Áfangamat: Sæberg Sigurðsson

Kennsluhættir í starfsnámi á Íslandi: Áskoranir í síbreytilegu landslagi

Meginmarkmið þessarar rannsóknar er að kanna kennsluhætti í starfsnámi á Íslandi í ljósi þeirra breytinga sem hafa orðið á samsetningu nemendahópsins á síðustu árum. Rannsóknin er í tveimur hlutum. Sá fyrri felst í því að greina breytingar í aðsókn að starfsnámi og þróunina í samsetningu nemendahópsins. Seinni hlutinn felst í því að greina kennsluhætti á þremur starfsnámsbrautum og varpa ljósi á þá styrkleika og þær áskoranir sem fylgja kennsluháttunum er kemur að því að mæta þörfum fjölbreytts nemendahóps.

Matið er í tvennu lagi; fyrst kynnir Sæberg rannsóknarskýrslu sína kl. 13–14 í stofu S-285 í Sögu og er sú kynning opin nemum í framhaldsnámi og starfsfólki Menntavísindasviðs. Hægt er að fylgjast með á Teams: Join the meeting now

Síðan er fundur þar sem matsnefnd fær tækifæri til að ræða rannsóknarskýrsluna. Fundurinn er öðrum lokaður. Tilgangur matsins er tvíþættur eins og fram kemur í Reglum um doktorsnám við Mennta­vísinda­svið: Að meta hæfni doktorsnemans til að framkvæma rannsóknarverkefni sitt og að veita endurgjöf svo að verkefnið verði svo gott sem verða má.

Prófdómarar eru Dr Per-Åke Rosvall prófessor við Umeå University, Svíþjóð, og Dr Martina Wyszynska Johansson dósent við University of Gothenburg, Svíþjóð.

Aðalleiðbeinandi er Dr Elsa Eiríksdóttir prófessor á Menntavísindasviði við Háskóla Íslands, meðleiðbeinandi Dr Valgerður S Bjarnadóttir dósent á Menntavísindasviði við Háskóla Íslands.
Dr Amalía Björnsdóttir prófessor við Menntavísindasvið er formaður matsnefndar og stýrir athöfninni.