Góð þátttaka í Háskólahlaupi

Yfir 100 stúdenta og starfsmenn Háskóla Íslands sprettu úr spori í Háskólahlaupinu miðvikudaginn 2. apríl. 

Þetta var í fjórtánda sinn sem hlaupið fór fram með núverandi fyrirkomulagi. Markmið hlaupsins er í senn að leiða saman nemendur og starfsfólk í skemmtilegum viðburði í og við háskólasvæðið og stuðla að bættri heilsu háskólafólks. Umsjón með hlaupinu var í höndum nemenda í námskeiðinu Viðburða- og verkefnastjórnun í íþróttum á námsleið í íþrótta- og heilsufræði við Háskóla Íslands í samstarfi við Markaðs- og samskiptasvið og Mannauðssvið skólans.

Hlauparar gátu valið á milli tveggja vegalengda, 3 km og 7 km. Þriggja kílómetra hlaupaleiðin lá m.a. meðfram Suðurgötu, út að Reykjavíkurflugvelli og meðfram friðlandinu í Vatnsmýri. Boðið var upp á nýja sjö kílómetra hlaupaleið í ár sem lá með fram Suðurgötu, út á Ægisíðu og til baka með fram sjónum og umhverfis Skerjafjörð, út að Reykjavíkurflugvelli og með fram friðlandinu í Vatnsmýri.

Samanlagt voru yfir 100 þátttakendur skráðir til leiks að þessu sinni og það kom í hlut Jóns Atla Benediktssonar, rektors HÍ, að ræsa hópinn í skeifunni fyrir framan Aðalbyggingu að lokinni upphitun undir stjórn íþrótta- og heilsufræðinema. Óhætt er að segja að veðurguðirnir hafi verið hliðhollir hlaupurum en blíðskaparveður var í borginni.

Veitt voru verðlaun til þeirra sem komu fyrst í mark á báðum vegalengdum. Þau eru:

3 km - konur

1. sæti Barbora Gotthardtova
2. sæti Anna Bjarnadóttir
3. sæti Lúcia Sóley Óskarsdóttir

3 km - karlar

1. sæti Gumi Gumson
2. sæti Gianmarco Brocchi
3. sæti Leander Bjarnason

7 km - konur

1. sæti Barbora Ochotná
2. sæti Daría Jósefsdóttir
3. sæti María Kristín Bjarnadóttir

7 km - karlar

1. sæti Atli Jasonarson
2. sæti Bergur Ingi Óskarsson
3. sæti Magnús Þór Valdimarsson

Heildarúrslit Háskólahlaupsins má finna á vef Tímatöku.net.

Háskóli Íslands þakkar þeim stóra hópi sem tók þátt í hlaupinu kærlega fyrir daginn!

Myndirnar tók Kristinn Ingvarsson, ljósmyndari HÍ.