Afhending Vísinda- og nýsköpunarverðlauna Háskóla Íslands

Vísinda- og nýsköpunarverðlaun Háskóla Íslands 2026 verða afhent mánudaginn 27. apríl kl. 12 í Hátíðasal Aðalbyggingar skólans.

Verðlaunin, sem hétu áður Hagnýtingarverðlaun Háskóla Íslands, eru nú veitt í 28. sinn en keppnin er samstarfsverkefni Háskóla Íslands, Árnason Faktor og Auðnu tæknitorgs.

Alls bárust um 20 tillögur í samkeppnina að þessu sinni og veitt verða verðlaun fyrir bestu hugmyndirnar í í fjórum flokkum: Heilsa og heilbrigði, Tækni og framfarir, Samfélag og Hvatningarverðlaun auk þess sem sigurvegari keppninnar verður valinn úr hópi verðlaunahafa úr ofangreindum flokkum.

Viðburðurinn er öllum opinn.

Boðið verður upp á veitingar að athöfn lokinni.

Viðburðurinn er hluti af nýsköpunarvikunni Iceland Innovation Week 2026.