Smiðja: InnRitun (RIT701F)

Þetta er inngangsnámskeið í ritlist sem ætlast er til að allir nýnemar sitji á fyrsta misseri námsins. Rætt verður um möguleika skáldskaparins almennt og sértækt, ritunarferlið og úrvinnslu. Fjallað verður um byggingu frásagna, málfar, prófarkalestur, umbrot, höfundarrétt og tjáningarfrelsi. Þá fá nemendur grunnþjálfun í ritstjórn og hópvinnu. Höfundar koma í heimsókn sem og fulltrúar frá hagsmuna- og þjónustustofnunum rithöfunda. Þátttakendur skila frumsömdum textum vikulega. Ætlast er til þess að þátttakendur mæti í alla tíma og taki virkan þátt. Námskeiðið er skyldunámskeið.

Smiðja: Sagnagleði síungra (RIT823F)

Smiðjan er leikvöllur þar sem þátttakendur fá þjálfun í að skrifa fyrir marglaga lesendahóp. Farið verður í könnunarleiðangur um hugarheima barna- og ungmennabókmennta, kíkt á strauma og stefnur og litið á samspil texta og mynda, auk þess sem tæknileg útfærsluatriði verða skoðuð með hliðsjón af skrifum af þessu tagi. Hugvekjandi ritæfingar verða gerðar á leiðinni, rýnt í textabrot úr barna- og ungmennabókum og lesnar fræðigreinar. Vinnulag þekktra barna- og ungmennabókahöfunda verður einnig skoðað. Samhliða vinna þátttakendur að eigin sögu. Ætlast er til að nemendur haldi lestrardagbók, mæti vel undirbúnir í tíma, taki virkan þátt í umræðum og veiti uppbyggilega endurgjöf á texta annarra. Eingöngu ætlað meistaranemum í ritlist.

Fjöldi nemenda takmarkast við 15. Nemendur sem ekki hafa þegar lokið 60 einingum í smiðjum hafa forgang við skráningu í námskeiðið. Við skráningu nemenda sem hafa lokið fleiri en 60 einingum í smiðjum er horft til fjölda eininga. Nemendur sem hafa lokið færri einingum hafa forgang.

Smiðja: Fóður úr fortíð/Uppspretta sögunnar (RIT720F)

Í námskeiðinu fá nemendur þjálfun í að nota hvers kyns sögulegar heimildir sem innblástur og efni í skáldleg skrif. Farið verður yfir ólíkar skilgreiningar á sögulegu skáldsögunni, og rætt um ýmsar leiðir sem fara má til að snúa upp á þessa bókmenntategund. Fjallað verður um stöðu skáldskaparins gagnvart sögulegum staðreyndum, svo og mörk skáldskapar og sagnfræði, tengsl sögulegrar nákvæmni og trúverðugleika frásagnar, og hvað það er sem gerir fortíðina að spennandi fóðri fyrir skáldskap. Nemendur fá kynningu á helstu heimildaflokkum sögulegs efnis, s.s. persónulegum og opinberum heimildum, ljósmyndum og munum. Megináhersla námskeiðsins verður þó á þjálfun í vinnubrögðum með heimildir, byggingu sögusviðs, meðferð sögulegra atburða, karaktersköpun sögulegra persóna og málsnið ólíkra tímabila. Meðal verkefna er greining bókmenntatexta og spunaverkefni út frá gömlum ljósmyndum og öðru sögulegu myndefni, en meginverkefni námskeiðsins er söguleg smásaga sem nemendur kynna og vinna undir handleiðslu jafnt og þétt þar til lokaafurðin lítur dagsins ljós í lok námskeiðs.

Fjöldi nemenda takmarkast við 15. Nemendur sem ekki hafa þegar lokið 60 einingum í smiðjum hafa forgang við skráningu í námskeiðið. Við skráningu nemenda sem hafa lokið fleiri en 60 einingum í smiðjum er horft til fjölda eininga. Nemendur sem hafa lokið færri einingum hafa forgang.

Smiðja: Lestu hestur (RIT505F)

Námskeiðið snýst um skapandi lestur og er byggt upp líkt og leshringur. Lesin verða 6-8 valin verk og skoðað hvernig höfundurinn vinnur hverju sinni. Er hann upptekinn af stílbrögðum, tungumálinu eða framvindu? Hvernig eru persónulýsingar? Hvað drífur verkið og hvernig er það sett saman? Leitast verður við að hafa völdu verkin fjölbreytt: t.d. skáldsögur, sannsögur, sagnasveiga og greinabókmenntir eins og staðleysur og hrylling. Á meðan lestri stendur veltum við fyrir okkur ólíkum eiginleikum mismunandi formgerða, hvers þær krefjast og hvað hentar þeim síður.

Nemendur skila verklegum æfingum sem ræddar verða í tímum. Ætlast er til þess að þátttakendur mæti í alla tíma og taki virkan þátt. Smiðjan er eingöngu ætluð meistaranemum í ritlist.

Smiðja: Óhefðbundin bygging (RIT604F)

Ef til er hefðbundin bygging hlýtur líka að vera til óhefðbundin bygging. En hvenær er bygging hefðbundin og hvenær ekki og skiptir það einhverju máli? Á námskeiðinu verða tekin til skoðunar verk sem teljast óhefðbundin í forminu og athugað hvernig þau hanga saman og virka. Leitað verður fanga í bókmenntum og kvikmyndum. Um leið verður gerð tilraun til að svara spurningunni: Hvað er saga?

Nemendur skila verklegum æfingum sem ræddar verða í tímum. Ætlast er til þess að þátttakendur mæti í alla tíma og taki virkan þátt. Smiðjan er einvörðungu ætluð meistaranemum í ritlist.

Smiðja: Innlifunarskrif (RIT605F)

Innlifunarskrif er þýðing á enska hugtakinu „immersion writing“ en það er aðferð sem gjarnan er beitt í sannsagnaskrifum. Þá skrifar höfundurinn útfrá eigin reynslu og er þátttakandi (frekar en áhorfandi) í því sem hann er að fjalla um. Höfundurinn fer gjarnan á stúfana og sækir efnið með t.d. rannsóknum, tilraunum, athugunum eða einhverskonar upplifun. Segja má að hann reyni söguefnið á eigin skinni í stað þess að sitja alfarið við skrifborðið. Í námskeiðinu verða lesnir textar og bækur þar sem stuðst er við þessa aðferð og nemendur skila reglulega verklegum æfingum í innlifunarskrifum.

Ætlast er til þess að þátttakendur mæti í alla tíma og taki virkan þátt. Smiðjan er einvörðungu ætluð meistaranemum í ritlist.

Smiðja: Ástarsögur (RIT603F)

Ástarsögur hafa löngum notið vinsælda og gera enn. Í þessari smiðju skoðum við formið, reynum að fá góða tilfinningu fyrir hinum ýmsu birtingarmyndum þess og spreytum okkur á að skrifa inn í það. Kannski náum við eitthvað að snúa upp á það eða setja nýjan vinkil á það. Meðfram skrifunum lesum við ástarsögur og um ástarsögur.

Ritsmíðar þátttakenda verða ræddar í tímum en við fáum einnig góða gesti. Mælst er til þess að þátttakendur mæti í alla tíma og taki virkan þátt.

Smiðjan er einvörðungu ætluð meistaranemum í ritlist.

Smiðja: MyndMál (RIT804F)

Á þessu námskeiði er efnt til samstarfs milli myndlistar- og hönnunarnema við Listaháskóla Íslands og ritlistarnema við Háskóla Íslands. Nemendur vinna að gerð texta og mynda af hvaða tagi og toga sem er og snertifletir mynd- og ritmáls kannaðir. Í hverjum tíma verður boðið upp á æfingar sem hreyfa við hugsun og geta nýst sem kveikjur að skrifum og gerð verka, en þar getur verið um að ræða skáldsögu, smá- eða örsögu, textamyndir, gjörning, kvikmyndahandrit, æviminningar, ljóð. Nemendur þurfa að vera tilbúnir að deila verkum sínum með hinum, vinna samvinnuverkefni á milli listgreina og vera virkir í þeim umræðum sem skapast. Námskeiðið er kennt í myndlistardeild LHÍ. Mælst er til að nemendur mæti í alla tíma og taki virkan þátt. Einungis ætlað meistaranemum í ritlist við HÍ og myndlistar- og hönnunarnemum við LHÍ. Tekið verður við tíu nemendum frá hvorum skóla; fyrstir skrá, fyrstir fá.

Fjöldi nemenda takmarkast við 10. Nemendur sem ekki hafa þegar lokið 60 einingum í smiðjum hafa forgang við skráningu í námskeiðið. Við skráningu nemenda sem hafa lokið fleiri en 60 einingum í smiðjum er horft til fjölda eininga. Nemendur sem hafa lokið færri einingum hafa forgang.

Smiðja: Birtingur (RIT805F)

Á þessu námskeiði munu nemar í hagnýtri ritstjórn og útgáfu vinna með ritlistarnemum að því að búa frumsamið efni til útgáfu. Farið verður í gegnum útgáfuferlið, jafnt fyrir prentuð rit sem rafbækur; ritstjórn, prófarkalestur, umbrot og annað sem tilheyrir. Miðað er við að afrakstur námskeiðsins verði rit sem er tilbúið til prentunar.

Námskeiðið er ætlað 2. árs nemum í ritlist.

Fjöldi nemenda takmarkast við 15. Nemendur sem ekki hafa þegar lokið 60 einingum í smiðjum hafa forgang við skráningu í námskeiðið. Við skráningu nemenda sem hafa lokið fleiri en 60 einingum í smiðjum er horft til fjölda eininga. Nemendur sem hafa lokið færri einingum hafa forgang.

Meistaraverkefni í ritlist (RIT441L)

MA-verkefni er frumsamin ritsmíð af listrænum toga, unnin á námstímanum. Hún getur t.d. verið safn sagna eða annarra lausamálstexta, ljóðasafn, ritgerðasafn, leikrit, kvikmyndahandrit, þýðing eða skáldsaga. Verkinu skal fylgja greinargerð um vinnslu þess. Meistaraverkefninu má skipta upp, t.d. þannig að 10 einingar séu teknar á haustmisseri og 20 á vormisseri. Einnig má skrifa í fleiri en einu bókmenntaformi en þó er ekki æskilegt að hafa fleiri en tvö form undir í verkefninu.

Smiðja: Sagnagleði síungra (RIT823F)

Smiðjan er leikvöllur þar sem þátttakendur fá þjálfun í að skrifa fyrir marglaga lesendahóp. Farið verður í könnunarleiðangur um hugarheima barna- og ungmennabókmennta, kíkt á strauma og stefnur og litið á samspil texta og mynda, auk þess sem tæknileg útfærsluatriði verða skoðuð með hliðsjón af skrifum af þessu tagi. Hugvekjandi ritæfingar verða gerðar á leiðinni, rýnt í textabrot úr barna- og ungmennabókum og lesnar fræðigreinar. Vinnulag þekktra barna- og ungmennabókahöfunda verður einnig skoðað. Samhliða vinna þátttakendur að eigin sögu. Ætlast er til að nemendur haldi lestrardagbók, mæti vel undirbúnir í tíma, taki virkan þátt í umræðum og veiti uppbyggilega endurgjöf á texta annarra. Eingöngu ætlað meistaranemum í ritlist.

Fjöldi nemenda takmarkast við 15. Nemendur sem ekki hafa þegar lokið 60 einingum í smiðjum hafa forgang við skráningu í námskeiðið. Við skráningu nemenda sem hafa lokið fleiri en 60 einingum í smiðjum er horft til fjölda eininga. Nemendur sem hafa lokið færri einingum hafa forgang.

Smiðja: Fóður úr fortíð/Uppspretta sögunnar (RIT720F)

Í námskeiðinu fá nemendur þjálfun í að nota hvers kyns sögulegar heimildir sem innblástur og efni í skáldleg skrif. Farið verður yfir ólíkar skilgreiningar á sögulegu skáldsögunni, og rætt um ýmsar leiðir sem fara má til að snúa upp á þessa bókmenntategund. Fjallað verður um stöðu skáldskaparins gagnvart sögulegum staðreyndum, svo og mörk skáldskapar og sagnfræði, tengsl sögulegrar nákvæmni og trúverðugleika frásagnar, og hvað það er sem gerir fortíðina að spennandi fóðri fyrir skáldskap. Nemendur fá kynningu á helstu heimildaflokkum sögulegs efnis, s.s. persónulegum og opinberum heimildum, ljósmyndum og munum. Megináhersla námskeiðsins verður þó á þjálfun í vinnubrögðum með heimildir, byggingu sögusviðs, meðferð sögulegra atburða, karaktersköpun sögulegra persóna og málsnið ólíkra tímabila. Meðal verkefna er greining bókmenntatexta og spunaverkefni út frá gömlum ljósmyndum og öðru sögulegu myndefni, en meginverkefni námskeiðsins er söguleg smásaga sem nemendur kynna og vinna undir handleiðslu jafnt og þétt þar til lokaafurðin lítur dagsins ljós í lok námskeiðs.

Fjöldi nemenda takmarkast við 15. Nemendur sem ekki hafa þegar lokið 60 einingum í smiðjum hafa forgang við skráningu í námskeiðið. Við skráningu nemenda sem hafa lokið fleiri en 60 einingum í smiðjum er horft til fjölda eininga. Nemendur sem hafa lokið færri einingum hafa forgang.

Smiðja: Lestu hestur (RIT505F)

Námskeiðið snýst um skapandi lestur og er byggt upp líkt og leshringur. Lesin verða 6-8 valin verk og skoðað hvernig höfundurinn vinnur hverju sinni. Er hann upptekinn af stílbrögðum, tungumálinu eða framvindu? Hvernig eru persónulýsingar? Hvað drífur verkið og hvernig er það sett saman? Leitast verður við að hafa völdu verkin fjölbreytt: t.d. skáldsögur, sannsögur, sagnasveiga og greinabókmenntir eins og staðleysur og hrylling. Á meðan lestri stendur veltum við fyrir okkur ólíkum eiginleikum mismunandi formgerða, hvers þær krefjast og hvað hentar þeim síður.

Nemendur skila verklegum æfingum sem ræddar verða í tímum. Ætlast er til þess að þátttakendur mæti í alla tíma og taki virkan þátt. Smiðjan er eingöngu ætluð meistaranemum í ritlist.

Meistaraverkefni í ritlist (RIT441L)

MA-verkefni er frumsamin ritsmíð af listrænum toga, unnin á námstímanum. Hún getur t.d. verið safn sagna eða annarra lausamálstexta, ljóðasafn, ritgerðasafn, leikrit, kvikmyndahandrit, þýðing eða skáldsaga. Verkinu skal fylgja greinargerð um vinnslu þess. Meistaraverkefninu má skipta upp, t.d. þannig að 10 einingar séu teknar á haustmisseri og 20 á vormisseri. Einnig má skrifa í fleiri en einu bókmenntaformi en þó er ekki æskilegt að hafa fleiri en tvö form undir í verkefninu.

Smiðja: Óhefðbundin bygging (RIT604F)

Ef til er hefðbundin bygging hlýtur líka að vera til óhefðbundin bygging. En hvenær er bygging hefðbundin og hvenær ekki og skiptir það einhverju máli? Á námskeiðinu verða tekin til skoðunar verk sem teljast óhefðbundin í forminu og athugað hvernig þau hanga saman og virka. Leitað verður fanga í bókmenntum og kvikmyndum. Um leið verður gerð tilraun til að svara spurningunni: Hvað er saga?

Nemendur skila verklegum æfingum sem ræddar verða í tímum. Ætlast er til þess að þátttakendur mæti í alla tíma og taki virkan þátt. Smiðjan er einvörðungu ætluð meistaranemum í ritlist.

Smiðja: Innlifunarskrif (RIT605F)

Innlifunarskrif er þýðing á enska hugtakinu „immersion writing“ en það er aðferð sem gjarnan er beitt í sannsagnaskrifum. Þá skrifar höfundurinn útfrá eigin reynslu og er þátttakandi (frekar en áhorfandi) í því sem hann er að fjalla um. Höfundurinn fer gjarnan á stúfana og sækir efnið með t.d. rannsóknum, tilraunum, athugunum eða einhverskonar upplifun. Segja má að hann reyni söguefnið á eigin skinni í stað þess að sitja alfarið við skrifborðið. Í námskeiðinu verða lesnir textar og bækur þar sem stuðst er við þessa aðferð og nemendur skila reglulega verklegum æfingum í innlifunarskrifum.

Ætlast er til þess að þátttakendur mæti í alla tíma og taki virkan þátt. Smiðjan er einvörðungu ætluð meistaranemum í ritlist.

Smiðja: Ástarsögur (RIT603F)

Ástarsögur hafa löngum notið vinsælda og gera enn. Í þessari smiðju skoðum við formið, reynum að fá góða tilfinningu fyrir hinum ýmsu birtingarmyndum þess og spreytum okkur á að skrifa inn í það. Kannski náum við eitthvað að snúa upp á það eða setja nýjan vinkil á það. Meðfram skrifunum lesum við ástarsögur og um ástarsögur.

Ritsmíðar þátttakenda verða ræddar í tímum en við fáum einnig góða gesti. Mælst er til þess að þátttakendur mæti í alla tíma og taki virkan þátt.

Smiðjan er einvörðungu ætluð meistaranemum í ritlist.

Smiðja: MyndMál (RIT804F)

Á þessu námskeiði er efnt til samstarfs milli myndlistar- og hönnunarnema við Listaháskóla Íslands og ritlistarnema við Háskóla Íslands. Nemendur vinna að gerð texta og mynda af hvaða tagi og toga sem er og snertifletir mynd- og ritmáls kannaðir. Í hverjum tíma verður boðið upp á æfingar sem hreyfa við hugsun og geta nýst sem kveikjur að skrifum og gerð verka, en þar getur verið um að ræða skáldsögu, smá- eða örsögu, textamyndir, gjörning, kvikmyndahandrit, æviminningar, ljóð. Nemendur þurfa að vera tilbúnir að deila verkum sínum með hinum, vinna samvinnuverkefni á milli listgreina og vera virkir í þeim umræðum sem skapast. Námskeiðið er kennt í myndlistardeild LHÍ. Mælst er til að nemendur mæti í alla tíma og taki virkan þátt. Einungis ætlað meistaranemum í ritlist við HÍ og myndlistar- og hönnunarnemum við LHÍ. Tekið verður við tíu nemendum frá hvorum skóla; fyrstir skrá, fyrstir fá.

Fjöldi nemenda takmarkast við 10. Nemendur sem ekki hafa þegar lokið 60 einingum í smiðjum hafa forgang við skráningu í námskeiðið. Við skráningu nemenda sem hafa lokið fleiri en 60 einingum í smiðjum er horft til fjölda eininga. Nemendur sem hafa lokið færri einingum hafa forgang.

Smiðja: Birtingur (RIT805F)

Á þessu námskeiði munu nemar í hagnýtri ritstjórn og útgáfu vinna með ritlistarnemum að því að búa frumsamið efni til útgáfu. Farið verður í gegnum útgáfuferlið, jafnt fyrir prentuð rit sem rafbækur; ritstjórn, prófarkalestur, umbrot og annað sem tilheyrir. Miðað er við að afrakstur námskeiðsins verði rit sem er tilbúið til prentunar.

Námskeiðið er ætlað 2. árs nemum í ritlist.

Fjöldi nemenda takmarkast við 15. Nemendur sem ekki hafa þegar lokið 60 einingum í smiðjum hafa forgang við skráningu í námskeiðið. Við skráningu nemenda sem hafa lokið fleiri en 60 einingum í smiðjum er horft til fjölda eininga. Nemendur sem hafa lokið færri einingum hafa forgang.

Miðlun í hljóðvarpi og hlaðvarpi (HMM235F)

Námskeiðið er haldið í samstarfi við RÚV - Rás 1. Fjallað er um framsetningu efnis í útvarpi og hlaðvarpi. Könnuð eru ólík dæmi um dagskrárgerð. Hugað er að miðlunarmöguleikum hljóðefnis í fjölmiðlaumhverfi samtímans og gerð grein fyrir eðli ólíkra miðlunarleiða. Fjallað verður um hugmyndavinnu, viðtalstækni, upptökutækni, uppbyggingu og samsetningu hljóðvarps/hlaðvarpsefnis með áherslu á  sjálfbærni og sjálfstæð vinnubrögð. Nemendur vinna verkefni tengd útvarpsþáttagerð. 

Fréttamennska 1: Fréttamat, fréttaöflun og fréttaskrif (BLF110F)

Grundvallarnámskeið í blaðamennsku. Markmið þess er að nemendur öðlist skilning á störfum blaðamanna og færni í fréttaöflun og skrifum og framsetningu frétta fyrir  mismunandi miðla. Helstu hugtök og aðferðir við fréttaskrif eru kynnt; hvað er frétt, á hverju byggja fjölmiðlar fréttamat, hvernig er frétta aflað og hvernig þær eru uppbyggðar o.s.frv. Nemendur verða þjálfaðir í að skrifa markvissa fréttatexta og greinar á góðri íslensku og að nota orðbækur og önnur slík hjálpartæki. Jafnfram verður lögð áhersla á að kenna nemendum að nota samfélagsmiðla, bæði til þess að afla upplýsinga og miðla fréttum.

Námsmatið byggir alfarið á verkefnum sem unnin eru jafnt og þétt yfir önnina. Nemendur afla og skrifa fréttir sem birtar verða á fréttavef námsins og eftir atvikum í öðrum fjölmiðlum.  Helstu fjölmiðlar landsins verða heimsóttir og nemendum fara í stutta starfskynningu.

Miðlunarleiðir I, heimildamyndir, textagerð, myndanotkun (HMM122F)

Í námskeiðunum Miðlunarleiðir I og Miðlunarleiðir II eru kynnt grunnatriði aðferða við miðlun menningarefnis í hug- og félagsvísindum. Miðlunarleiðir I eru á haustönn en Miðlunarleiðir II eru á vorönn. 

Í Miðlunarleiðum I verður unnið með:

1. Texta og myndir í fyrri hluta annarinnar. Nemendur munu fá þjálfun við greinaskrif og orðræðugreiningu annars vegar og myndanotkun og myndgreiningu hins vegar.
2. Stuttmyndagerð í síðari hluta annarinnar. Þar vinna nemendur að gerð  stuttmynda. Í því felst grunnþjálfun í handritagerð, tökum og klippi og nemendur vinna í hópum að stuttmynd í samræmi við tiltekið þema. Hvor efnisþáttur um sig vegur 50% í námskeiðinu.

Engin próf eru í námskeiðinu. Þess í stað vinna nemendur verkefni, einstaklings- og hópverkefni. Þau eru eftirfarandi:

1. Greiningar á textum og myndum
2. Grein með mynd um tiltekið þema til opinberrar birtingar, um 800 orð.
3. Hópverkefni þar sem nemendur vinna að stuttmynd sem er sýnd við lok námskeiðsins. Áhersla er lögð á hópavinnu og hagnýt verkefni.

Námskeiðið er ekki kennt í fjarnámi.

Ritstjórn og fræðileg skrif (ÍSL101F)

Þjálfun í ýmsum þáttum er varða ritun fræðilegs efnis og ritstjórn. Ólíkar gerðir fræðilegra ritsmíða skoðaðar og metnar. Þjálfun í því að gera athugasemdir við skipulag og framsetningu á fræðilegum texta og í öðrum þáttum ritstjórnar. Áhersla lögð á ritun fræðilegra greina, en einnig hugað að samningu smærri verka (ráðstefnuútdrátta, ritdóma) og stærri (M.A.-ritgerða, doktorsritgerða, bóka). Fjallað um rannsóknaráætlanir, frágang handrita og ritstuld. Tekin dæmi af textum um ýmis efni, einkum málfræðileg,  bókmenntaleg og sagnfræðileg. Stuðst við bókina Skrifaðu bæði skýrt og rétt (Höskuldur Þráinsson 2015).

Námskeiðið er opið nemendum á mörgum námsleiðum í MA-námi á Hugvísindasviði skv. reglum viðkomandi greina. Nemendur á MA-stigi í íslenskum bókmenntum, íslenskri málfræði, íslenskum fræðum og íslenskukennslu geta fengið námskeiðið metið sem hluta af þeirri skyldu sem þeir þurfa að uppfylla í meistarastigsnámskeiðum í íslenskum bókmenntum eða íslenskri málfræði. Nemendur í MA-námi í íslenskukennslu geta þó ekki haft þetta námskeið sem eina málfræði- eða bókmenntanámskeiðið á MA-ferlinum.

Skapandi heimildamyndir (HMM220F)

Fjallað verður um helstu tegundir heimildamynda, aðferðir, þróun þeirra og tilgang.

Nemendur læra að skrifa handrit að stuttri heimildamynd og að hugsa allt ferli heimildamyndagerðar, frá grunnhugmynd að fullbúinni mynd, ástunda fagleg vinnubrögð og læra að skipuleggja tökur.

Nemendur ættu einnig að ná tökum á grunnatriðum í kvikmyndatöku og klippingu. Í því samhengi verður unnið eitt verkefni á síma til að ná tökum á tækniatriðum í klippi. Allir nemendur þurfa að skila að minnsta kosti einni fullbúinni stuttri heimildamynd, handriti og æfingaverkefni í klippi. Nemendur ræða nálgun og efnistök verkefna sinna við samnemendur og kennara.

Í námskeiðinu verða sýndar heimildamyndir, bæði brot úr þeim og í fullri lengd, þar sem rætt verður um hugmyndirnar bak við myndirnar, listrænar ákvarðanir, tilgang og siðfræði heimildamynda. Áhersla er lögð á sjálfstæð vinnubrögð.

Tökur fara fram í mars og þurfa að vera búnar fyrir 30. mars, en þá hitta nemendur kennara í klippiherberginu í Odda.

Ekki er ætlast til að nemendur kaupi neinar bækur fyrir þetta námskeið en nauðsynlegt er að þeir hafi sjálfir flakkara til að geyma efnið sitt á og SD kort í myndavélar fyrir eigin upptökur. Einnig er mælt með að nemendur séu með góð heyrnatól.

Námskeiðið er kennt í lotum. Nemendur vinna að heimildamynd alla önnina og í lok annar verður frumsýning í Bíó Paradís.

Námskeiðið er ekki kennt í fjarnámi.