Úkraína - Konur, varnarmál og öryggi

Hádegisfundur: Úkraína – konur, varnarmál og öryggi Á hádegisfundi, sem haldinn verður miðvikudaginn 12. nóvember klukkan 12 í Veröld – húsi Vigdísar ræða Jón Ólafsson, prófessor við Háskóla Íslands og sérfræðingur í málefnum Rússlands og Úkraínu og Magnea Marinósdóttir, alþjóðastjórnmálafræðingur og sérfræðingur í jafnréttismálumrætt um stöðu jafnréttis- og öryggismála í Úkraínu eftir innrás Rússa 2022 við Dr. Katerynu Levchenko. Auk þess sem Kateryna mun segja frá nýútkominni bók inni Ukraine is not silent: Chronicles of Fighting Against War-Related Sexual Violence (2022–2024). Dr. Kateryna Levchenko er jafnréttisfulltrúi úkraínskra stjórnvalda (Government Commissioner for Gender Equality Policy) og landsfulltrúi við innleiðingu ályktunar Öryggisráðs Sameinuðu þjóðanna nr. 1325 um konur, frið og öryggi. Hún leiðir starf milli stofnana gegn kynferðisofbeldi sem tengist árásarstríði Rússlands gegn Úkraínu auk þess að stýra verkefnum sem miða að því að tryggja bætur og réttlæti til handa þolendum. Í bókinni eru birt 25 viðtöl við úkraínska og alþjóðlega sérfræðinga um það hvernig styðja má þolendur kynferðisofbeldis tengdum stríðsátökum og hvaða alþjóðlegu stofnanir,  félagasamtök og aðilar skulu koma þar að. Auk þess er lögð áhersla á hvaða nálgun megi beita í baráttunni fyrir réttlæti og bata þeirra sem hafa orðið fyrir kynbundnu ofbeldi tengdum stríðinu og hvernig reynslan frá Úkraínu geti nýst annars staðar. Fundurinn er haldinn af Úkraínusetri Háskóla Íslands og Íslandsdeild tengslanets norrænna kvenna í sáttamiðlun (Nordic Women Mediators). Fundurinn fer fram á ensku og eru öll velkomin má meðan húsrúm leyfir.