Afmælishátíð meistaranáms í íslenskum og norrænum miðaldafræðum við HÍ

Alþjóðlegt meistaranám í íslenskum og norrænum miðaldafræðum við Háskóla Íslands 2005–2025

Afmælishátíð föstudaginn 12. desember 2025 kl. 13.00–14.30. Fyrirlestrasal Eddu — húss íslenskunnar (E103)

Um þessar mundir eru liðin tuttugu ár síðan alþjóðlegu meistaranámi í íslenskum miðaldafræðum — Medieval Icelandic Studies — var hleypt af stokkunum í Háskóla Íslands í samstarfi við Stofnun Árna Magnússonar. Þetta alþjóðlega nám hefur laðað að sér öfluga nemendur hvaðanæva úr heiminum og þannig borið ríkulegan ávöxt. Þessum áfanga verður fagnað með stuttu málþingi í Eddu — húsi íslenskunnar föstudaginn 12. desember kl. 13.00–14.30.

Dagskrá

• Logi Einarsson, menningar-, nýsköpunar- og háskólaráðherra: ávarp
• Silja Bára R. Ómarsdóttir, rektor Háskóla Íslands: ávarp
• Guðrún Nordal, forstöðumaður Stofnunar Árna Magnússonar í íslenskum fræðum: Saman og í takt: um fyrstu skrefin
• Torfi H. Tulinius, prófessor í íslenskum miðaldafræðum við Háskóla Íslands: Námsbrautin blómstrar í norrænu samstarfi
• Sjónarhorn nemenda
• Beeke Stegmann, rannsóknadósent við Stofnun Árna Magnússonar í íslenskum fræðum
• Ryder Patzuk-Russell, Centre for Nordic and Old English Studies við Silesia-háskóla í Katowice
• Melissa Mayus, lektor í ensku í Jannen School of Arts and Sciences við Trine University í Indiana
• Timothy Bourns, lektor í norrænum fræðum í deild skandinavískra fræða við University of Washington í Seattle

Fundarstjóri Haraldur Bernharðsson, prófessor í íslenskum miðaldafræðum við Háskóla Íslands

Að dagskrá lokinni verða bornar fram kaffiveitingar.

Málþingið er öllum opið.