Hvað er í gangi í íslenskri máltækni? Táknmál og málnematextar

Í haust fara fram vikulegir fyrirlestrar á vegum Máltækniseturs. Fyrirlesarar frá HÍ, Árnastofnun og HR kynna yfirstandandi rannsóknarverkefni og nýsköpunarfyrirtæki segja frá starfsemi sinni. Fjallað verður um efni á borð við risamállíkön og gervigreind, talgreiningu og -gervingu og málvinnslu.

Mánudaginn 6. október eru tveir fyrirlestrar á dagskrá: 

• Kl. 15–15:40. Táknað og talað: Lýsing á rannsóknaráætlun. Torfi Þórhallsson og Jón Guðnason.
• Kl. 15:50–16:30. Úrvinnsla nematexta í íslensku sem öðru máli og sjálfvirk flokkun getustigs. Isidora Glišić.

Fyrirlestraröðin fer fram í stofu 008 í Veröld. Táknmálstúlkun verður í boði í fyrra erindinu.