24. febrúar 2016
Með ágætiseinkunn frá Hagfræðideild
Brautskráning Háskóla Íslands fór fram laugardaginn 20. febrúar síðastliðinn við hátíðlega athöfn í Háskólabíó.
Alls brautskráðust 5 kandídatar frá Hagfræðideild. Einn kandídat brautskráðist frá með ágætiseinkunn, Björn Blöndal heimilislæknir.
Björn brautskráðist með MS-gráðu í heilsuhagfræði með einkunnina 9,11. Lokaverkefni hans ber heitið „Tilvísanakerfi í heilbrigðisþjónustu - Kostnaður, skilvirkni og tengsl við fjölda heimilislækna".
Leiðbeinandi hans var Tinna Laufey Ásgeirsdóttir prófessor. Kennarar og starfsfólk Hagfræðideildar óskar öllum kandídötum til hamingju með áfangann og sérstakar óskir fær Björn fyrir frábæran árangur.