Samtal um skapandi greinar: Starfsumhverfi myndlistarmanna

Fimmtudaginn 8. janúar kl. 8.30-10 heldur fundaröðin Samtal um skapandi greinar áfram göngu sinni í húsakynnum CCP í Grósku, 3. hæð, að Bjargargötu 1, 102 Reykjavík. Viðfangsefni þessa fyrsta fundar annarinnar snýr að starfsumhverfi myndlistarmanna. Rannsóknasetur skapandi greina (RSSG) stendur að fundinum í samstarfi við Samband íslenskra myndlistarmanna (SÍM), Myndlistarmiðstöð og CCP. Erindum verður streymt.

Emilia Telese, listamaður og fræðimaður, er höfundur skýrslu um lífsviðurværi myndlistarmanna sem hún vann að fyrir hönd SÍM. Skýrslan var birt fyrr í mánuðinum og er gerð í framhaldi af fyrri könnunum SÍM frá 2020. Á viðburðinum mun Emilia kynna skýrsluna og niðurstöður hennar en þær draga upp skýra mynd af efnahagslegri óvissu, miklu vinnuálagi og kerfisbundnum hindrunum fyrir sjálfbærni.

Í kjölfarið fáum við innsýn í sjónarhorn og reynslu Hlyns Hallssonar myndlistarmanns. Hlynur býr og starfar á Akureyri og í Berlín, starfaði sem safnstjóri Listasafnsins á Akureyri 2014-2024 og auk myndlistarinnar sinnir hann kennslu.

Vinsamlegast skráið mætingu (á staðinn) hér 

Athugið að sætaframboð er takmarkað. Skráningu lýkur kl. 12 miðvikudaginn 7. janúar.

CCP býður fundargestum upp á kaffi og léttan morgunverð.