Opin kynning á verkefni um hlutverk fjölskyldna í loftslagsaðgerðum
SAGA Stofa S-277
Rannsóknarverkefnið Fókus á fjölskyldur í réttlátum umskiptum varpar ljósi á lykilhlutverk íslenskra fjölskyldna í loftslagsaðgerðum og sjálfbærni. Þann 9. október verður opin kynning á helstu áherslum verkefnisins og framkvæmd þess, en í rannsókninni er fléttað saman úrvinnslu úr viðtölum við íslenskar fjölskyldur og rannsókn á birtingarmyndum fjölskyldna og umhverfisaðgerða í bókmenntum og kvikmyndum.
Tími: 9. október 2025, kl. 15-16
Staður: Saga, Háskóli Íslands, stofa S-277
Markmið rannsóknarinnar er að kanna hvernig réttlát umskipti geta orðið að veruleika í daglegu lífi fólks og hvernig hugmyndir um fjölskyldu, samfélag og náttúru birtast bæði í menningu og reynslu fólks um land allt. Áhersla er lögð á náið samstarf rannsakenda, fjölskyldna og stefnumótandi aðila og er kynningarfundurinn fyrsti liður í opnu samtali við almenning.
Rannsóknin hlaut styrk frá British Academy og er samstarfsverkefni Háskóla Íslands og Brunel háskóla.
Viðburðurinn fer fram í nýuppgerðu húsnæði Sögu, Hagatorgi, stofu 227. Verkefnisstjórar munu þar taka til máls, kynna vefsíðu verkefnisins og svara spurningum, en þau eru Auður Aðalsteinsdóttir, forstöðumaður Rannsóknaseturs HÍ í Þingeyjarsveit, Auður Magndís Auðardóttir, dósent á menntavísindasviði HÍ, Utsa Mukherjee, dósent í menntavísindum við Brunel háskóla, Rannveig Ágústa Guðjónsdóttir, nýdoktor í uppeldis- og menntunarfræði, og Angela Snæfellsjökuls Rawlings, nýdoktor í menningarfræðum.
Léttar veitingar í boði og öll velkomin.
Rannsóknarverkefnið Fókus á fjölskyldur í réttlátum umskiptum varpar ljósi á lykilhlutverk íslenskra fjölskyldna í loftslagsaðgerðum og sjálfbærni. Þann 9. október verður opin kynning á helstu áherslum verkefnisins og framkvæmd þess, en í rannsókninni er fléttað saman úrvinnslu úr viðtölum við íslenskar fjölskyldur og rannsókn á birtingarmyndum fjölskyldna og umhverfisaðgerða í bókmenntum og kvikmyndum.
