Móttaka nýnema á Hugvísindasviði

Nýnemum við Hugvísindasvið er boðið á kynningarfund í sal 1 í Háskólabíói föstudaginn 26. ágúst næstkomandi kl. 13:00-14:00. Þar mun Jón Atli Benediktsson, rektor Háskóla Íslands, flytja ávarp og Guðmundur Hálfdanarson, forseti Hugvísindasviðs, og deildarforsetar segja frá starfsemi sviðsins.

Dagskrá:

• Ávarp Jóns Atla Benediktssonar, rektors Háskóla Íslands.
• Kynning á Hugvísindasviði. Guðmundur Hálfdanarson, forseti Hugvísindasviðs.
• Stutt kynning á deildum.
  Geir Sigurðsson, forseti Deildar erlendra tungumála, bókmennta og málvísinda.
  Arnfríður Guðmundsdóttir, forseti Guðfræði- og trúarbragðafræðideildar.
  Gunnþórunn Guðmundsdóttir, forseti Íslensku- og menningardeildar.
  Svavar Hrafn Svavarsson, forseti Sagnfræði- og heimspekideildar.
• Kynning á Uglu. Haukur Jóhann Hálfdánarson kerfisfræðingur.
• Kynning á Stúdentaráði HÍ og félagslífi stúdenta á sviðinu. Kristjana Vigdís Ingvadóttir, formaður sviðsráðs Hugvísindasviðs.

Að loknum kynningarfundinum verða kynningarfundir í námsgreinum kl. 14:00. Þar verður greint frá námstilhögun og veittar nánari upplýsingar um nám í viðkomandi greinum. Hér að neðan má finna í hvaða stofum kynningarnar fara fram. 

Kennsla hefst mánudaginn 29. ágúst. Sama dag hefjast nýnemadagar Háskóla Íslands en þar verður boðið upp á gönguferðir um háskólasvæðið, kynningar á þjónustu og skemmtidagskrá. 

Á nýnemavef Háskóla Íslands, vef Stúdentaráðs, og á vef Hugvísindasviðs, eru gagnlegar upplýsingar fyrir nýnema um námið og skólann, þar á meðal drög að stundaskrám. Ef nýnemar hafa einhverjar spurningar um námið er hægt að hafa samband við starfsfólk á skrifstofu í síma 525 4400, senda tölvupóst á netfangið hug@hi.is eða koma við á skrifstofu sviðsins í Aðalbyggingu (3. hæð); hún er opin kl. 10-12 og 13-15 virka daga.

Deild erlendra tungumála, bókmennta og málvísinda:

• Spænska  Árnagarður  Stofa 304
• Ítalska   Lögberg  Stofa 205
• Kínversk fræði  Aðalbygging  Stofa 052
• Gríska og latína  Aðalbygging  Stofa 222
• Frönsk fræði  Aðalbygging   Stofa 218
• Japanskt mál og menning Lögberg  Stofa 103
• Enska   Árnagarður  Stofa 201
• Þýska   Aðalbygging   Stofa 050
• Danska   Nýi Garður  Stofa 201
• Sænska   Árnagarður  Stofa 303
• Rússneska  Aðalbygging 069

Guðfræði- og trúarbragðafræðideild:

• Guðfræði  Aðalbygging  Stofa 229

Íslensku- og menningardeild:

• Listfræði  Árnagarður  Stofa 101
• Íslenska  Árnagarður  Stofa 311
• Almenn málvísindi Aðalbygging  Stofa 051
• Táknmálsfræði  Árnagarður  Stofa 310
• Almenn bókmenntafr. Aðalbygging  Stofa 225
• Kvikmyndafræði Aðalbygging  Stofa 207

Sagnfræði- og heimspekideild:

• Heimspeki  Árnagarður  Stofa 422
• Fornleifafræði  Nýi Garður   Stofa 001
• Sagnfræði   Árnagarður  Stofa 301