Inntökupróf í íslensku fyrir grunnnám

 

• Í prófinu er færni þátttakenda í íslensku metin á stigi B2 samkvæmt Evrópska tungumálarammanum (CEFR).
• Prófað er í fjórum þáttum: lesskilningi, hlustun, ritun og munnlegri færni.
• Prófin eru staðpróf og fara fram í byggingum Háskóla Íslands. Gott aðgengi er að prófstöðum.
• Umsækjendur sem geta ekki tekið prófið í Háskóla Íslands verða að taka það á viðurkenndum prófstöðum á Íslandi. Hér má finna lista yfir viðurkennda prófstaði. Umsækjendur verða sjálfir að hafa samband við viðurkenndan prófstað og skrá sig í próf þar. Nánari upplýsingar má finna hér undir fjarpróf.
• Nemendaskrá skráir umsækjendur með samþykkta umsókn í grunnnám í prófin og þeir fá sendar upplýsingar frá Háskóla Íslands um prófstað og -tíma.
• Próftökugjald er 35.000 kr.
• Prófin fara fram í Háskóla Íslands 15.-16. júní, eftir að umsóknarfresti í grunnnám lýkur.
• Prófin taka tvo daga. Próf í lesskilningi, hlustun og ritun eru haldin fyrri daginn og taka u.þ.b. 4 klst. Munnleg próf eru haldin seinni daginn. Þau taka u.þ.b. 30 mínútur og þátttakendum er úthlutað tíma. Mjög mikilvægt er að mæta á réttum tíma í prófin. Mögulegt er að munnlega prófinu verði dreift á fleiri daga í júní ef þátttaka er mikil.
• Þátttakendur þreyta próf í lesskilningi, hlustun og ritun í rafræna prófakerfinu Inspera.
• Háskóli Íslands útvegar þátttakendum tölvur og heyrnartól til að taka prófin. Próftakar fá rissblöð og penna. Engin önnur hjálpargögn eru leyfð í prófunum.
• Umsækjandi þarf að mæta í prófið með gild skilríki (vegabréf eða ökuskírteini).

 
Próf í lesskilningi, hlustun og ritun eru haldin fyrri prófdag í einni fjögurra tíma lotu.  

• Prófverkefnin eru afhent á staðnum.  
• Í lesskilningsprófinu eru 4 verkefni og nemendur fá 60 mínútur til að leysa prófið.  
• Í hlustunarprófinu eru 4 verkefni og nemendur fá 40 mínútur til að leysa prófið. 
• Í ritunarprófinu eru 2 verkefni og nemendur fá 80 mínútur til að leysa prófið.  
• Stutt hlé eru gerð á milli prófanna. 
• Próftakar eru hvattir til að kynna sér uppbyggingu prófanna vel með því að skoða sýnisprófin hér fyrir neðan.  

Sýnispróf í lesskilningi – íslenska á B2 stigi

Sýnispróf í hlustun – íslenska á B2 stigi

Sýnispróf í ritun – íslenska á B2 stigi
 

    

Próftaka er úthlutað próftíma í munnlegt próf á seinni prófdegi.

• Prófið tekur alls 30 mínútur. Fyrstu 15 mínúturnar fær próftakinn að undirbúa hluta prófsins í biðstofu áður en prófið hefst. Prófið sjálft tekur 15 mínútur í prófstofu.  
• Próftaki tekur prófið einn og er metinn af tveimur prófdómurum.   
• Í prófinu eru 3 verkefni sem eru afhent á staðnum.  
• Próftakar eru hvattir til að kynna sér uppbyggingu prófsins vel með því að skoða sýnisprófið hér fyrir neðan.  

Sýnispróf í munnlegri færni – íslenska á B2 stigi