeim hætti að fyrirlestrar eru kenndir í Eirbergi og streymdir á zoom (engin upptaka) þá daga sem fyrirlestrar eru tilgreindir, en svo verða umræður eftir hvern fyrirlestur og hópavinna. 

Klínísk starfsþjálfun í svæfingahjúkrun II (HJÚ281F)

Klínísk starfsþjálfun í svæfingahjúkrun fer fram samhliða fræðilegu námi í svæfingahjúkrun og veitir þjálfun í klíniskum vinnubrögðum og vinnuferlum í svæfingahjúkrun. Klínísk starfsþjálfun í svæfingahjúkrun er metin til 30 eininga og er 1700 klst. sem fer fram á svæfingadeildum Landspítala - háskólasjúkrahúss, í hermi (simulator) og í verklegum æfingum í vinnubúðum.

Í klínískri starfsþjálfun er notuð verknámsbók þar sem m.a. koma fram  námsmarkmið, hvaða kröfur nemar þurfa að uppfylla, upplýsingar um námsmat, gerð svæfingaáætlana, skráningu færnikorta og verknámsskráa.

Gerð er krafa um 100% ástundun í klínískri starfsþjálfun. Markmið starfsþjálfunar í svæfingahjúkrun er að þjálfa nemendur í að samþætta klíníska- og fræðilega þekkingu, veita þjálfun í klínískum vinnubrögðum og vinnuferlum og kynna sem flest svið svæfingahjúkunar.

Kennslumisseri: Kennsla mun fara fram samfara námi en skráning í námsskeiðið verður aðeins á síðasta misseri.

Klínísk lífeðlis- og meinafræði (HJÚ0AQF)

Tilgangur námskeiðsins er að dýpka þekkingu hjúkrunarfræðinga á lífeðlisfræðilegum ferlum og meinafræðilegum breytingum í starfsemi mannslíkamans sem orsaka sjúkdóma. Fjallað verður um algenga sjúkdóma á mismunandi æviskeiðum lífsins með áherslu á orsakir, undirliggjandi meinalífeðlisfræðilegar breytingar, klínísk einkenni, sjúkdómsferli, greiningu, og meðferð. Jafnframt verður fjallað um eðlilegar breytingar á lífeðlisfræðilegum ferlum öldrunar og áhrif þeirra á starfsemi líffæra og líffærakerfa á efri árum. Í námskeiðinu verður notast við fjölþættar kennsluaðferðir þar sem áhersla er lögð á virka þáttöku nemenda og yfirfærslu þekkingar yfir á klínískar aðstæður.  

Svæfingahjúkrun III (HJÚ337F)

Í námskeiðinu, sem er framhald af Svæfingafræði og Svæfingahjúkrun II, verður fjallað um svæfingar og deyfingar mismunandi sjúklingahópa sem koma til skurðaðgerðar. Skoðað verður hvað einkennir viðkomandi sjúklingahópa og þau vandamál sem nemandi þarf hugsanlega að glíma við í gegnum aðgerðarferlið. Ennfremur verður fjallað um sjúklinga með sérhæfð vandamál og undirliggjandi sjúkdóma sem geta haft áhrif á umönnun þeirra.

Kennsluaðferð: Fyrirlestrar, umræðutímar og verkefni. 

Klínísk starfsþjálfun í svæfingahjúkrun III (HJÚ345F)

Klínísk starfsþjálfun í svæfingahjúkrun fer fram samhliða fræðilegu námi í svæfingahjúkrun og veitir þjálfun í klíniskum vinnubrögðum og vinnuferlum í svæfingahjúkrun. Klínísk starfsþjálfun í svæfingahjúkrun er metin til 30 eininga og er 1700 klst. sem fer fram á svæfingadeildum Landspítala - háskólasjúkrahúss, í hermi (simulator) og í verklegum æfingum í vinnubúðum.

Í klínískri starfsþjálfun er notuð verknámsbók þar sem m.a. koma fram  námsmarkmið, hvaða kröfur nemar þurfa að uppfylla, upplýsingar um námsmat, gerð svæfingaáætlana, skráningu færnikorta og verknámsskráa.

Gerð er krafa um 100% ástundun í klínískri starfsþjálfun. Markmið starfsþjálfunar í svæfingahjúkrun er að þjálfa nemendur í að samþætta klíníska- og fræðilega þekkingu, veita þjálfun í klínískum vinnubrögðum og vinnuferlum og kynna sem flest svið svæfingahjúkunar.

Kennslumisseri: Kennsla mun fara fram samfara námi en skráning í námsskeiðið verður aðeins á síðasta misseri.

Endurlífgun og svæfingar bráðveikra sjúklinga (HJÚ438F)

Námskeiðinu er ætlað að veita þekkingu og færni í svæfingahjúkrun sjúklinga með lífshótandi vandamál og endurlífgun fullorðinna og barna.

Námskeiðið felur í sér fyrirlestra, verkþjálfun, tilfellaþjálfun og herminám.

Námskeiðið byggir mjög á þekkingu sem nemandinn hefur öðlast í námskeiðunum Svæfingahjúkrun 1 og 2, Lyfjafræði svæfinga, Eðlis- og efnafræði svæfinga og Hjúkrun bráðveikra sem og í verknámi.

Meðal efnisþátta námskeiðsins er sérhæfð endurlífgun barna og fullorðinna sniðin að þörfum svæfingahjúkrunarfræðinga. Kerfisbundin nálgun bráðveikra (ABCDE nálgun). Fjallað er um úrlestur hjartalínurita og taktgreiningu. Hraðatakta, hægatakta og endurlífgun við sérhæfðar aðstæður sem upp geta komið í svæfingum. Svæfingahjúkrun í þrýstiklefa (hyperbaric chamber). Svæfingahjúkrun sjúklinga með bráð lífsógnandi veikindi, m.a. vegna:  bruna, fjöláverka, heila- og taugaáfalla, aðgerða í brjóstholi, kviðarholi, bæklunaraðgerða, æðaaðgerða, HNE aðgerða, í fæðingum og augnaðgerðum. Farið verður í sérhæfða loftvegameðferð, meðhöndlun hins erfiða loftvegar og flæðirit um erfiða loftvegi, in-line stabilization og bráða innleiðslu. Þjálfuð verður notkun bakbretta og hálskraga og kennd verður frumskoðun á vettvangi.

Á námskeiðinu mun reyna á þekkingu í meðferð við katastrófublæðingar og meðferð vasoaktívra lyfja. Þá verður þjálfuð teymisvinna við bráðaaðstæður. Fjallað verður um neyðarástand á skurðstofu vegna bruna og bilana í rafkerfi og súrefniskerfi.  Lögð verður til grundvallar kerfisbundin nálgun við lausn vandamála. Þá verður fjallað um mannlega þáttinn við neyðaraðstæður (CRM).

Námskeiðið er unnið í samvinnu við Bráðaskólann sem leggur fram kennslubúnað og hluta kennsluefnis endurgjaldslaust.

Lokaverkefni í svæfingahjúkrun (HJÚ061L)

Í námskeiðinu gefst nemendum kostur á að samþætta sértæka þekkingu sína á sviði svæfingahjúkrunar sem endurspeglast í  greiningu, mati og rökstuðningi við úrlausn svæfingahjúkrunarfræðilegra viðfangsefna og til þekkingarsköpunar fyrir framþróun fagsins. Nemendur sem eru í meistaranámsleið geta nýtt vinnuna við lokaverkefnið fyrir meistararitgerðina.

Klínísk starfsþjálfun í svæfingahjúkrun IV (HJÚ448F)

Klínísk starfsþjálfun í svæfingahjúkrun fer fram samhliða fræðilegu námi í svæfingahjúkrun og veitir þjálfun í klíniskum vinnubrögðum og vinnuferlum í svæfingahjúkrun. Klínísk starfsþjálfun í svæfingahjúkrun er metin til 30 eininga og er 1700 klst. sem fer fram á svæfingadeildum Landspítala - háskólasjúkrahúss, í hermi (simulator) og í verklegum æfingum í vinnubúðum.

Í klínískri starfsþjálfun er notuð verknámsbók þar sem m.a. koma fram  námsmarkmið, hvaða kröfur nemar þurfa að uppfylla, upplýsingar um námsmat, gerð svæfingaáætlana, skráningu færnikorta og verknámsskráa.

Gerð er krafa um 100% ástundun í klínískri starfsþjálfun. Markmið starfsþjálfunar í svæfingahjúkrun er að þjálfa nemendur í að samþætta klíníska- og fræðilega þekkingu, veita þjálfun í klínískum vinnubrögðum og vinnuferlum og kynna sem flest svið svæfingahjúkunar.

Kennslumisseri: Kennsla mun fara fram samfara námi en skráning í námsskeiðið verður aðeins á síðasta misseri.

Svæfingahjúkrun IV (HJÚ443F)

Í námskeiðinu verður áhersla lögð á sérsvið svæfingahjúkrunar með hliðsjón af klínískum viðfangsefnum og innviðum fagsins útfrá hugmyndaramma alþjóðasamtaka svæfingahjúkrunarfræðinga (IFNA) og alþjóðlegu samstarfi.