Kaflar fræðikvenna þýddir á kínversku

Árið 2009 kom út greinasafnið The UN Convention on the Rights of Persons with Disabilities: European and Scandinavian Perspectives í ritstjórn Oddnýjar Mjallar Arnardóttir, prófessors við Háskóla Íslands, og Gerards Quinn, prófessors við National University of Ireland. Greinasafnið var fyrsta alþjóðlega fræðiritið um hinn nýja sáttmála Sameinuðu þjóðanna um réttindi fatlaðs fólks.   

Þau tíðindi gerðust nýverið að tveir kaflar úr þessu greinasafni voru þýddir á kínversku og gefnir út á bók með völdum fræðigreinum um sáttmálann.  Höfundar hinna þýddu kafla eru tvær fræðikonur á félagsvísindasviði, Rannveig Traustadóttir og Oddný Mjöll Arnardóttir. 

Kafli Rannveigar nefnist á ensku „Disability Studies, the Social Model and Legal Developments“, en kafli Oddnýjar nefnist „A Future of Multidimensional Disadvantage Equality?“