• Hefur þú áhuga á að leiðsegja ferðafólki?
• Langar þig í nám sem getur nýst þér upp í háskólagráðu í ferðamálafræði?
• Viltu stunda nám með sveigjanlegu námsfyrirkomulagi?
• Vilt þú efla leiðsagnarhæfni þína?

Leiðsögunám - áfangastaðurinn Ísland er hannað með það í huga að veita nemendum ítarlega og faglega þjálfun í leiðsögn um Ísland. Námið hentar öllum þeim sem vilja búa sig undir starf leiðsögumanns á Íslandi. Námið er metið til 30 ECTS eininga sem er hægt að nýta upp í BS nám í ferðamálafræði hjá HÍ. 

Endurmenntun HÍ sér alfarið um framkvæmd námsins og eingöngu er tekið við umsóknum í námið á vef Endurmenntunar. 

Kostnaður 

Nemendur í leiðsögunámi við Endurmenntun greiða ekki skráningargjald við Háskóla Íslands heldur námsgjöld til Endurmenntunar HÍ. Námsgjöld nemenda við Endurmenntun HÍ standa straum af öllum kostnaði við námið.

• Upplýsingar um styrki stéttarfélaga til náms á vef Endurmenntunar.

Inntökuskilyrði námsleiðar

Íslenskt stúdentspróf eða sambærilegt próf.

Umsækjendur um grunnnám þurfa að sýna fram á færni í íslensku sem er að lágmarki á stigi B2 skv. evrópska tungumálarammanum.
Hægt er að sýna fram á færni í íslensku með íslensku stúdentsprófi eða stöðumati í íslensku sem framkvæmt er af viðurkenndum prófunaraðila.

Ljúka þarf 30 einingum. Skipulagt sem eins árs nám. Ljúka þarf öllum námskeiðum (sjá lista), þ.m.t. námsferð innanlands.

Haustmisseri

• Leiðsögumaðurinn
• Íslenskt nútímasamfélag
• Íslandssaga
• Íslensk menning

Vormisseri

• Náttúra Íslands
• Ferðaþjónusta og umhverfi
• Áfangastaðurinn Ísland
• Verklegt nám

Námið er kennt hjá Endurmenntun Háskóla Íslands.