Nemendur eiga kost á að sækja um Erasmus+ styrk til starfsþjálfunar eða rannsóknarvinnu hjá háskóla, fyrirtæki eða stofnun sem starfar á sviði sem tengist námi þeirra. Upphæð styrkja fer eftir áfangastað og lengd dvalar (athugið að upphæðirnar geta verið breytilegar eftir skólaárum). Ferðastyrkur: 275-820 evrurStyttri dvöl (5-30 dagar): 70 evrur á dag fyrstu 14 dagana, síðan 50 evrur á dagLengri dvöl (2-12 mánuðir): 640-690 evrur á mánuði Erasmus+ Menntaáætlun Evrópusambandsins, er ætlað að stuðla að auknu samstarfi meðal háskóla í Evrópu, styrkja Evrópu sem þekkingarsamfélag og styðja við mótun á samevrópsku, nútímavæddu háskólasamfélagi. Erasmus+ veitir nemendum evrópskra háskóla einstakt tækifæri til að öðlast alþjóðlega reynslu í námi sínu og skapa sér sérstöðu á vinnumarkaði. Að auki stuðlar áætlunin að jöfnum tækifærum til náms erlendis með sérstökum viðbótarstyrkjum til að mæta nemendum með sérþarfir. Show Skilyrði fyrir styrk Starfsþjálfunin verður að tengjast námi umsækjanda. Starfsþjálfunin þarf að vera metin sem hluti af námi við HÍ, ýmist í formi eininga eða verði skráð í skírteinisviðauka. Undantekning er gerð ef um er að ræða starfsþjálfun að lokinni brautskráningu. Almenn starfsþjálfunardvöl þarf að standa yfir í að lágmarki tvo mánuði og að hámarki í tólf mánuði. Einnig er möguleiki á styttri dvölum eða í 5-30 daga. Hægt að fara í starfsþjálfun að loknu námi en sækja þarf um áður en nemandi brautskráist frá Háskóla Íslands og skal starfsþjálfun vera lokið eigi síðar en tólf mánuðum eftir brautskráningu. Þeir sem fara í starfsþjálfun að lokinni brautskráningu eiga kost á að fá viðurkenningarskjal sem staðfestir starfsþjálfunina (Europass). Ekki þarf að vera samningur á milli Háskóla Íslands og gestastofnunar (fyrirtækis, háskóla eða stofnunar) en móttökustofnun þarf að vera í þátttökulandi Erasmus+. Show Hverjir geta sótt um styrk? Athugið að listinn er ekki tæmandi. Nemendur geta sótt um styrk til starfsþjálfunar hjá háskóla, fyrirtæki eða stofnun sem starfar á sviði sem tengist námi þeirra.Nemendur í rannsóknatengdu meistaranámi geta sótt um styrk til að vinna að lokaverkefni á rannsóknarstofu - Nánari upplýsingar.Doktorsnemar geta sótt um styrk til vinna að rannsókn sinni erlendis og einnig vegna þátttöku í ráðstefnum - Nánari upplýsingar.Nemendur í heilbrigðisvísindum geta sótt um styrk til klínískrar þjálfunar á sjúkrastofnun. Að auki geta nemendur sótt um Erasmus+ viðbótarstyrki. facebooklinkedintwitter
