Málþing um leikritaþýðingar á íslensku 

Stofnun Vigdísar Finnbogadóttur í erlendum tungumálum og Bókmennta- og listfræðastofnun Háskóla Íslands efna til málþings um leikritaþýðingar á íslensku. 

Haldið í fyrirlestrasal Eddu mánudaginn 1. desember kl. 13:00-17:00.

Erlend leikverk hafa mótað íslenskt leikhús og leikbókmenntir frá upphafi leiklistar í landinu. Danskir og franskir gamanleikir voru leiknir á dönsku af reykvískum skólapiltum á fyrri hluta nítjándu aldar en fljótlega var farið að snúa þeim á íslensku, stundum úr millimáli. Leikritaþýðingar skipa því sérstakan sess innan leiklistarsögunnar og er málþinginu ætlað að vekja athygli á vægi þeirra fyrir íslenskt leikhúslíf og hinni sértæku glímu þýðenda og leikara við leiktextann. Í erindum og umræðum verður sjónum beint að ólíkum hliðum þessarar áhugaverðu sögu og staldrað við nokkur kennileiti og helstu áskoranir.  

Gauti Kristmannsson kynnir og stýrir umræðum 

Dagskrá:

• Ingibjörg Þórisdóttir – Frá skrifuðu orði til lifandi flutnings: um hlutverk þýðandans
• Hjörtur Jónsson leikari – Tungumál leikarans
• Guðrún Kristinsdóttir – Um þýðingu ljóðleikja
• Tinna Gunnlaugsdóttir – „Lagað að háttum vorum og siðum“
• Hrafnhildur Hagalín Guðmundsdóttir – Þýtt upp á nýtt: mikilvægi nýrra leikritaþýðinga
• Rebekka Þráinsdóttir – Náttúran og sálin: þrjár þýðingar á Vanja frænda eftir Anton Tsjekhov 
• Kaffihlé 
• Irma Erlingsdóttir – Franska framúrstefnan á íslensku 
• Ástráður Eysteinsson – Um þýðingar á verkum Becketts 
• Ásdís R. Magnúsdóttir – Flær á skinni
• Egill Arnarson spjallar við Trausta Ólafsson um verk Antonins Artauds: Leikhúsið og tvívera þess 
• Trausti Ólafsson spjallar við Kolfinnu Nikulásdóttur um Artaud og Hamlet. 

Sérhefti Milli mála 2026 verður helgað leikritaþýðingum á íslensku. Ritstjórar þess eru Guðrún Kristinsdóttir og Ásdís Rósa Magnúsdóttir.