SÆKJA UM GRUNNNÁM Umsóknarfrestur Tekið er við rafrænum umsóknum um grunnnám við Háskóla Íslands tvisvar á ári að vori og að hausti. Ef síðasta umsóknardag á umsóknartímabili ber upp á helgi er opið fyrir umsóknir til og með fyrsta virka dags eftir þann dag. Nám sem hefst á haustmisseri Móttaka umsókna hefst á Háskóladaginn sem er árlega í lok febrúar eða byrjun marsMóttöku umsókna lýkur 5. júníFylgigögnum þarf að skila í síðasta lagi 12. júní.Umsóknarfrestur fyrir erlenda umsækjendur, aðra en skiptinema, er til 1. febrúar ár hvert. Undantekning: Umsóknarfresti neðangreindra námsleiða lýkur 20. maí. Læknisfræði, sjúkraþjálfunarfræði og tannlæknisfræðiBA í íslensku sem öðru máliHagnýtt nám í íslensku sem öðru máliÍslenskustoð, grunndiplóma Athugið að erlendir umsækjendur sem eru búsettir á íslandi og hafa íslenska kennitölu geta sótt um ofangreindar þrjár námsleiðir í íslensku til 20. maí. Aðrir erlendir umsækjendur sem eru búsettir á Íslandi og hafa lokið stúdentsprófi eða sambærilegu prófi erlendis þurfa að sækja um nám fyrir 1. febrúar. Nám sem hefst á vormisseri Móttaka umsókna hefst 15. september Móttöku umsókna lýkur 30. nóvember Ekki er tekið inn í nám við öll fræðasvið á þessu tímabili. Aðeins takmarkaður hluti námsleiða er þá í boði. Viðkomandi námsleiðir koma fram á rafrænu umsóknareyðublaði og á yfirliti um námsleiðir í boði.Fylgigögnum þarf að skila í síðasta lagi 8. desember.Ekki eru veittar undanþágur frá formlegum inntökuskilyrðum þegar sótt er um nám sem hefst á vormisseri. Skil á umsókn Eingöngu er tekið við rafrænum umsóknum. Rafrænt umsóknareyðublað er aðgengilegt á umsóknartíma. Umsóknarferlið Mikilvægt er að kynna sér vel upplýsingar um umsóknarferlið hér fyrir neðan. Show Inntökuskilyrði Þú þarft að hafa lokið einhverju af eftirtöldum prófum: stúdentsprófiöðru lokaprófi á þriðja hæfniþrepi samkvæmt Aðalnámskrá framhaldsskólasambærilegu prófi frá erlendum skóla Undanþágur frá inntökuskilyrðum Hvert fræðasvið ákveður hvort deildir þess taki við umsóknum um undanþágur. Háskólaárið 2024-2025 verður tekið við umsóknum um undanþágur í sumum deildum en öðrum ekki. Nánari upplýsingar um undanþágur eru í Kennsluskrá. Ekki eru veittar undanþágur frá inntökuskilyrðum (stúdentsprófi eða sambærilegu prófi) þegar sótt er um nám sem hefst á vormisseri. Umsóknum um undanþágur skal skila rafrænt eins og öðrum umsóknum um grunnnám. Þeim skulu fylgja staðfest vottorð um nám og störf að loknu skyldunámi og önnur gögn sem umsækjandi telur að geti stutt umsóknina. Nánari upplýsingar um inntökuskilyrði Reglur um inntökuskilyrði í grunnnám nr. 331/2022Reglur um Háskóla Íslands nr. 569/2009, 47. gr. Show Fylgigögn með umsókninni Skila þarf staðfestu ljósriti/afriti úr framhaldsskóla (með bláum stimpli og undirritun) af öllu stúdentsprófsskírteininu, ekki seinna en: 12. júní fyrir nám sem hefst að hausti8. desember fyrir nám sem hefst að vori Óstaðfest eða skönnuð skírteini eru ekki tekin gild. Ef þú veitir Háskóla Íslands leyfi til að sækja rafrænt stúdentsprófsskírteini úr Innu þarftu ekki að skila staðfestu afriti. Sjá nánar um fylgigögn og stöðu umsóknar. Nánari upplýsingar veitir: Nemendaskrá HÍ Sími: 525-4309 Netfang: umsokn@hi.is Show Staða umsóknar og afgreiðsla Umsóknir eru afgreiddar eins fljótt og mögulegt er og ekki síðar en viku eftir umsóknarfrest. Hægt er að fylgjast með afgreiðslu umsóknar í Umsóknagáttinni, undir flipanum Yfirlit umsókna. Show Samþykkt umsókn Eftir að umsókn er samþykkt er hægt að greiða skrásetningargjaldið. Í Umsóknagáttinni er hægt að greiða gjaldið með greiðslukorti í einu lagi eða með kortaláni. Nánari upplýsingar um skrásetningargjald Show Skrásetningargjald Engin skólagjöld eru í Háskóla Íslands en nemendur greiða árlegt skrásetningargjald. Skrásetningargjaldið er greitt eftir að umsókn er samþykkt. Gjaldið er ekki endurkræft. Nánari upplýsingar um skrásetningargjald Show Notandanafn og lykilorð að Uglu Eftir að umsókn hefur verið samþykkt og þú hefur greitt skrásetningargjaldið getur þú fengið notandanafn og lykilorð að Uglu, innra vefkerfi Háskóla Íslands. Það gerir þú með því að skrá þig inn á Umsóknagáttina (Yfirlit umsókna) með rafrænni auðkenningu, island.is eða með netfanginu og lykilorðinu sem þú bjóst til við fyrstu skráningu. Nánari upplýsingar: Aðgangur að Uglu og tölvukerfi Tengt efni Námsleiðir í grunnnámi Umsóknir Svona velur þú nám Námsvalshjólið - Hvaða nám hentar mér? Aðalgreinar og aukagreinar í grunnnámi Gagnlegar upplýsingar fyrir nýnema facebooklinkedintwitter