Málstofa um Miðausturlönd

Af tilefni úgáfu íslenskrar þýðingar á bók breska rithöfundarins Rogers Crowley, 1453, munu fræðimenn við Háskóla Íslands og þýðandi bókarinnar flytja erindi um sögu og þróun Miðausturlanda á öldunum fyrir og eftir fall höfuðborgar Austrómverska keisaradæmisins, Konstantínópels, 29. maí 1453.

Málstofan verður haldin í Eddu, húsi íslenskunnar, fimmtudaginn 18. september 16:00–18:00. Verið öll velkomin.

Dagskrá:

• Bjarni Harðarson, útgefandi bókarinnar, flytur stutt inngangsorð.
• Þórir Jónsson Hraundal, lektor í Miðausturlandafræðum við H.Í. Í blíðu og stríðu: Íslam og Austrómverska ríkið í gegnum aldirnar.
• Sverrir Jakobsson, prófessor í miðaldasögu við H.Í.
  Heimsveldi í kreppu. Austrómverska ríkið á 14. og 15. öld.
• Pétur Pétursson, prófessor emerítus við H.Í. Trúardeilur rómversk-kaþólsku og rétttrúnaðarkirkjunnar og áhrif þeirra
  á varnir borgarinnar. 
• Júlíus Sólnes, prófessor emerítus við H.Í. og þýðandi bókarinnar. Kynning á bókinni 1453 og umfjöllun um „núverandi ógnvald Evrópu“ á næstu öldum eftir fall borgarinnar. 

Að loknu hverju erindi gefst tækifæri  fyrir spurningar úr sal.

Málstofugestum gefst kostur á að kaupa eintak af bókinni á hagstæðu afsláttarverði að málstofu lokinni.