Fjórir opnir fundir um PISA
PISA í hnotskurn – Staða íslenskra nemenda í alþjóðlegum samanburði er heiti á fundaröð sem hefur göngu sína þann 9. febrúar og lýkur 2. mars næstkomandi. Haldnir verða alls fjórir fundir á vegum Menntavísindasviðs Háskóla Íslands og Menntamálastofnunar þar sem markmiðið er að kafa dýpra í niðurstöður PISA-rannsóknarinnar 2015. Fundirnir verða haldnir á fimmtudögum kl. 15.00-16.30 í stofu H205 í húsakynnum Menntavísindasviðs við Stakkahlíð.
Dagskráin er sem hér segir:
9. febrúar
Greining á stöðu lesskilnings
Sigríður Ólafsdóttir, nýdoktor, Baldur Sigurðsson, dósent, og Steinunn Torfadóttir, lektor við Menntavísindasvið Háskóla Íslands
16. febrúar
Greining á stöðu læsis á stærðfræði
Freyja Hreinsdóttir, dósent við Menntavísindasvið Háskóla Íslands
23. febrúar
Greining á stöðu læsis á náttúruvísindi
Auður Pálsdóttir, lektor við Menntavísindasvið Háskóla Íslands
BREYTT DAGSETNING: 16. mars
Einkenni skóla og nemenda
Anna Kristín Sigurðardóttir, dósent við Menntavísindasvið Háskóla Íslands
Almar M. Halldórsson og Ragnar F. Ólafsson, sérfræðingar frá Menntamálastofnun, munu greina frá niðurstöðum PISA-rannsóknarinnar 2015 á hverjum fundi.
Allir velkomnir meðan húsrúm leyfir.
Um PISA
Menntamálastofnun sá um framkvæmd PISA-rannsóknarinnar sem lögð var fyrir alla nemendur í 10. bekk vorið 2015. Samstarf hefur verið milli Menntavísindasviðs og Menntamálastofnunar um greiningu gagnanna og túlkun niðurstaðanna.
PISA-rannsóknin er lögð fyrir í 72 löndum um heim allan. Könnuð er frammistaða nemenda í stærðfræðilæsi, lesskilningi og náttúrulæsi. Könnunin er framkvæmd á þriggja ára fresti og gefur vísbendingar um breytingar á frammistöðu nemenda yfir tíma ásamt því að meta stöðu þeirra við lok skyldunáms.
