Miðbiksmat í jarðfræði - Patrick Kant Muanza

Heiti ritgerðar: Greining breytinga á jarðhitaflæði, yfirborðshitaafbrigði og steinefnabreytingar með fjarkönnun eftir tímabil eldfjallaóróa á Reykjanesskaga, SV-Íslandi (Detection of Changes in Geothermal Fluxes, Surface Thermal Anomalies, and Mineral Alteration via Remote Sensing Following Periods of Volcanic Unrest at Reykjanes Peninsula, SW-Iceland)

Nemandi: Patrick Kant Muanza

Doktorsnefnd:

Þorvaldur Þórðarson, prófessor við Jarðvísindadeild HÍ

Ingibjörg Jónsdóttir, dósent við Jarðvísindadeild HÍ

Gunnlaugur M. Einarsson, jarðfræðingur hjá ÍSOR

Sigurður Garðar Kristinsson, landfræðingur hjá ÍSOR

Ágrip

Reykjanesskagi er eitt af lykilsvæðum jarðhitanýtingar á Íslandi. Á síðustu árum hafa eldsumbrot haft talsverð áhrif á svæðið. Þessi atburðarás getur haft áhrif á hitaleiðni og yfirborðshita svæðisins á tímaskalanum frá vikum til nokkurra ára. Rannsóknir hafa í talsverðum mæli beinst að eldvirkninni, en síður að því hvernig atburðirnir tengjast yfirborðsvirkni á jarðhitasvæðum. Markmið doktorsverkefnisins er að nýta fjarkönnunartækni til að kortleggja og greina breytingar á yfriborðsvirkni jarðhitasvæða, sem mætti rekja til breytinga vegna eldvirkni. Greining hitamynda (TIR), fjölrófs- og ofurrása gagna verður beitt til að fylgjast með þróun jarðhitavirkni fyrir, á meðan og eftir eldsumbrot. Með þessu móti verður hægt að greina hitafrávik og ummyndun sem tengist jarðhitaferlum á svæðinu. Eftirlit með breytingum á jarðhitasvæðum stuðlar að ábyrgri nýtingu þeirra og bættum skilning á samspili jarðhita og eldvirkni á Reykjanesskaga. Greining á fjarkönnunargögnum, sem safnað var á tímabilinu 2014 til 2023, gerir kleift að kortleggja og rannsaka breytingar á yfirborðshita. Þessar breytingar hafa greinst á sumum jarðhitasvæðum á Reykjanesskaga, sérstaklega á umbrota tímabilum.