Málþing til minningar um Magnús Má Kristjánsson

Lífefnafræðistofa býður til málþings til minningar um Magnús Má Kristjánsson, prófessor. Magnús hafði djúpstæð áhrif á kynslóðir lífefnafræðinema og gegndi lykilhlutverki í mótun og þróun námsleiðar í lífefnafræði, þar sem hann sat í námsstjórn og vann ötullega að því að kynna námið og efla það.

Magnús lést fyrir aldur fram síðastliðið sumar.

Á málþinginu munu samstarfsfólk, fyrrverandi nemendur og vinir Magnúsar deila minningum og rifja upp störf hans.

Fundarstjóri er Jens G. Hjörleifsson, lektor í lífefnafræði og stofustjóri lífefnafræðistofu Raunvísindastofnunar Háskólans.

Dagskrá

14:00 Setning málþings
Sigurður M. Garðarsson, forseti Verkfræði- og náttúruvísindasviðs HÍ.

14:05   Yfirlit um nám og feril Magnúsar
Jens Hjörleifur Guðmundsson, lektor og stofustjóri Lífefnafræðistofu Raunvísindastofnunar HÍ.

14:20   Minningar fyrrum kollega
Hörður Filippusson, prófessor emeritus í lífefnafræði, Raunvísindadeild HÍ.

14:40   Minningar fyrrum nemanda
Brynjar Örn Ellertsson, verkefnastjóri hjá Alvotech.

15:00   Rannsóknir og vísindaleg viðfangsefni
Kristinn Ragnar Óskarsson aðjúnkt í lífefna- og sameindalíffræði HÍ og Sveinn Bjarnason nýdoktor við Líf-og umhverfisvísindadeild HÍ.

15:20   Kveðjur handan hafsins.

15:30   Stofnun minningarsjóðs
Manuela Magnúsdóttir, VP of products hjá PLAIO og dóttir Magnúsar, kynnir stofnun hvatningarsjóðs í minningu Magnúsar.

15:50   Móttaka á jarðhæð Öskju