New Frontiers - Ráðstefna um flóttafólk og hælisleitendur
Saga
Ráðstefnan New Frontiers um flóttafólk og hælisleitendur þar sem lögð er sérstök áhersla á reynslu barna og ungmenna verður haldin í Sögu, nýju húsnæði Menntavísindasviðs Háskóla Íslands dagana 31. október og 1. nóvember 2025.
Skráning er opin til 24. október nk. Skráðu þig hér!
Verð: 230 Evrur
Verð fyrir doktorsnema: 110 Evrur
Á ráðstefnunni verður sjónum beint að reynslu og upplifun flóttafólks um allan heim.
Skipuleggjendur ráðstefnunnar eru þverfaglegt teymi fræðimanna sem hlaut Öndvegisstyrk frá Rannsóknasjóði (Rannís) til að rannsaka reynslu flóttafólks frá Sýrlandi og Írak, sem kom til landsins á árunum 2016–2021. Í rannsókninni er athygli sérstaklega beint að börnum og ungmennum. Meðal viðfangsefna rannsóknarinnar eru menntun, annarsmálsfræði og tungumálanám, vellíðan, samfélagslegt net, traust og aðgengi að úrræðum og þjónustu. Hér er heimasíða verkefnisins.
-
Aðalfyrirlesarar ráðstefnunnar eru Gry Paulgaard og Laura Robson og má lesa um erindin þeirra hér.
-
Hér má kynna sér dagskrá ráðstefnunnar.
Við hvetjum sérstaklega skólastjórnendur, kennara, fræðafólk og alla þá aðila sem vinna með málefni tengd flóttafólki og hælisleitendum að skrá sig á ráðstefnuna.
Nánari upplýsingar: https://newfrontiers.hi.is
Ráðstefnan New Frontiers um flóttafólk og hælisleitendur þar sem lögð er sérstök áhersla á reynslu barna og ungmenna verður haldin í Sögu, nýju húsnæði Menntavísindasviðs Háskóla Íslands dagana 31. október og 1. nóvember 2025.
