Árna Magnússonar fyrirlestur – Åslaug Ommundsen

Á fæðingardegi Árna Magnússonar handritasafnara 13. nóvember gengst Árnastofnun árlega fyrir svokölluðum Árna Magnússonar fyrirlestri.

Að þessu sinni fjallar Åslaug Ommundsen, handritafræðingur og prófessor við Háskólann í Bergen, um nýjar stefnur í handritarannsóknum, bæði á sviði efnislegra og stafrænna rannsóknaraðferða. Áherslan verður á rannsóknir á handritabrotum, en lagt verður út af tveimur messubókum sem skrifaðar voru af Íslendingum.

Åslaug Ommundsen leiðir eina stærstu rannsókn á miðaldahandritum sem nú stendur yfir í Evrópu.

Titill fyrirlestrarins er: Parchment and pixels. Re-examining written cultural heritage.

Fyrirlesturinn fer fram í Eddu 13. nóvember kl. 17. Hann verður fluttur á ensku og er öllum opinn. Að fyrirlestrinum loknum verður boðið upp á léttar veitingar.

Nánari upplýsingar á vef Árnastofnunar